6 years ago
  • ما قبل الحمل
رح تنزل هي لقصة بعد التفاعل القوي منكم انتظر تفاعلكوم حبيباتي

247 تعليقات

العضوة: 694206 , 6 years ago

صفاء : مابعرف رح فكر ...وبكرا رح شوف شو رح يصير معي .. سكرت الهاتف وحطت راسا ع المخدة وصارت تفكر .. بحكي اما ووحكي رفيقتا وتعب الشغل وحكي حسين وقالت مظبوط انا لايمت بدي ضل هيك ... يااارب تساعدني بأختيار طريقي ... معقول المنام يلي شفتو عن بابا وحسين يكون هيك قصدو .. مابعرف يارب يسرلي طريقي ..................... نامت وفاقت الصبح وكان كل جسما عم يوجعا من التعب صفاء: صباح الخير نادية : صباح النور صفاء : اشقد صارت الساعة نادية : وحدة صفاء : لك ليش مافيقتيني روح ع الشغل نادية : شفتك نايمة ومبسوطة ماحبيت فيقك صفاء : اكيد رح اتقلع نادية : بكون احسن اقعدي وانضبي وهاد العريس رح يجي اليوم رح توافقي عليه يعني رح توافقي صفاء : ماما مابدي اتزوج نادية : ماعلى كيفك صفاء : ماما جايني عريس .. هو محامي شو رأيك نادية : عنجد صفاء : اي قوليلي شو رأيك نادية : اذا منيح ليش لأ صفاء : لكن رح خبرو مشان يجي نادية : اي خبريه اذا انتي عاجبك لبست صفاء وراحت عمكتب حسين ...بس مالقتو بالمكتب.. اخدت رقمو من السكرتيرة وطلعت .. دقتلو حسين : اهلا مين صفاء : انا صفاء حسين : ههههه هلاصفاء شو فكرتي صفاء : اي فكرت حسين منيح كتير ... ليكي رح اعطيكي عنوان المشفى تعالي لعنا صفاء : ليش ؟؟ حسين : مشان عرفك على امي ومشان تقولي لعادل انك سامحتيه صفاء : بس انا ماسامحتو .. حسين :متل مابدك بس تعالي اذا شافك بيرتاح لانو وضعو كتير صعب واذا عرف انك اقبلت تتزوجيني يمكن يرتاح ضميرو شوي صفاء : طيب جاي ابعتلي العنوان حسين : يلا رح اعملك مشاركة موقع ........................

العضوة: 694206 , 6 years ago

....................... بالمشفى وصلت صفاء لعندن ... حسين : اهلين ... تعالي مشت وهية متوترة وصلو لعند عادل وامو حسين : ماما عادل شوفو مين اجا معي عادل اتفاجئ فيها وكان بدو يقرب يحكيها .. بس انتبه لوجود امو ام حسين : مين هيدي حسين : ماما هيدي البنت يلي رح اتزوجها ام حسين : شوووووو .. حسين : شبك ماما .. هيدي صفاء .. حبيتا وبدي اتزوجا صفاء صار تتطلع عليه وهية متفاجئة فيه ام حسين ماعجبا بس فرحت لانو حسين فكرا اخيرا يرتبط .. ام حسين : شقد عمر يابنتي صفاء : ١٨ ام حسين : العمر كلو .. من وين انتي صفاء : انا من حمص ام حسين : شووو .. سورية حسين : اي سورية .. واذا كانت سورية ام حسين : تعال عايزتك بكلمتين على جنب راح حسين وامو ووقفو على جنب وصفاء حاطة عيونا بالارض مشان ما تتطلع بعادل عادل : كيفك صفاء صفاء : ....... عادل : بترجاكي تسامحيني ... صفاء : ........ عادل : متل مابدك بس ادعي لمرتي تقوم بخير وسلامة هية والله مش الا ذنب .. واكتشفت انو انا بحبا وبجنون صفاء : الله يشفيها ومايحرمك منا عادل: شكرا ............... حسين : ماما اذا ماتزوجت صفاء مش رح اتزوج ام حسين : خلص متل مابدك ... الله يهنيكم حسين : تسلميلي ياست الكل حسين قرب من صفاء وعادل حسين : يلا حبيبتي لوصلك صفاء متفاجئة فيه اشقد قوي بالتمثيل طلعو وركبو السيارة حسين : سووري بس لازم احكي هيك قدام امي صفاء : اي فهمت عليك حسين : صح مين معك هون من اهلك صفاء : بس الماما ... انا مالي حدا بهل الدنيا غير امي حسين: امممم ... ماعنكم قرايبين صفاء : لا مقطوعين من شجرة حسين : هههههههههههه

العضوة: 694206 , 6 years ago

حسين : هههههههههههه صفاء : ليش عم تضحك حسين : انو في حدا بهل الايام بقول مقطوعين من شجرة .. المهم انتي شو اسم عيلتك صفاء : الحج .. صفاء الحج حسين : الحج ؟؟؟!!!! صفاء : اي ليش مستغرب حسين : لا ابدا ... وصل صفاء على بيتا ورجع .. ................... بعد مرور يومين .. ببيت صفاء صفاء عم تجهز حالا مشان تستقبل حسين واهلو ..ومعا هناء واهلا مشان يستقبلوهن معا هناء : طالعة قمر صفاء : نحنا انطبق علينا المتل يلي بقلو كذبو الكذبة وصدقوها هناء : مطرين نعمل هيك لانو محدا بيعرف غير نحنا الاربعة انا انتي وحسين وعادل صفاء : المهم حلو .. هناء : بتجنني صفاء : ههههههه ضحكتيني مع انو مالي نفس اضحك اجا حسين وعادل وامون .. واستقبلوهن اهل صفاء واهل هناء وطلعت صفاء ضيفت القهوة وقعدت حد اما ام حسين عجبتا صفاء كتير وهية مظبطة حالا حسين صفن فيها شوي وبعدين قال بقلبو: الله لا يسامحك ياعادل على هالورطة .. ولي على قلبي هيدي بتشل كيف بكرا بدي اتحمل وجودا معي بنفس البيت وما اعملا شي ....خلص حسين فيق على حالك من ايمت بتفكر انت بالنسوان .. طلبوها لصفاء واهل صفاء عطوهن الموافقة فورا .. وهنن قاعدين برن هاتف عادل عادل : اي .. اي .. شووو .. عم تحكي جد .. جاي جاي فورا حسين : شوفي عادل : سوزان ... سوزان .. فاقت من الغيبوبة .. انا قايم حسين : لحظة جايين معك ... عن اذنكم ياجماعة طلعو اهل حسين وراحو ركبو السيارة ومشو ام حسين : والله ياحسين هالصفاء وجها خير علينا حسين : ههههههه اي كتير عادل بقلبو : شكرا ياصفاء شكرا ... .................. بالبيت عند صفاء نادية : مايبلا على هالشبوبية .. والله بتعرفي تنقي ياصفاء .. لك هاد بيسوا من امجد عشرة صفاء : اي منيح انو عجبك .. ................

العضوة: 694206 , 6 years ago

صفاء : اي منيح انو عجبك .. ................ بالمشفى دخل عادل فورا لعند مرتو ... كانت مفتحة عيونا شوي وعم تنده على عادل عادل : انا هون ياروحو لعادل .. انا هون ياقلبي سوزان : عادل انا بخير عادل : اي ياعمري بخير .. ورح تصيري احسن سوزان : سامحني ياعادل لو انو سمعت منك ماضهرت مع رفقاتي ماكان صار هيك عادل : مسامحك بس انتي هلق لا تضغطي على حالك ارتاحي .. سوزان : عادل بحبك عادل باس ايدا : وانا كمان بحبك حسين : الحمد لله ع سلامتك يامرت خيي سوزان : الله يسلمك ام حسين : الحمد لله ع سلامتك ياكنتي .. سوزان : الله يسلمك طنط ام حسين : يلا شدي حيلك مشان تستقبلي معنا العروس الجديدة لحسين سوزان : عنجد الف مبروك ياحسين والله هالخبر كتير حلو حسين : الله يبارك فيكي الدكتور : بكفي ياجماعة اطمنتو عليها وهلق خليها ترتاح ........................... بعد مرور شهر ..

العضوة: 694206 , 6 years ago

بعد مرور شهر .. (خلال هالشهر يلي مرق .. هناء انخطبت .. وسوزان طلعن من المشفى ورجعت ع بيتا مع جوزا .. وقررت تتغير وتصير احسن مشان جوزا .. وعادل كتير مبسوط معا ... وصفاء وحسين بس قدام اهلون بمثلو انون بحبو بعض وكتبو كتابن على بعض ) حسين عم يتصل بصفاء صفاء : اهلا استاذ حسين حسين : صفاء بلاها هيدي استاذ وميتر .. لاتنسي انو بعد يومين عرسنا صفاء: بس ماعم تطلع معي حسين : حاول اتطالعيها ... المهم انا متصل مشان قلك تجهزي حالك جاي اخدك صفاء : ع وين حسين : امي بدا تشوفك ضروري قالتلي روح جيب صفاء صفاء : كأنو امك كتير حاببتني على حد علمي اول ماشافتني ماعجبتا حسين : والله مش عارف شو عم يصير معا بس بعرف انو كتير حاببتك صفاء : تحبها العافية .. يلا انا رح جهز حالي حسين : اوك صفاء : لحظة .. وين اخوك عادل حسين : ببيتو مع مرتو صفاء : اي منيح لانو ماعم اقدر اتطلع بوجهو .. حسين : يلا بد ك تتحمليه هالشهرين صفاء : امري لا الله ...................... ببيت حسين (حسين عايش هو وامو .. بس عادل منفصل لحالو ) دخل حسين مع صفاء وهنن عباب البيت حسين مسك ايد صفاء وهية نقزت وتوترت حسين : شبك .. لازم نبين انو بنحب بعض صفاء : ماحكيت شي انا حسين : ماضروري تحكي ... مبين عليكي دخلو ع الغرفة يلي فيها ام حسين .. قرب حسين باس راس امو وقربت صفاء بدا تبوس ايدا .. بس هية ماخلتا وقالتلا واصلة ام حسين : الله يرضى عليكم .. اقعدي يابنتي قعدت صفاء مقابل ام حسين وحسين قعد على كنبة تاني ..

العضوة: 694206 , 6 years ago

على كنبة تاني .. ام حسين : انتو متزاعلين يعني صفاء اتلبكت وماعرفت شو تحكي حسين : لا ماما مش متزاعلين ليش مبين علينا شي ؟؟ ام حسين : قوم اقعد حد خطيبتك قام حسين صفاء صارت حمرا من الخجل قعد حدا وحط ايد على كتفا وصفاء توترت كتير .. وصارو رجليها يرجفو حسين قرب منا وهمس بأدنا : مابدا كل هيدا التوتر ام حسين : اي هيك ضلو جنب بعض الله لايفرقكم حسين : اي ماما شوبدك من صفاء ام حسين في حدا صندوق خشب قامت وعطتو لصفاء ام حسين : هيدا الصندوق ويلي بقلب الصندوق الك صفاء : طنط شو هاد ام حسين : افتحيه بتعرفي فتحتو صفاء واتفاجئت فيه مليان مجوهرات صفاء بلعت ريقا صفاء : طنط شو هاد ام حسين : هول كلون الك .. صفاء حطتو على الطاولة : لا طنط هيك كتير وانا مستحيل اقبل هالهدية ام حسين : حسين سامع خطيبتك قال عم تعارضني حسين : لا ماما صفاء ماقصدا ... صفاء حبيبتي خديهم هول هدية من ماما ومابيترجعو صفاء : بس هاد كتير علي ام حسين : لا مو كتير .. مو كتير عالبنت يلي اقنعت ابني فيها ويغير رأيو ويقبل يتزوج ... وانا كمان تفائلت فيكي من اول ماشفتك صفاء بقلبا: شو هالمصيبة

العضوة: 694206 , 6 years ago

صفاء بقلبا: شو هالمصيبة ام حسين : قومي بنت جيبي هالصندوق وتعالي لفرجيكي غرفتك مبارح كانت خالصة صفاء اتطلعت على حسين وهو رفعلا بكتافو انو هو مادخلو حملت الصندوق ...ولحقت حماتا طلعو الطابق التاني .. على غرفة حسين .. فتحت الباب ودخلت ... وانصدمت من جمال هالغرفة البرادي حمر وعليهم ورد احمر نافر ...المفرش يلي على التخت كمان احمر وفي بنصو وردة كبيرة كمان نافرة ام حسين : هيدا زوقي ان شاء الله يعجبك صفاء : بجنن .. عنجد زوقك كتير كتير حلو ام حسين : الله يحميكي .. بتعرفي انا اول مافتت عبيتكن وشفت امك .. مابعرف ارتحت عنكن كتير وامك بتدخل ع القلب صفاء : تسلمي ياطنط هاد من زوقك ام حسين : محضرتلك مفاجئة تانية صفاء : بقلبا كمان : شو هية طنط ام حسين : بدي احجزلك الك ولحسين ع باريس تقضو شهر العسل صفاء: لا لا طنط بلاها ام حسين : ليش يابنتي صفاء : لانو .. لانو .. اي انا وراقي ماجاهزين .. وبدون معاملات كتير ام حسين : خلص ما انكتب كتابكن بالمحكمة وحسين عم يعمل كلشي وبنزلك ع اسمو صفاء : ماهو حسين قلي رح تطول ام حسين : اذ هيك رح اجلا صفاء : اي بكون احسن ... ام حسين : يلا تعالي ننزل نزلو وكان حسين قاعد مكانو عم يلعب بتلفونو قعدو شوي وبعدين قامو ركبت صفاء جنب حسين وطلعو .. صفاء : ليش هيك عملت امك حسين : شو عملت

العضوة: 694206 , 6 years ago

حسين : شو عملت صفاء : عشان صندوق المجوهرات .. والله هاي مسؤولية حسين : خلص لاتفكري فيه .. انت خليه ولاتستعمليه صفاء : وهو هيك .. مستحيل مد ايدي على شي مو الي .. وكمان شو عشان البيت حسين : شبو صفاء : انا فكر انو رح نسكن لحالنا مافكرت انو امك ساكنة معك حسين : وين المشكلة صفاء : شو وين المشكلة المشكلة انو رح تجمعنا غرفة وحدة حسين : هههههههههه .. والله هيدا حكم القوي .. بس اطمني انا مستحيل اغلط معك صفاء : انا متأكدة منك .. بس .. ولا يلا بلا حسين : هههههه .. ........................ وصلت صفاء ع البيت ولقت اما وهناء نادية : احكيلنا صفاء شوبدا منك حماتك صفاء : ااااااخ يا امي لو تشوفي هالبيت بجنن ولا غرفة النوم يلي مجهزتلي اياها .. هناء : ايي وشو كمان صفاء : عطتني صندوق مليان مجوهرات قال هاد الي نادية : عنجد صفاء : والله .. حطيتو بالغرفة يلي عأساس غرفتي نادية : الله يهنيكي يابنتي صفاء : هناء تعالي عايزتك بموضوع ضروري قامو ودخلو ع الغرفة صفاء : هناء مصيبة لك رح ننام بنفس الغرفة هناء : اي اضحكي بعبك صفاء : شو قصدك هناء : لك وليه حوبة .. حسين شب بجنن جمال وجاه ومال وكمان امو ميتي عليكي ...حاول تسكني قلبو صفاء : لا مستحيل انا مابحبو .. ولا حتى بحس اتجاهو شي

العضوة: 694206 , 6 years ago

بحس اتجاهو شي هناء : وشو طلع من الحب لامجد .. وشو طلع من الاحترام لعادل صفاء : هناء لاتلعبي براسي .. المهم انتي ايمت عرسك هناء : الشهر الجاي صفاء : انا بنجلط بس اتذكر انو انا بعد يومين عرسي ... هناء : ههههه ...اااخ منك .. علملي على كلامي ياصفاء انو رح تفوتي على هالبيت ومارح تطلعي منو صفاء : الله لايقدر هناء : ههههههههههه

العضوة: 694206 , 6 years ago

جاهزين لمنعطف جديد بلقصة 🎶

العضوة: 694206 , 6 years ago

بدي تفاعل لحتا كمل ولله عم اتعب😣😣

العضوة: 694206 , 6 years ago

متابعة بصمت انتي 😅😅

العضوة: 694206 , 6 years ago

رح كمل يالله

العضوة: 694206 , 6 years ago

#اغتصاب_مزدوج #بقلم_مريم_اليوسف #الجزء_العاشر اصوات طبول وموسيقى وسيوف عم تضرب ببعضا .. على باب الصالة من بين الدخان دخل العروسين وكانت واقفة قدامن العراضة البعلبيكة ... صفاء كتير متوترة وحاسة حالا انو هاد العرس مالازم يكون الا.. لابسة فستانا الابيض من كتر بياضو كأنو عم يضوي و عم يجر وراها ماسكة باقة الورد بأديها التنتين وواقفة حد حسين وعيونا بالارض .. حسين مد ايدو ومسك ايدا وطبطبلا عليها مشان ماتتوتر .. وبلشو يمشو خطوات لقدام واصوات الزغاريد عم تعلا .. وصلو لنص الصالة .. والكل سكت وحطولن اغنية لوائل جسار (نخبي ليه )يرقصو عليها سلو .. حطت ايدها حولين رقبتو وهية كتير مترددة.. وهو حط ايد على خصرا .. وصار يتطلع بعيونا .. وهيه خجلت ونزلت راسا.. الغناي ( نخبي ليه فى اسرارنا وانا وانت مفيش غيرنا ولو ننسى مشاعرنا نكلم مين يفكرنا يا روح الروح بتنسانى و انا فاكر ومش بنساك تغيب عن عينى من تانى ومن غير حب اعيش ازاى ومهما تغيب بعيش وياك و اشوفك و انسى فيك احزانى ودمعة حب فى عينيا بتستناك يا احلى ملاك قالولى الحب له علامات فى نبض القلب والهمسات وروح تنادى عليك ورعشة ايدى فى السلامات فى عز سكوتنا نتكلم عيوننا بتحكى وبتحلم وانا حسيت بأنفاسك تدفى ايديا و تسلم اقول انا اه ومن غير صوت تحبنى موت واحبك موت واحساسنا يونسنا واقوى من الحياة والموت) وطول الغناي كان صافن فيها وبملامحا .. رفعت نظرا صفاء : حسين خلصت الغناي حسين : اااه .. اي بس فتت شوي بالحالة ههههه والكل صار يزقف .. وراحو يسلموعلى اهليهن .. صفاء ركضت لعند اما وضمتا وصارت تبكي هية واياها نادية : الله يهنيكي ياعمري .. ويجعل كل ايامك حلوة وبيضة متل لون فستانك صفاء : ماما ...رح اشتقلك نادية : وانا كمان ياعمري .. بس خلص حاج تبكي هلق بتنزعي المكياج صفاء : ما بأيدي ما بأيدي .. وضمو بعض وصارو يبكو واجت ام حسين