9 years ago
  • المرحلة الثالثة (الأشهر 9,8,7)
لما تحسي انو علاقتك مع جوزك صارت موترة و مليانة مشاكل ... او لما تحسي انو عم يبعد عنك و انك مو من اولويات حياتو ... قبل ما تركدي لعند الكوافيرة تقصي شعرك و تصبغيه اشقرررر ... متل ما رفيقتك نصحتك ... او تروحي تسجلي بالنادي و تبلشي بالريجيم اللي بينزل خمعطشر كيلو بالاسبوع ... او تركدي لتهتمي فيه وبلبسو وبعيلتو اكتر ليحترمك ويحبك ويقدرك اكتر " طبعا كل هالقصص مهمة بعلاقة زوجية صح ما فيني اعترض " بس ما تنسي في شي اهم من كل هدول هو أنتي وروحك على فكرة مو لازم يكون سبب نفور الزوج انو الزوجة مقصرة بحقو ... لا بالعكس ... احيانا تضحية الزوجة المفرطة و اللي بتقتل حالها لحتى ترضيه بيكونو هنن السبب.. كتير أحيان الزوج بيمل لما يحس انو مرتو ما عندها شي غيرو بحياتها ... ما في اهتمامات عندها غير شو بدو ياكل و شو بدو يلبس و رح يسهر معي اليوم ولا لأ ؟؟!! هون بيحس انو مرتو مملة..فاضية..جسد بلا روح .. ما فيها شي جديد.. مواضيعها مكررة.. ماعندها هدف عايشة بلا هوايات واهتمامات ماعندها طموح هون بيبدأ يدور على وحدة جديدة ... عندها جديد تحكيه ... انا ما عم قول انو رح يدور على وحدة تشاركو اهتماماتو ... لا ... رح يدور على وحدة يشاركها اهتماماتها ... و تورجيه حياة جديدة ... بتعرفي انو كل اخصائين الاستشارات الزوجية بيرفضوا تضحية الزوجة ، لانهم بيعرفوا انو اغلب الرجال بيعتبروا تضحية المرأة (غباااء و ضعف ) بتعرفي انو دينك ما قلك تضحي بحقوقك ، شووو ما كانت كرمال حدا ... لا جوزك ولا ولادك ولا أي حدى بالدنيي بتعرفي انو الرجال بيحب المرأة المستقلة ماديا و فكريا و بحب المرة الي بتتاقشو وبيكون عندا رأي اللي بتعرف حقوقها و بتحافظ عليها ، حتى لو بينلك عكس هالشي ....المرة والأنثى ما انخلقت للزواج والطبخ والتضحية والولاد الانثى كيان وروح وحياة بدك منو اهتمام .... اهتمي انتي بحالك ... بدك انو يحبك ... حبي انتي حالك ... بدك منو يحترمك .... احترمي انتي حقوقك و انوثتك و احتياجاتك ... كوني ملكة بنظر نفسك لتكوني ملكة بنظر الدنيي كلها... روحك أمانة وهبك ياها ربك حافظي. عليها وانخلقتي لتعيشي #عيشي_حياتك_صح

34 تعليقات

العضوة: 9904 , 9 years ago

@user-49877 انا ما عندي فكرة

العضوة: 16026 , 9 years ago

فعلا والله 👍

العضوة: 49421 , 9 years ago

وانا بوافقك الرأي بكل كلمة الزوجة بتفكر انه كل ما يحكيلها زوجها شي اه اه وانه احلا لون كذا وهيا اه وازكى طبخة كذا وهيا اه بدنا نطلع اليوم ع كذا وهيا اه بتفكر انه هيك هيا زوجة مطيعة وزوجها رح يموت عليها بس لا حبيبتي غلطانة وين رئيك وين تحكي لا هيك برأيي احسن طبعا بدون عناد و مجاكرة بزووق بحس انه بحكي مع مرة الها كيانها و الله يسعدكم جميعاً.

العضوة: 9904 , 9 years ago

@user-16026 👍💓

العضوة: 9904 , 9 years ago

@user-49421 كلامك صح و سليم و يا ليت الصبايا يستفيدوا و يعملوا الهم كيان خاص و مستقل 👍😍

العضوة: 49238 , 9 years ago

كلامك بوقته💝

العضوة: 37972 , 9 years ago

@user-9904 كلام صحيح ... بس أنا زوجي من النوع اللي عنده كل شي ممنوع ... مثلا ممنوع أطلع من البيت إلا بإذنه وله حق الاختيار... أما آه أو لأ... غير هيك .... هو ما بحب إني أروح وين ما بدي .... ولا إني اشتغل في أي محل ... بإختصار ما يكون عندي طموح بأي شي .. بره البيت .. في البيت اعملي اللي بدك إياه بس بره ممنوع....

العضوة: 9904 , 9 years ago

@user-3533 انت الأجمل

العضوة: 9904 , 9 years ago

@user-37972 حبيبتي حاولي تناقشيه مره على مره و احكي معه بأسلوب حلو و كلام طيب و شوفي كيف راح يتغير صدقي زوجي كان هيك بس هلأ الحمد لله ماخذه كل حقوقي و زياده

العضوة: 37972 , 9 years ago

@user-9904 والله يا حبيبتي حاولت كتير ... وحكيت معه وهو لما يشوفني .. بس بصير يحكيلي ... والله كندرتك ... انتو أكبر قدر بتسوى عندي كل نسوان العالم بس بعد هيك ... برجع أقطع من قبل... شو بدي اعمل.. تعبت من الكلام ع الفاضي

العضوة: 9904 , 9 years ago

@user-37972 الله يكون بعون قلبك و يسخر قلب زوجك الك و يصلحه و يهديه

العضوة: 48232 , 9 years ago

كلامك صحيح يسلم 😍 ايديكي