9 years ago
  • المرحلة الثالثة (الأشهر 9,8,7)
لما تحسي انو علاقتك مع جوزك صارت موترة و مليانة مشاكل ... او لما تحسي انو عم يبعد عنك و انك مو من اولويات حياتو ... قبل ما تركدي لعند الكوافيرة تقصي شعرك و تصبغيه اشقرررر ... متل ما رفيقتك نصحتك ... او تروحي تسجلي بالنادي و تبلشي بالريجيم اللي بينزل خمعطشر كيلو بالاسبوع ... او تركدي لتهتمي فيه وبلبسو وبعيلتو اكتر ليحترمك ويحبك ويقدرك اكتر " طبعا كل هالقصص مهمة بعلاقة زوجية صح ما فيني اعترض " بس ما تنسي في شي اهم من كل هدول هو أنتي وروحك على فكرة مو لازم يكون سبب نفور الزوج انو الزوجة مقصرة بحقو ... لا بالعكس ... احيانا تضحية الزوجة المفرطة و اللي بتقتل حالها لحتى ترضيه بيكونو هنن السبب.. كتير أحيان الزوج بيمل لما يحس انو مرتو ما عندها شي غيرو بحياتها ... ما في اهتمامات عندها غير شو بدو ياكل و شو بدو يلبس و رح يسهر معي اليوم ولا لأ ؟؟!! هون بيحس انو مرتو مملة..فاضية..جسد بلا روح .. ما فيها شي جديد.. مواضيعها مكررة.. ماعندها هدف عايشة بلا هوايات واهتمامات ماعندها طموح هون بيبدأ يدور على وحدة جديدة ... عندها جديد تحكيه ... انا ما عم قول انو رح يدور على وحدة تشاركو اهتماماتو ... لا ... رح يدور على وحدة يشاركها اهتماماتها ... و تورجيه حياة جديدة ... بتعرفي انو كل اخصائين الاستشارات الزوجية بيرفضوا تضحية الزوجة ، لانهم بيعرفوا انو اغلب الرجال بيعتبروا تضحية المرأة (غباااء و ضعف ) بتعرفي انو دينك ما قلك تضحي بحقوقك ، شووو ما كانت كرمال حدا ... لا جوزك ولا ولادك ولا أي حدى بالدنيي بتعرفي انو الرجال بيحب المرأة المستقلة ماديا و فكريا و بحب المرة الي بتتاقشو وبيكون عندا رأي اللي بتعرف حقوقها و بتحافظ عليها ، حتى لو بينلك عكس هالشي ....المرة والأنثى ما انخلقت للزواج والطبخ والتضحية والولاد الانثى كيان وروح وحياة بدك منو اهتمام .... اهتمي انتي بحالك ... بدك انو يحبك ... حبي انتي حالك ... بدك منو يحترمك .... احترمي انتي حقوقك و انوثتك و احتياجاتك ... كوني ملكة بنظر نفسك لتكوني ملكة بنظر الدنيي كلها... روحك أمانة وهبك ياها ربك حافظي. عليها وانخلقتي لتعيشي #عيشي_حياتك_صح

34 تعليقات

العضوة: 31860 , 9 years ago

معك حق وكلامك صح بس لمشكله بجبروكي ع لتضحيه

العضوة: 42438 , 9 years ago

عجبتني كثير

العضوة: 9904 , 9 years ago

@user-31860 حاول يكون الك حياه خاصه ولو ساعه يوميا

العضوة: 9904 , 9 years ago

@user-42438 وان شاء الله انها تكون افادتك

العضوة: 9904 , 9 years ago

@user-31092 انت الأروع يا قلبي

العضوة: 21823 , 9 years ago

صحيح ميه بالميه

العضوة: 49574 , 9 years ago

اكيد كلام كتير حلو

العضوة: 49373 , 9 years ago

حلو كتير هدا الكلام حاب اقول حاجة تانية ما بعرف ادا عندي بتوفقوني راجل اصلا بحب المراة الي دايما عكس فكل شي يعني ما بتسمع ديما الو ههههههه

العضوة: 30370 , 9 years ago

اتفق تماما ❤

العضوة: 49877 , 9 years ago

سلام بنات هل استخدام حبوب منع الحمل شريط واحد بس ينظم الدوره ع طول مع العلم قبل مااحمل كانت ملخبطه دورتي ردو بليز

العضوة: 9904 , 9 years ago

@user-49574 الله يحلي ايامك

العضوة: 9904 , 9 years ago

@user-49373 هههههههههه فعلا بحبو اللي بنشف ريقهم