#الحليب_الصناعي 🍼 #سلسلة_الرضاعة_الطبيعية #مفاهيم_خاطئة هواي امهات تتصور أو عبالها من نلح على الرضاعة الطبيعية 🤱 ونبقى ننشر بوستات 📰 ونعيد ونزيد معناها احنا ضدها .. أو ضدز راحتها.. أو دنزيد الهم عليها .. 😑 لكن الحقيقه هي العكس! 🤷 عزيزتي الام🧕 .. اختيار نوع الرضاعة هو قرارج ومسؤليتج .. ومن واجبنا نوضح الج كل الجوانب .. اذا قررتي ترضعين رضاعة صناعيه 🍼 كوني على استعداد لمواجهة المشاكل.. الكثير والكثير والكثير من المشاكل .. 😥 وليس كما هو شائع أن الرضاعة الصناعية هي راحه للام ! 😅 شنو هاي المشاكل؟ 🤔 ⁦1️⃣⁩مشاكل المغص والغازات وعدم موالمه الحليب للطفل وتغير من نوع لنوع وتبقين بدوامه السهر والتعب (اقلها) طيله ال٣ شهوور الاولى هل الرضاعة الطبيعية مابيها مغص؟ 🧐 بيها لكن اقل بكثييييير.. وسهل السيطره عليه بطريقه أن الام تشرب الاعشاب الطاردة للغازات (الام مو الطفل ) وعمل تجشأه جيده للطفل أثناء وبعد الرضاعه. ⁦2️⃣⁩مشاكل الاسهال.. والإمساك 😞 ⁦3️⃣⁩مشاكل انقطع الحليب من السوك🛒.. انضرب الحليب! طلع مغشوش🤪! طلع اكسباير! طلع بي مواد مسرطنه😵، طلع تقليد .. توقف الاستيراد ووووو ⁦4️⃣⁩مشاكل التعقيم والفطريات والجراثيم .. فوري الممه فوري المي ، بردي المي، وكعت الممه .. توسخت الممه 😆 ⁦5️⃣⁩من تردين تطلعين تشيلين جنطه جبيره🎒 فوك الهوسه 🤦 ترمز وحليب وممات اضافيه واذا تباتين بغير مكان تعاي شيلي المعقمه والفرجه ووو ⁦6️⃣⁩المشاكل المتعدده اذا تأخر الفطام من الممه (العمر المثالي لفطام الممه والانتقال للكوب هو سنه. الحد الأقصى سنه و ٦ اشهر.. اي مده اطول تعني مشاكل .. مشاكل .. مشاكل ) مثلا تسوس الاسنان مثلا العضه المفتوحه مثلا الفطام الصعب جدا لان يتعلق بيها أزيد من اللازم ⁦7️⃣⁩مشاكل التغذيه 🍱 برفض الطعام والاعتماد على الحليب (لان ينزل بسرعه مو مثل الرضاعة الطبيعية يحتاج جهد بالإضافة إلى أن كميه الحليب الطبيعي يبدي يقل حته الطفل يعتمد على الاكل اكثر.. اما الصناعي لازم انتي تقللي) ⁦8️⃣⁩من عدا ماكو مقارنه بين مكونات الحليب الصناعي والطبيعي (الحليب الصناعي لاتتغير مكوناته يبقى نفسه نفسه.. عكس الطبيعي يتغير حسب عمر الطفل وحسب وضعه الصحي) ⁦9️⃣⁩الحليب الصناعي 🍼 خالي من الاجسام المناعية ⁦0️⃣⁩⁦1️⃣⁩اكيد تكاليف اعلى ومصاريف اكثر 💰💲تشمل الحليب الصناعي والممات والحلمات والمعقمات ⁦1️⃣⁩⁦1️⃣⁩كثره زياره الطبيب 👨‍⚕️ لان يتمرض اكثر (كمعدل ) ⁦2️⃣⁩⁦1️⃣⁩رفض الرضاعة من الممه بفترات التسنين عكس الرضاعة الطبيعية يلزك بيج 😂 ويرضع ليل ونهار لان الرضاعة الطبيعية تعتبر مسكن طبيعي للالم ⁦3️⃣⁩⁦1️⃣⁩بالاضافه الى المشاكل الصحيه على المدى القصير والطويل المتمثله بفشل الاستيقاظ من النوم (متلازمة الموت المفاجئ) و بالتهابات الاذن👂 والتهاب الرئه وحساسية الصدر وارتفاع نسبه الاصابه بامراض السكر والقلب وهسه؟ 🙄 بعدها الرضاعة الصناعية مريحه؟؟ 😅 هذا لايعني أن الرضاعة الطبيعية سهله زلال .. الرضاعة الطبيعية بيها صعوبات وخصوصا اول شهر.. لكن تستحق التعب وتعبها فتره ويروح وتحصلين ثمار تعبج.. عكس الصناعية تعب بتعب والمشاكل متخلص..🤦 ختماما🍃 اكرر القرار قرارج محد اله حق يكلج تعاي غصب رضعي طبيعي.. لكن رجاءا لاتروجين ولاتشجعين على الرضاعة الصناعية🚫.. لأنها وبكل صراحة لاتستحق اي تشجيع. أما السؤال الاكثر طرحا.. زين والماعدها حليب.. زين والموظفه زين والي عدها علاج واللي و اللي فإني هوايه حجيت عن المواضيع هذه ببوستات سابقه و اذا ما عندك هاهيه خلص الله يساعدك على هم الرضاعه الصناعيه بالمناسبه البارحة بإحدى الكروبات ام كاتبه معاناتها مع ابنها طلع عنده تحسس من كذا نوع من أنواع الحليب الصناعي بحيث إذا يشرب يصير اسهال فضيع وقئ وحاليا بايته بي بالمستشفى وعمره ثلاث شهور وحايره هي والأطباء شيسون الها لأن كل الأنواع المتوفره (الطبيه) جربوهن ومدتوالم💔💔 شكرا للكل منقوووول د. سيف سمير البياتي