فكره للامهات .. 💜💜 هاتي ورقه بيضاء تماما ..وخلي طفلك او طفلتك يقصها على شكل قلب 💜 بمساعدتك واكتبي عليها اسمه .. والزقيها في مكان واضح في شقتك كل مايعمل حاجه غلط حطي نقطه سوده على قلبه (ياريت تكون بالرصاص) لو عيط واتأسف وقالك مش هاعمل كده قوليله طب يالا نستغفر ربنا عشان يسامحنا وكل 10 مرات استغفار مثلا امسحيله النقطه دى هيحب هو الموضوع ويستغفر كتير وكل ما يستغفر 10 او اكتر امسحيله فى النقط لحد ما يرجع قلبه ابيض نضيف تانى هو هيعجبه الفكره اوى وهتلاقيه دايما ملتزم بالاستغفار اول اما يغلط وعرفيه دايما ان ربنا بيحبه وبيفرح بيه انه لما بيغلط بيستغفر ومش يكرر الغلط تانى ♡ الافضل تعملي ركن مخصص للعبادات لاطفالك .. هتلاقي طفلك تلقائي بيروح لمكان العبادات ويستغفر ويصلي وحتى لو مبيعرفش يصلي هيستشعر عظمه ربنا ومراقبته ليه لما تلاقيه تاب وندمان قوليله كده ربنا تاب عليك وقلبك رجع ابيض تاني علميه من صغره على التوبه الصالحه عند الخطأ ودايما افتخري بقلبه وفرجيه لصحابك وقوليلهم ده قلب ابني ابيض عشان هو كويس ومبيعملش غلط (حسسيه انه فعلا حاجه كبيره عند ربنا وانك فخوره بيه ) معا لبناء جيل يخشى الله ومعني التوبه من الصغر أعانكم الله علي تربيه ابنائكم 💜