. . ابو زوجي شايب بالستين لكن سليط اللسان جدا وقاصف بل مدمر للجبهات يالله حسن الخاتمه 😳😳 لما ازورهم اكون جالسه على اعصابي لاني مره صبغت شعري اشقر وقايل لي مين اللي مسهل على شعرك على باله سهال مو صبغه اعذروني عالمصطلحات اللي راح اكتبها لكم بقصتي بس علشان تعرفون معاناتي .... احنا خمس سلفات لكن ماينادينا باسامينا كل وحده فينا معطيها لقب (عياره) يناديها فيه انا مثلا لاني قصيره وشوي مليانه يناديني المصلحفه نسبه الى السلحفاه 🐢 والحمدلله هاللقب اهون من سلفاتي 😳 ...سلفتي الثانيه لان عيونها كبار مايناديها الا البومه وسلفتي الثالثه لانها اول زواجها سيرت عليهم ببنطلون وسيع صار يناديهة غوار الطوشي وسلفتي الرابعه يناديها ام فقيسه لان وزنها فوق الميه وسلفتي الخامسه مشفر لقبها ماقدر افصح عنه ....والمصيبه انه ماينادي بناته الا بألقاب حلوه بنته الكبيره يناديها شيخه البنات وبنته الصغيره يناديها الاميره وزوجته يمزح معها ويناديها سميره توفيق واحنا زوجات عياله كخه مالنا الا الالقاب الشينه لدرجه خلاص تعودنا لما ينادينا بهاللقب نقول له سم ...وش نسوي غصبن علينا نحترم شيباته وازواجنا ماخذين الوضع طقطقه ولا همهم وانا بصراحه ماهمني لكن اللي قاهرني وجالطني انه ينادي بنتي الصغيره اللي عمرها خمس شهور (ام فنيص) لان خشمها شوي عريض وادري ان هاللقب راح يظل ملازم لها لغايه ماتكبر ...وخوفي تتعقد من هاللقب ...كتبت لكم قصتي لاني ادري مافيه حلول لكني طامعه منكم بدعوات تحنن لسان هالشيبه علينا