العضوة: 522470 , 6 years ago

*بلشت تكبر ارجوان و تزيد شقاوتها .. بأغلب الاوقات البنت الوحيدة بتكون هادية و لطيفة بس ارجوان كانت خالية من هالصفات تماما ... ليلى : يا ولاد وين اختكن ليش ماعم تلعب معكن ؟! سعيد : ما منعرف ماما ما شفناها من ربع ساعة . ليلى : هاد يلي بأمن فيكن .. ارجوااااان . سعيد : كل واحد يدور بغرفة . *بلشت عمليات البحث عن ارجوان يلي ما بتختفي الا وفي وراها مصيبة... خالد : ماما لقيتها . ليلى : وين ؟ خالد : بالمغسلة . *ركضت و بالفعل لقيت ارجوان بالمغسلة .. حجمها الصغير كان بيساعدها تختفي او تقعد بأصغر الاماكن ... ليلى : شو عم تعملي بالمغسلة ايمتا بدك تعقلي جننتيني اخواتك الصبيان ما عملو عمايلك . و بعد دقايق اختفت ارجوان مرة تانية كلنا راحنا نشوفها اذا بالمغسلة بس المفاجأة انو هالمرة لقيتا بالمجلى .. كبرت ارجوان و صار عمرها 7 سنين ... الدنيا رمضان كانت امي تقعدني جنبها مشان ما اعمل مصايب ، وبعد متابعة المسلسل الخليجي يلي نص مقاطعو شب بيحط مخدرات و بيشمها .. عجبتني الفكرة و قررت روح و طبقها ...

العضوة: 522470 , 6 years ago

ليلى : ارجوان لوين رايحة ؟ ارجوان : على غرفتي بدي العب بألعابي . ليلى : بس كل شوي تعالي و طمنيني عن حالك انا بدي بلش طبخ ما فاضيتلك . رحت على غرفة اخواتي اخدت علبة البودرة رشيت منها على الطاولة يلي بغرفتي رجعت العلبة على غرفة اخواتي و رجعت على غرفتي صرت شم البودرة و اسعل .. من عادة ابي كل ما اجا عالبيت يبوسني اول شي بعدين يسلم على اخواتي .. علاء : ارجوانتي وينك بابا . ارجوان : اي . كان انفي كلو بودرة و عيوني نازل منهم دموع التفتت على ابي كان واقف عند باب غرفتي .. علاء : شو عم تعملي لك شو هاد ؟ ارجوان : مخدرات . علاء : م مخدرات ! من وين جبتيهن ؟ ردي من وين ؟ اشرت على غرفة اخواتي و بلشت قلد حركات بطل المسلسل بعد ما يشم المخدرات . علاء : شو جبتيهن من غرفة اخواتك ؟؟ ارجوان : اي . علاء : سعيييييد . سعيد : نعم ابي . *وقتها ابي ضربو كف لاخي سعيد صوت الكف ما بقدر انساه اكتشفت انو عملت مصيبة بدون ما اعرف شو هي وشو يعني مخدرات اصلا .. ابي ضرب سعيد لانو هو الوحيد المشكوك بأمرو بما انو الكبير و عمرو صار 16 سنة . سعيد : شوفي ابي ؟ علاء : شوفي عم تسال شوفي هلأ بدك تحكي كلشي من ايمتا بتتعاطى و مين يلي بيعطيك ياهن يلا احكي كلشي . سعيد : عن شو عم تحكي ابي والله ما فهمت عليك . *حرق قلبي اخي لما صار يحكي و الدمعة بعينو و خاصة انو انا... علاء : ارجوان روحي جيبي المخدرات من غرفة اخوتك . *ركضت جبت علبة البودرة و رجعت ... علاء : هي المخدرات ؟ ارجوان : اي . علاء : من وين تعلمتي تعملي هيك ؟ *اشرت باصبعي على امي و قلت ... ارجوان : من مسلسل ماما هيك بيعمل جاسم كل حلقة بجيب بودرة و بصير بشما بس بقول عن البودرة مخدرات . علاء : الله يلعن ابوكي على ابو جاسم روحو من خلقتييي . *كل واحد فينا راح على غرفتو بس اكتر شي زعلني يومها انو ما فطرنا اول ما ادن وانا جعت كتير .

العضوة: 522470 , 6 years ago

في حدا عم يتابع 😞😞

العضوة: 522470 , 6 years ago

علاء : ماعاد تحضري مسلسلات بوجود بنتك . ليلى : طيب انا شو بعرفني انو بدها تطبق . علاء : بهالعمر بطبقو كلشي و فوقها بنتك شيطانة . ليلى : الصبيان التلاتة ما متلها الله يعيني على تربيتها . يتبع... .

العضوة: 522470 , 6 years ago

#أرجوان #الجزء_الثاني #بقلم_فتاة_من_ورق بعد هالقصة ضل أخي سعيد زعلان مني اسبوع انا ما كنت اتعاقب على أي تصرف الوحيدة و المدللة .. معاملة أبي و امي الي خلوني اوثق بنفسي و حس انو انا احلى بنت بالعالم و حس انو كلشي لازم يكون الي انا و بس .. وقت صرت بعمر ال8 سنين بلشت الغيرة عندي... أرجوان : وين كنتو مبارح بالليل ؟ علاء : بالبيت وين بدنا نكون . أرجوان : انا صحيت بالليل ما لقيتكن . ليلى : اي حبيبتي كنا عند الدكتور . أرجوان : الدكتور بياع الكنادر ؟ ليلى : شو ما فهمت ! أرجوان : استنو . *رحت على غرفة أمي طالعت علبة الكندرة الجديدة و رميتها بالارض ... أرجوان : هي شو ؟ ليلى : كندرتي .

العضوة: 522470 , 6 years ago

أرجوان : هي الكندرة جديدة انتو مبارح رحتو اشتريتوهاااا . علاء : لا يا حبيبتي هي قديمة . أرجوان : هي جدييييدة انا بعرف كل كنادر اميييي انا هلأ بدي كندرة متلا . ليلى : بس هي للكبار من وين بدنا نجبلك متلا . أرجوان : بدييييي متلاااااااا . *قعدت بالارض و صرت ابكي .. وما سكتت لحتى اخدوني على السوق و اشترولي كندرة بتشبه كندرة امي . علاء : لوين طالعة ؟ أرجوان : لعند بنت الجيران ما بطول . *طلعت ركض لعند بنت الجيران هي قدي بالعمر ... سارة : اهلين ارجوان . ارجوان : شوفي البابا شو جبلييي . سارة : شو جبلك ؟ ارجوان : كندرة متل الكبار شوفي شو حلوة . سارة : ما حلوة . ارجوان : حلوة بس انتي غرتي منييي يلا باااي . ليلى : بنتك عايشة مشان تجاكر الناس . علاء : بيطلعلا اميرة ابوها . ليلى : لشوف دلالك لوين بدو يوصلها . علاء : خلص سكتي اجت ما تزعليا . ارجوان : شوفوني متل الاميرة و انا لابسة كندرة بكعب . علاء : ما متل يا ابي انتي اميرة اصلا . *من بعدها كل قطعة تشتريها امي الها تجبلي متلها مشان يتفادو شري ... علاء : كل عام وانتي حبيبتي . ليلى : الله يخليلي ياك من ايام الخطبة ما هديتني شي بعيد الحب . علاء : وهلأ حبيت رجعلك ايام الخطبة وهي وردة و فستان الك على عيد الحب . ارجوان : وانااااا شو جبتلي بابا . *تطلع فيني ابي نظرة صدمة ... علاء : حبيبتي جبتلك هي الوردة و الفستان لأمك . ارجوان : ليش وردة ما فستان متل الماما ؟ علاء : ما لقيت فستان يليق بالاميرة ارجوان مشان هيك جبتلك وردة حطيها على شعراتك . ارجوان : طيب . *اخدت الوردة و حطيتا على شعري و طلعت لعند سارة ...

العضوة: 522470 , 6 years ago

ارجوان : ابوكي ما جبلك وردة تحطيها على شعرك ؟ سارة : لا ما جبلي . ارجوان : يا حرام شوفي الوردة يلي جبلي ياها البابا شو حلوة . سارة : اي و شوفي انتي التياب يلي جبلي ياهن البابا مبارح لونهن اصفر انتي عندك تياب لونهن اصفر ؟ *نزلت ركض من عند سارة ... ارجوان : هلأ خدنيييييي عالسوق جبلي تياب لونهن اصفرررر . علاء : بس يا حبيبتي الساعة 10 الدنيا ليل . ارجوان : والله ما رح نام ليصير عندي تياب لونهن اصفر متل تياب ساااارة . *وطبعا ما نمت الا وانا لابسة تياب جديدة لونهن اصفر .. تعودت انو احصل على كلشي بدي ياه ومافي انسان بالكون كلو احسن مني او عندو شي ما عندي ياه .. ليلى : والله رح تجنني يا مرت عمي هيك و عمرها بس 9 سنين . ام علاء : بتتذكري وقت قلتيلي صورتي و طلع معك بنت . ليلى : اي . ام علاء : وقتها قلتلك معناها رح يصير عندك ضرة . ليلى : اي بتذكر . ام علاء : في قصة بتنقال انو مرة حلوة كتير عندها 4 صبيان كل يوم توقف قبال المراية تمشط شعرها و تقول (الحمدلله يا ربي ما عندي ضرة) زوجها مل 5 سنين وهي بتعيد نفس الجملة راح تزوج و قال خليني اكسر راسها و ما اسمعها كل يوم بتقول ما عندي ضرة و بصباحية عرسو راح يشوف مرتو توقع تكون عم تبكي بس نصدم لما شافها قبال المراية و عم تقول (الحمدلله يا ربي ما عندي ضرة) و هيك لوقت ولدت هالمرة و جابت بنت دخل لعندها زوجها عالغرفة لقاها عم تبكي سألها شبك ؟ قالتلو صار عندي ضرة . ليلى : اي والله يا مرت عمي بنتي تقولي ضرتي علاء ما بجبلي شي الا يجبلها متلو . ليلى : ارجوان روحي حبيبتي جيبيلي علبة الخياطة من غرفتي . ارجوان : اي حاضر ماما . *رجعت بعد 10 دقايق ... ارجوان : ما لقيتها ماما . ليلى : اي لانك ما دورتي عليها . ارجوان : دورت . ليلى : واضح من الحمرة يلي عشفافك و من ريحة العطر يلي عبت الغرفة هلكتي و انتي عم تدوري

العضوة: 522470 , 6 years ago

#أرجوان #الجزء_الثالث #بقلم_فتاة_من_ورق لما كبرت اكتر صارت امي رفيقتي المقربة ماعاد غرت منها ولا من أي حدا و أشياء البنات ماعاد تهمني .. صرت اتعامل مع اخواتي كأنو انا اخوهن الرابع ... ارجوان : يلا خالد جيب الشدة . خالد : شكلك جاهزة للخسارة . ارجوان : ارجوان ما بتخسر . سعيد : قلتيلي ما بتخسر مبارح مين صار يبكي من الخسارة ؟ حمزة : ارجوان . ارجوان : عفوا ! ما بتذكر هيك شي ابدا . سعيد : حمزة . حمزة : ايوا . سعيد : شوف اخي شوف والله حلوة هالممثلة . حمزة : تقول ملاك مو بنت عادية . *تطلعت فيهن بطرف عيني و رفعت طرف شفتي... ارجوان : احم احم . خالد : طبعا يعني بس ما احلى من اختنا . حمزة : اي اي ما بتجي نقطة ببحر جمال اختنا حبيبتنا . ارجوان : فتو الشدة ولا تطلعو عالتلفزيون كتير بتوجعكن عيونكن . سعيد : يا حنونة بتخافي على عيوننا . ارجوان : اي طبعا ولو انتو اخواتي . بصباح اليوم التاني سرقت كرة القدم من غرفة اخواتي و رحت عالمدرسة .. اخر سنة الي بالمدرسة صرت بكلوريا و زاد جناني بدال ما اعقل . ارجوان : رهف شوفي المديرة بغرفتها ؟ رهف : اي بغرفتها . ارجوان : يلا يا بنات قبل ما تجي المعلمة . *هربنا من الصف و صرنا نلعب كرة قدم ... ارجوان : الله يقطع البنات ويلي بيلعب مع البنات . مايا : ليش انتي شو ؟ ارجوان : انا بنت بس بعرف العب ما متلكن بتخافو من الكرة لا تخبط فيكن . *شوي شوي بلشت شوف رفقاتي عم يقل عددهن هيك لحتى ما بقي غيري .. التفتت و شفت المديرة واقفة ورايي . المديرة : برافو حلو كتير .

العضوة: 522470 , 6 years ago

ارجوان : انا انا المديرة : انتي شو مفكرة حالك بملعب ؟ المعلمة الها نص ساعة بالصف و انتي هون متل الصبيان عم تلعبي بالكرة ! ارجوان : والله كلن كانو معي ما بس انا . المديرة : ارجوان عيب هالتصرفات انتي صرتي صبية اعطيني الكرة و ارجعي عالصف و ما بدي هالشي يتكرر . ارجوان : حاضر .

العضوة: 789413 , 6 years ago

قصص كمان بليزز

العضوة: 522470 , 6 years ago

تكرمي

العضوة: 522470 , 6 years ago

*نص الحصص ما كنت احضرها يا متقلعة لانو عم احكي يا اما هربانة و قاعدة بالساحة مع رفقاتي المقربات رهف و سمر .. بلشت الامتحانات و انا مو دارسة شي .. حاولت غش بس ما قدرت لانو المعلمة بعدت الكراسي عن بعض ... ارجوان : ااااخ بطني بطني . المعلمة : شبك حبيبتي . ارجوان : بطني عم يوجعني كتير . المعلمة : طيب حبيبتي روحي لعند الممرضة خليها تعطيكي دوا . ارجوان : و الامتحان ؟ المعلمة : بعدلك ياه بيوم تاني . *طلعت من الصف و بلشت اضحك .. عنا ممرضة بالمدرسة اخدت من عندها دوا و رميتو بالزبالة و صرت اقطف ورد من حديقة المدرسة و ضيع وقت . رهف : ارجوان شو عم تعملي هون ؟ ارجوان : عم اقطف ورد متل مو شايفة . رهف : كيف صرتي ؟ لساتك موجوعة ؟ ارجوان : ههه من كل عقلك صدقتي ؟ حبيبتي هي كذبة بيضا لانو مو دارسة . رهف : هههه يخربيتك والله انا اقرب الناس الك صدقتك . ارجوان : اليوم مضيت قصة وجع البطن بكرى عنا عربي المعلمة غبية و انتي ذكية رهوفتي . رهف : شو يعني انا ذكية . ارجوان : يعني رح تغششيني متل الحبابة . رهف : اي امرك انا ما بعرف ليش مرافقتك لهلأ بعمري ما استفدت منك بشي . ارجوان : المهم انا استفيد منك . رهف : امشي نرجع عالصف . اخر 3 شهور حبست حالي بالغرفة و بلشت الدراسة الجد و نجحت بمجموع وسط بس المهم نجحت .. و سجلت بالجامعة . ليلى : اليوم جايكي خطابين . ارجوان : اي شو اعملن ما بدي انخطب هلأ . ليلى : حتى لو ما بدك تنخطبي لازم ترتبي حالك و تقعدي شوي و تطلعي يلا روحي رتبي حالك ما بعرف ايمتا بيجو . ارجوان : اممم طيب رايحة . *لبست فستان ناعم و مرتب و قعدت ساوي شعري ، صرت ساويه ببطئ مشان يجو وانا لسا ما مخلصة ... بعد نص ساعة سمعت صوت الباب عم يندق استقبلتهن امي و انا لسا ما خلصت شعري و عم اضحك ... ليلى : لك يلا شو صار فيكي ضيفيهن القهوة .

العضوة: 522470 , 6 years ago

ارجوان : اي امي شوي بس . ليلى : الله يصبرني . بعد ربع ساعة .. ناديت امي من بعيد ... ارجوان : ماما بدي كندرة من عندك . ليلى : يعدمني ياكي روحي خدي من خزانة الكنادر . *طلعت لقيت كندرة سودة كعبها عالي جنب الباب لبستها و جبت القهوة و ضيفتهن ياها و قعدت ... صارو يتطلعو فيني الخطابين و يضحكو .. وانا صرت اتطلع على حالي و ارجع اتطلع عالخطابين ومستغربة على شو عم يضحكو هدول .. كانت ام العريس و اختو و خالتو . ام عبيدة : شو عم تدرسي حبيبتي ؟ ارجوان : انا حبيبتك ؟ ام عبيدة : اي . ارجوان : ايوا والله عم ادرس رياضة . ام عبيدة : رياضة ؟! ارجوان : اي ليش مستغربة ؟ ام عبيدة : لا مو مستغربة . *ام العريس تطلعت بأختها و اختها غمزتلها بمعنى اي وانا عم اتطلع فيهن بشوفة حالي مع انو هن مرتبين كتير و مبينين اكابر ... ام عبيدة : ابني دارس هندسة طيران عمرو 27 سنة . ليلى : الله يخليلك ياه . ام عبيدة : و يخليلك هالقمر . ليلى : الله يسلمك . *طلعت من الغرفة لانو بلشو يجاملو بعض وانا بكره المجاملة .. قبل ما يروحو رجعت عالغرفة انا و ودعتهن وهن ضلو يتطلعو فيني و يضحكو ماعاد اعرف عم يتمسخرو عليي ولا عنجدحبوني .. وقبل ما يمشو التفتت عليي ام العريس .. ام عبيدة : حبيبتي معلش تشلحيلي كندرتي ؟ المرة الجاية بجبلك ياها معي بس هالمرة خليني ارجع فيها عالبيت . *صارو خدودي حمر من الخجل تمنيت لو الارض تنشق و تبلعني .. وفهمت وقتا ليش عم يضحكو من اول ما دخلت ... ارجوان : اسفة فكرتها كندرة امي . *طلعو من الباب وانا صرت ادعي ما يرجعو مرة تاني .. بعد يومين رجعو اتصلو بأمي و بدهن يجو ... ارجوان : ليش قلتيلون اهلا و سهلا . ليلى : شو قلهن ؟ ارجوان : قوليلون ماتت بنتي ماعاد عندي بنات يا ربي شلون بدي ارجع فوت هلأ ؟ ليلى : خليكي طبيعية و عادية البسي الكندرة قبل ما يجو . ارجوان : طيب . رجعو اجو بالمرة التاني و طلبوني و قعدو اهلي يتشاورو بين بعضن انو يوافقو او لا ... سعيد : انا سألت عن الشب ابي و الكل مدحو منو . علاء : انتي موافقة يا بنتي ؟ ارجوان : كيف بدي وافق وانا لسا ما شفت كيف شكلو حتى صورتو ما ورجوني ياها . ليلى : المرة الجاية بيجي معهن . ارجوان : طيب بس شوف شكلو بقول اي او لا . يتبع... #بقلم_فتاة_من_ورق

العضوة: 522470 , 6 years ago

#أرجوان #الجزء_الرابع_الأخير #بقلم_فتاة_من_ورق اجا الوقت يلي رح اتعرف فيه على عبيدة .. ضيفتهن القوة و قعدت .. عبيدة شب طويل اسمراني جذاب و حلو كتير راكز و هادي زيادة عن اللزوم و هالشي انا ما بحبو ابدا .. طلب انو نقعد نتعرف على بعض ... 10 دقايق و الصمت معبي الغرفة .. قررت اكسر الصمت و احكي معو ... ارجوان : بتعرف تلعب شدة ؟ عبيدة : اي . ارجوان : بتفوز ولا بتخسر ؟ عبيدة : باغلب المرات بفوز . ارجوان : اي من يوم ورايح بدك تصير تخسر . عبيدة : عفوا ؟! ارجوان : ولا شي اعتبرني ما قلت شي . *رجع عم الصمت بالغرفة و قررت للمرة التاني اكسر الصمت ... ارجوان : بتعرف تلعب دحاحل ؟ عبيدة : هههه اي . ارجوان : في دوري دحاحل بدو يبلش يوم السبت تشارك فيه ؟ عبيدة : ههه بين مين و مين ؟ ارجوان : انا و بنات ام رامي و بنات ام سالم و عبيدة : ارجوان . ارجوان : اي . عبيدة : انتي كل حياتك لعب ؟ ارجوان : تقريبا اي . عبيدة : طيب خلينا نرجع نقعد مع اهلك . ارجوان : اوكي . راحو عبيدة و اهلو وانا بلشت اجلي و رتب و نضف ... ام عبيدة : شو رأيك ابني ؟ عبيدة : اخطبيلي ياها . ام عبيدة : عجبتك ؟ عبيدة : كتير ، بتحسيا طفولية مزوحة مافي هم على قلبا . ام عبيدة : الله يقدم يلي فيه الخير .

العضوة: 522470 , 6 years ago

*ما كنت مفكرة انخطب بس النصيب لعب دورو و قلت موافقة على عبيدة ... و بعد الخطبة صار عبيدة كل يوم يجي يزورني ... ارجوان : لك اهليييييين بأبو حسن تفضل اتسلى مع اخواتي لجهزلك الاركيلة قالتلي اختك انك بتأركل . عبيدة : اهلين فيكي اي بأركل بس ما كتير . ارجوان : اي معك معك بتصير بتأركل كتير . *قررت طالعو من حالة الهدوء و الركازة يلي مسيطرة على حياتو بما انو بدو يصير زوجي لازم يصير مجنون متلي ... ارجوان : خلونا نطلع نقعد عالبرندا . خالد : اي تفضل صهر . *قعدنا انا و اهلي و عبيدة عالبرندا بعد لحظات بلشو يختفو اهلي و تركونا انا و عبيدة لحالنا . عبيدة : بتعرفي شو يلي خلاني اخطبك بسرعة . ارجوان : شو ؟ عبيدة : طفوليتك و مزحك حبيتن كتير و حبيت ضحكتك . *عم اتطلع فيه و انتبهت انو في صرصور عم يمشي على شعرو ... عبيدة : انا حبيتك من اول نظرة ارجوان .