6 years ago
  • ما قبل الحمل
رح تنزل هي لقصة بعد التفاعل القوي منكم انتظر تفاعلكوم حبيباتي

247 تعليقات

العضوة: 694206 , 6 years ago

بعد مرور شهر حسين بمكتبو ... اندق الباب وفات عادل حسين : اهلا خيي عادل عادل : كيفك حسين : الحمد لله اقعد ارتاح عادل : اتفضل هيدي هية القضية خالصة وهيدي جيتي من المحكمة حسين : برافو عليك ... طلعت عند حسن ظني عادل : اي خيي كيفا امي حسين : مزال مشتقلا ماتروح لعندا عادل : مشان صفاء .. مالي عين اتطلع فيها .. وهية كمان بتكره وجودي حسين : عشان صفاء لا تاكل هم اليوم تعال لعنا بالسهرة عادل : اوك رح اجي انا وسوزي حسين : صح كيفا مرتك بعد هالحادث ان شاء الله تغيرت عادل : اتغيرت وبس .. لك صارت وحدة تانية ... صاحبتا كلون قطعتلون كرت . والموبايل مابتشيلو ابدا ... ومروقنتي اخر رواق حسين : اي كتير منيح عادل : كيف صفاء حسين : منيحة ... وامي كتير مبسوطة معا . عادل : وانت حسين : شبني انا عادل : ماحبيتها حسين : انا لأ ليش لحبها .. ولانسيت ليش انا تزوجتا عادل : حسين صفاء بنت بتجنن لاتخسرا .. حسين : مابعرف خيي مابعرف عادل : شو يعني مابتعرف حسين : خلص انسى .. عادل : خيي انت عم تحبا حسين : لا .لا عادل : لأ بتحبا .. بس عم تكابر حسين : يمكن .. عادل : كتير منيح ماتصارحا حسين : بشو بدي صارحا ..اذا هية مانا حاسي فيني ابدا .. عادل : حاول تلمحلا حسين : مابعرف .. شيلنا من هالسيرة عادل : خيي بدك نصيحتي صارحها قبل مايفوت الاوان ... يلا سلام انا فالل عبيتنا حسين : الله معك طلع عادل .. وضل حسين لحالو .. وقال واخيرا ياحسين قدرت تطلع مشاعرك .. واخيرا .. واخيرا اعترفت انك حبيتها ... بس كيف بهل السرعة قدرت تدخل على قلبي ... بس ان شاء الله تفهم علي وتحس فيني .. رجع ع البيت .. وكانت صفاء قاعدة حد امو وعم يتفرجو على الموبايل على الموديلات التياب ... حسين : مرحبا صفاء وامو : اهلا . وضلو عم يتطلعو على التلفون حسين قعد ومحدا عبرو .. قام وسحب التلفون من ايد صفاء وسكرو صفاء : لك حسين شوعملت حسين : صرلي ساعة قاعد محدا عبرني .. صفاء : سووري .. بس عطيني اياه حسين : هههه لاماحزرتي هيدا رح يضل معي عقاب الك

العضوة: 694206 , 6 years ago

عقاب الك صفاء : مرت عمو قوليلو يعطيني الموبايل ام حسين : ابني لاتعذبا عطيها اياه .. حسين : بعطيها اياه بشرط .. صفاء : جاهزة شو هو حسين اشر على خدو وقال بدي بوسة صفاء فكرت حسين عم يمزح : لك حسين بلا غلاظتك هاتو حسين : وين الغلاظة بالموضوع .. صفاء : عنجد بدك بوسة حسين : والله .. فيها شي ياماما ام حسين : لا ابدا صفاء فكرت انو حسين عم يطلبا عفوية وعم يعمل هيك قدام امو .. وقالت انو مافيها شي هية بوسة ع الخد .. صفاء : امري لاالله .. قامت وقربت منو وحست شي غريب جواتا عم يتحرك ... عم تقرب ببطئ غمضت عيونا وقربت شفايفا من خدو .. وهو بسرعة برم وجهو اتجاها واجت البوسة على تمو .. فتحت عيونا .. ورجعت لورا بسرعة ام حسين : ههههههههه صفاء اتلبكت كتير وصار وجها احمر وراحت قعدت حد حماتا .. حسين كان قلبو طاير من الفرح .. حسين حط التلفون على الطاولة .وقال : خدي موبايلك اخدتو صفاء وقامت وقالت : انا رايحة جهز الغدا .. وصلت ع المطبخ وهية لساتا متوترة وعم تقول لحالا ليش هيك عمل .. لحقا حسين حسين : شبك صفاء اتدايقتي من البوسة صفاء : ليش عملت هيك

العضوة: 694206 , 6 years ago

صفاء : ليش عملت هيك حسين : سووري صفاء بس طلعت عفوية .. لاتفكري انو انا اخدت تفكيري لغير مكان صفاء: يلا مابأسر حصل خير .. وياريت تاني مرة لاتكررا .. حسين انقهر كتير لانو ماحست فيه ... حسين : اوك .. انا مش جوعان لاتحطي اكل مشاني .. صفاء : ليش شو ماكل حسين : مش ماكل ومش جوعان انا طالع ارتاح .. صفاء طلعت وقعدت حد حماتا ام حسين : صفاء شبو زوجك صفاء : مابعرف ام حسين : اي قومي يابنتي شوفي شبو زوجك .. طلعت صفاء وفتحت الباب ولقتو عم يغير ورجعت فورا حسين : صفاء فوتي صفاء : لتخلص بفوت قرب وفتح الباب وسحبا لجوا صفاء حطت راسا بالارض .. صفاء : حسين شبك .. حط ايدو تحت وجها ورفعلا اياه حسين : اتطلعي هون .. شوفي بخجل انا جوزك افهمي صفاء : حسين شو عم يصير معك حسين : ولا شي .. خلص اطلعي انا موتر شوي صفاء طلعت وقفت ع الباب ونطرت شوي ورجعت فاتت كان لابس تيابو .. صفاء : شبك حسين حكيلي شو مزعلك حسين : خلص انسي صفاء : حسين مانحنا اصدقاء احكيلي حسين : خلص ولا شي .. صفاء : اوك على راحتك حسين : ااه صفاء .. اليوم المسا جاي عادل بدو يشوف امي صفاء : ليش عم تقلي حسين : هو خجلان كتير منك ... صفاء : بصراحة انا عنجد ماني حابة شوفو .. ممكن توصلني لعند امي .. منو بشوفا ومنو بشوف هناء لانو بعد يومين عرسا حسين : اوك .. جهزي حالك ع الخمسة .. ..................................

العضوة: 694206 , 6 years ago

كم وحدة متابعة 😅😅

العضوة: 694206 , 6 years ago

صفاء : والله مابعرف هناء : حاولي تتقربي منو واكسبي قلبو العما شو جدبا .. لك احسن منو معد يجيكي .. ولاناوي تتطلقي وتقعدي تدوري على الشخص يلي رح يقبل فيكي وانتي مطلقة .. صفاء : لك حاج تلعبي بعقلي هناء : فكري فيها منيح .. صفاء : رح ابعتلوانو بدي نام عند امي لشوف شو ردة فعلو هناء : اي شوفي .. اتصلت صفاء بحسين صفاء : الو حسين : اي صفاء شوفي صفاء : اتصلت لحتى قلك انو لا تجي تاخدتي انا رح نام عند امي حسين : ليش فيها شي امك صفاء : لا بس مشتاقتلا حسين : اي مافي تضلي .. جهزي حالك ع العشرة بجي باخدك صفاء : ليش يعني هالتصرف حسين : هيك .. صفاء : اي ماني رايحة حسين : طيب اوك متل مابدك .. وسكر صفاء : اسمعتي هناء : اي اسمعت ... لك ماشفتي شلون انزعج .. لك هاد بحبك صفاء : عنجد .. وانا شو لازم اعمل هناء : اسمعيني كتير منيح .. انتي لازم تخلي حسين ينام معك صفاء : شوووووووو هناء : متل ماسمعتي .. لازم تخططي كيف تضلي بهداك البيت

العضوة: 694206 , 6 years ago

تضلي بهداك البيت صفاء : بس انا هناء : هسس اسكتي اجت امك .. بس فكري فيها منيح نادية : اتأخرت عليكن .. بس لانو كنت عم قطع الكيك صفاء : يسلموون وصارو ياكلو كيك ويشربو عصير صفاء : صح هناء ما اجا خطيبك هناء : لا شي يومين .. وكمان اجلنا موعد العرس صفاء : ااه عنجد .. يلا منيح بنشبع منك منيح وبلش يمرق الوقت .. وصفاء كل تفكيرا بالحكي يلي قالتو هناء وحسين معقول عنجد بحبا .. وقررت تحاول تتقرب من حسين وتنفذ يلي قالتلا عليه هناء لانو عنجد حبت هداك البيت ومابدا تخسرو ........................ ببيت حسين ...راح عادل ومرتو من عندن .. وحسين صار يتطلع على الساعة لما صارت عشرة .. قام ركب سيارتو وراح ... وصل على لعند بيت اما لصفاء نزل ودق الباب .. قامت نادية فتحت نادية : اهلا سهلا بصهري العزيز قرب منا وباس مرت عمو وعيونو على صفاء .. وهناء صفاء صارو يتطلعو ببعض وهنن مصدومين .. حسين : كيفك حماتي نادية : مشتقتلك .. اتفضل فوت فات وقعد حد صفاء وحط ايدو على كتافا ولف رجل على رجل صفاء عم تهمسلو : ليش جيت حسين : جاي اخدك ع بيتك .. صفاء : بس هداك مانو بيتي حسين : بنحكي بالبيت هلق مو وقتو .. نادية :شو تشرب ياحبيبي

العضوة: 694206 , 6 years ago

نادية :شو تشرب ياحبيبي حسين : كل شي من ايدك طيب ياحماتي قعدو شربو قهوة .. واستأذن مشان يقوم حسين : يلا صفاء صفاء : يلا .. طلعو ركبو بالسيارة . صفاء : ماقلتلك لا تجي ليش جيت حسين : وانا جيت صفاء : حسين شو صاير معك اليوم ... مانك طبيعي نهائيا . حسين : اي مش طبيعي ابدا صفاء : حسين احكيلي مو نحنا اصدقاء حسين ضرب على التابلو بأيدو وصار يعيط : انا مش صديقك انا زوجك يامدام .. صفاء : حسين شو نسيان انو لسه معنا شهر وبنطلق حسين : انا مش رح طلق .. صفاء حست بنوع من الفرح جواتا صفاء : بلله .. وليش مابدك تطلق حسين : لاني بحبببك صفاء : شوووووو شحط فراام ووقف .. واتطلع عليها .. حسين : شبك .. اتفاجئتي .. اي بحبك .. بحبك .. معقول خلال هالشهر ماحسيتي شي تجاهي .. لك انا من اول يوم فتي فيه على هالبيت وانا عم راقبك وحبك واتعلق فيكي .. بتعرفي انو انا كل يوم المسا بقوم ببوسك على خدك وانتي نايمة .. ليش ماعم تحسي ليش صفاء :............. حسين : اي خليكي هيك ساكتة .. دور السيارة ومشي .. وصلو ع البيت .. طلع حسين على غرفتو .. وصفاء لحقتو .. دخلو وسكرو الباب وراهن .. صفاء : حسين ليش

العضوة: 694206 , 6 years ago

صفاء : حسين ليش حسين : شو ليش صفاء : ليش حبيتني حسين : ههههه سؤال سخيف .. صفاء : شو بدك مني حسين : بدي تكوني مرتي عنجد مو بس ع الورق بدي تحبيني وحبك .. بدي نكمل مع بعض صفاء : وانت بتقبل تتزوج وحدة مغتصبة حسين : انسي الماضي انا مابهمني صفاء ماضل عندا شي تقولو .. حسين : صفاء احكي ليش سكتي ..شو رأيك صفاء : شوبدي احكي قرب منا حتى صار قريب منا كتير .. رفعلا راسا وخلاها تتطلع عليه .. حسين : صفاء بدي اياكي .. صفاء : .......... حسين : شو يعني سكوتك .. صفاء عم تتطلع بعيونو حاسة انو قلبا رح يطلع من مكانو مابتعرف هاد الشعور خوف او حب .. قرب منا كتير حتى اختلطت انفاسون مع بعضا .. غمضت عيونا .. لانا حابة تستسلم لهاي اللحظة . اول مرة بتحس بهل الشعور الحلو .. اول مرة بتتمنى من شخص يقرب منا .. وهو عتبر سكوتا علامة رضا .. قرب وهو عم ياخد نفسو بصعوبة وقلبو رح يطلع من مكانو .. شفافا حستون عم يرجفو وهدو ببوسة منو عليهن .. وهية مغمضا عيونا ومستلمة لبوستو الدافي .. طلع قدام عادل وامجد وهنن عم يقربو منا فتحت عيونا وبعدتتو عنا صفاء : بعد عني .. لاتسلمني .. لاتقرب مني حسين : صفاء شبك

العضوة: 694206 , 6 years ago

حسين : صفاء شبك صفاء : مابقدر .. مابقدر .. طلعو قدامي .. طلعو قدامي .. وهنن عم يشلحو تيابون حسين : مين هنن صفاء صارت تبكي .. اخوك وامجد .. رح يضلو يلاحقوني طول حياتي .. حسين : صفاء اهدي شبك .. امجد شو عملك صفاء وهية عم تبكي : وهو كمان اغتصبني .. حسين :شووووو كيف وايمت .. صفاء : بعد ماعرف يلي صار معي اغتصبني حسين : وليش ماحكيتي .. ليش صفاء : مافكرت الامور توصل لهون حسين ضما على صدرو : خلص حبيتي خلص صارت تبكي على صدور ..وحسيت بحضنو انو كتير حنون صفاء : سامحني .. لانو خبيت عنك حسين : خلص انسي .. انا مابهمني الماضي .. بهمني انتي .. انتي صفاء رح تتقبليني صفاء : بحاول .. حسين : قوليلي شوبدك هلق صفاء : بدي منك شوية وقت بس ...بوعدك بس شوية وقت حسين : كل الوقت معك .. بس بدي اعرف بعد هيدا الوقت شو صفاء : مابعرف .. مابعرف .. حسين : خلص اهدي .. اهدي .. سحبا من ايدا .. ونيما على التخت وغطاها .. صفاء : تعال لجنبي .. بدي منك تضل جنبي بدي حس بالامان يلي عندك ابتسم حسين وقعد جنبا .. ونيما على صدرو حسين : صفاء صفاء: اي حسين : بحبك صفاء: لسه بتحبني بعد يلي سمعتو حسين : قلتلك انسي الماضي .. طالعيه من راسك .. انا بهمني وجودك معي من بعد مادخلتي هالبيت المهم انتي حاولي تنسي صفاء : رح حاول كرمالك .. .....................

العضوة: 694206 , 6 years ago

صفاء : رح حاول كرمالك .. ..................... تاني يوم فاقت صفاء على بوسة من حسين على خدا صفاء مع ابتسامة : صباحو حسين : صباحك ياقمر ... شو كيف صرتي صفاء : منيحة .. حسين : صفاء بتحبي اخدلك حقك من امجد خطيبك صفاء : لا .. لانو الله عم يعاقبو .. وبعدين انت ماعاقبت اخوك فامجد لاتعاقبو .. خلص رب العالمين بياخدلي حقي .. حسين : خلص متل مابدك صفاء : حسين بدي اطلب منك طلب حسين : طلبي ياروحو لحسين صفاء : بدي روح لعند طبيبي نفسي حسين : بتعرفي احسن قرار بتاخديه صفاء : رح تساعدني حسين : اكيد .. صفاء : شكرا .. ........................................ مرت الايام وصفاء عم تروح لعند دكتور نفسي مشان تحاول تنسى الماضي يلي صار معا وتفتح صفحة جديدة ..... وجمال رجع من السفر .. وحسين قابلو وعزمو على العشى عندو بالبيت .. ....................................... ع باب العيادة النفسية .. واقفة صفاء ناطرة حسين يجي ياخدا .. واجا وركبت ومشي حسين : شو كيفك عم تلاقي تحسن صفاء : كتير .. وقال لسه عندي جلستين حسين : يعني بعد هالجلستين رح تصيري مرتي عنجد صفاء : حسين بكفي غلاظة .. حسين : ههههه لك دخيلو العسل ...... المهم صفاء اليوم جهزي حالك عازم شخص مهم ع العشا صفاء : شو يعني انا رح كون بأستقبالو معك حسين : اي . صفاء : اوك .. على راحتك .. ......................................... عالعشا ... دخل جمال مع زوجتو .. وكان باستقبالو صفاء وحسين امو .. حسين : ماما حبيبتي بعرفكن .. الاستاذ جمال الحج رجل اعمل مشهور صفاء انصدمت .. بس حسين بسرعة مسكلا ايدا مشان يهديها حسين : وهيدي بتكون الست الوالدة .. وزوجتي حبيبتي صفاء ماهر الحج جمال : شووووو صفااااااء يتبع .......

العضوة: 694206 , 6 years ago

#اغتصاب_مزدوج #بقلم_مريم_اليوسف #الجزء_الثاني_عشر_والاخير جمال : شوووو صفاااااء حسين : اي صفاء اختك يا استاذ جمال جمال : والله كبرانة هالفصعونة صفاء : حسين كيف بتفوت هيك عالم على بيتنا حسين : حبيبتي روقي .... انا جمعتكم اليوم مشان رجعلك حقك منو ومن باقي اخواتك جمال : هههههه بس صفاء ما الها شي عنا وروح انت واياها بلط الزرقة حسين : شو نسيت مين بكون يا استاذ جمال ... وبتعرف شو ممكن اعمل .. جمال : استاذ حسين لاتشوف حالك ... ولاتنسى مين انا بكون حسين : اوك .. اصبح بنتواجه بالمحاكم جمال : ههههههه .. امشي حبيبتي ... وانتي يافصعونة انا بفرجيكي حسين : اذا بتحاول تقرب منا ماتلوم الا حالك طلع جمال هو مرتو من البيت معصب وهو عم يتوعد قعدت صفاء وصارت تبكي حسين : حبيبتي ليش عم تبكي .. صفاء : لك ليش جبيتو ليش .. مابدي شوف حدا منون حسين : صفاء هيدا حقك وهنن سرقوه ولازم يرجعلك لانو انتي كتير انظلمتي بسببون ام حسين : ماما .. شو القصة قعد حسين وضم صفاء على صدرو ..وحكا لامو مين بكون جمال وشو بيقرب صفاء وشو عملو معاها ام حسين : طولي بالك يابنتي وان شاء الله حقوقك كلها بترجعلك .. الله لايسامحون صفاء عم تبكي : حسين انا كتير تعبانة .. حسين : تعالي ياقلبي معي لحتى طالعك لفوق ترتاحي طلعت صفاء مع حسين .. صفاء : ليش في عالم قلبا اسود .. ليش في عالم بحب تاكل كلشي على حساب ناس مظلومة .. حسين : طولي بالك ياعمري ..

العضوة: 694206 , 6 years ago

مظلومة .. حسين : طولي بالك ياعمري .. صفاء : حسين قلك شي حسين : قولي عم اسمعك صفاء : مرة كنت عم صلي وانا عم صلي غبت عن الوعي قام شفتك بالمنام انت وبابا ... وانا كنت واقعة ع الارض وانت ساعدتني لحتى وقف .. يمكن رب العالمين بعتلي اياك مشان توقف جنبي وتحميني ... حسين : وحبك صفاء : حسين .. انا .. حسين : انتي شو .. صفاء : بحبك .. حسين : عنجد صفاء : اي كتير .. حسين : عيدها مرة تانية صفاء : بحبك .. حسين : لك انا بحبك وبموت فيكي وبعشقك صفاء : الله لايحرمني منك .. حسين : يلا نامي .. لانو انا مابضمن حالي بعد ما سمعت هالكلام صفاء ركزت نومتا بحضنو ونامت .. .......................... والايام عم تمر .. حسين خلا صفاء تعملو توكيل مشان هو يمشيلا بالقضية .... بعد عدة ايام .. بيدخل حسين عالبيت .. حسين : صفاء ... صفاء .. وينك صفاء ؛ انا هون .. اهلين حبيبي شو صار معك حسين: اخوكي انتازلك عن حصتك مع الارباح كل هيدي السنين صفاء : وكيف هيك ... معقول بهل البساطة قبل يعطيني اياهن .. حسين: اكيد مش بهل البساطة طلبت من المحكمة اعادة فتح الوصية ... قام المحامي يلي موكلو خيك قال انو مافي وصية .. قام انا فورا رفعت دعوة مشان نعمل حصر ارث ... صفاء : اييي قام جمال طلب مني نحلا سلمية : وانو يتنازلك عن كل مستحقاتك ... لانو عرف انو رح يخسر القضية ورح يتشوه اسمو بالسوق ... صفاء : بس كان بدي اياه يتعاقب حسين : حتى لو دخلتو ع الحبس رح يدفع مصاري ويطلع ... يعني مارح تستفادي شي صفاء : امممم ... اي وشقد بيطلعلي حسين : حطي مبلغ صفاء : ميت الف دولار حسين : هههه لا اكتر

العضوة: 694206 , 6 years ago

حسين : هههه لا اكتر صفاء : ميتين حسين : كمان زودي صفاء : شو يعني شي مليون دولار حسين ؛ كمان اكتر صفاء : شوووز اكتر من مليون دولار حسين : اي شو مفكرة انتي المليون دولار مبلغ كتير صغير بالنسبة لخيك صفاء : عنجد قلي اشقد حسين : ٨ مليون دولار ... صفاء ؛ شووووو ... عم تحكي جد حسين : والله جد .. وانا عملتك حساب بأسمك بالبنك ورح يتحلو على حسابك فورا صفاء : عنجد انا ماني عم صدق انا صرت مليونيرة حسين : هههههههه ومو بس هيك كمان صفاء : ليش شوفي حسين : وزودون مليونين .. قال هيدي هدية منو الك وقال سامحيه صفاء : مافشر سامحو ... طول هالسنين وانا عم عاني .. وهنن حارميني انو عيش مبسوطة .. وهلق بمليونين دولار بدو اياني سامحو حسين : هههههه والله عقلك صغير .. المهم شو عامليلنا اكل اليوم صفاء : كبة حسين : كبة سورية ولا لبنانية صفاء : هههههه التنتين حسين : وينا ماما صفاء : بالمطبخ مع هية وامي .. عم يجهزو الغدا حسين : اوك ... انا طالع غير تيابي وانتي روحي فرحي امك بهل الخبر .. صفاء ؛ اوك لا تطول .. راحت صفاء ع المطبخ وخبرت اما بكل شي صار ... وفرحو كتير .. ............................. تاني يوم الصبح .. صفاء : بدك توصلني لعند الدكتور حسين : اي جهزي حالك .. صح اليوم اخر جلسة ماهيك صفاء : اي صح .. طلعو .. وراحو ع العيادة النفسية .. بس هالمرة راح معا حسين ... دخلت هية لعند الدكتور ... وهو ضل ناطرة برا ... وبعد ساعة طلعت .. وكانت ملامحة باردة ..

العضوة: 694206 , 6 years ago

وكانت ملامحة باردة .. حسين : شو حبيتي شو صار معك صفاء : بنحكي على الطريق .. طلعو ومشو على الطريق .. وصارت تتذكر كلام الدكتور : الكره يلي جواتك كلو لازم تطالعيه .. حاولي تردي اعتبارك لحالك ... والحياة متل مابدو قلبك عيشها ما متل ما هية لازم تمشي ... وانتي هلق صرتي مليونيرة اذا مانك مقتنعة بشي لاتعمليه ولا تسألي عن حدا . حسين : حبيبي انتي منيحة صفاء : اي منيحة ... حسين خلينا نتغدا بالمطعم يلي كنت اشتغل فيه قبل ماتتزوجني .. حسين : ليش شوفي صفاء : هلق بتعرف .. وصلو ع المطعم .. وقعدوا ... واجا الكرسون اخد طلبون وصفاء طلبت منو انو امجد يلي يجيب الاكل وعطتو اكرامية .. حسين : امجد بيشتغل هون صفاء : اي حسين : وشوبدك منو صفاء : هلق بتشوف .. اجا امجد جايب الاكل .. واتفاجئ بصفاء .. بس ماحكي ولا كلمة وخلا راسو بالارض قربت ايدا من الطاولة ودفشت صحن الشوربة ووقع على الارض وصارت تصرخ : انت مابتشوف ... العما بقلبك .. يلا انزيل نضفون ... العما عالم مابتفهم امجد : صفاء ليش هيك عم تعملي صفاء : انت كيف بتجرأ تلفظ اسمي على لسانك .. انت واحد قليل الادب . قامت وضربتو كف .. واجا المسؤول : خير خير يامدام صفاء : هاد الشب كب الشوربة على الارض وكمان عم يقلل معي الادب حسين : عم يراقب بصمت المسوؤل : حلص انتي لا تتوتري .. قوليلي شوبدك وانا بنفزلك اياه براسي صفاء : بدي هاد الشب يتقلع من الشغل المسؤول : يامدام بس الشب ماغلط صفاء : الف دولار وبينقلع من هون شو قلت امجد : بكفي مسخرة ... انا اصلا معد بدي اشتغل هون ... ههههه والله كبرانة ياصفاء وصايرلك لسان تحكي فيه ومصاري تهددي فيها ... وجايبة رجال طويل عريض تتحامي فيه ... ومين بكون هاد كمان .. من الزباين تبعوتك .. قام حسين وقلب الطاولة ومسك امجد وصار يضربو ..