العضوة: 743708 , 5 years ago

كنت كل ما حاول احكي لماما او لبابا اللي صار معي يقلولي نفس الجمله استعيذ من الشيطان الرجيم و اقرا المعوذات و مارح تشوف او تحس بشي ... هه برايهم هي كانت اوهام اطفال و عادي يعني ... بس انا ماكان ينفع معي شي و كنت دايما حس بحركه ورايي ايام فوت عالحمام او مثلا روح عالمطبخ ... دايما حس في شي ... اي في شي في عيون عم تراقبني من ورايي انا بحس فيهم .... كبرت وانا لسا عم حس بهالاشياء الغريبه وصراحه انا اتاقلمت انو اي في حدا ورايي وعم يراقبني انا حاسس فيه شو اعمل يعني ؟؟؟ لحد ما اجا يوم كنت سهران عالتلفزيون على ادان الفجر عالتمام البيت عتمه كتير لانو نحنا بالعاده بالليل ما بنشغل الا ضو احمر خفيف بالممر ... فتت عالمطبخ قلت بلا ما اشعل الضو هلا و اهلي يحسوا عليي فتت لاشعل سيكاره ووقفت عالشباك حسيت بحركه وصوت متل صوت الهمس ورايي تلفتت لشوف شو هاد شفت شي اسود عم يزحف عالارض شعلت القداحه لشوف شو هاد كانت .... كانت حيه ... حيه سوده كبيره كتييير و الغريب فيها انو بدنها كلو مكسي شعر غمضت عيوني وفتحتهم لان شي ما بيتصدق ومو معقول ... بس طلع فعلا انا قدام حيه ... بلشت اصرخ بشكل جنوني و هستيري لحد ما لقيت ماما وبابا راكضين لعندي و ماما ضمتني وهون اغمى عليي .. صحيت وفتحت عيوني وانا بالتخت لقيت حوليي ماما و بابا وعمتي مقربه مني كتير وبتحبني و شيخ الجامع كان حاطت ايدو وعم يقرا عليي قلتلهم : شو صار قتلتوا الحيه ؟؟؟ تطلعوا ببعض نظرات غريبه قلي الشيخ : الحمد لله على سلامتك يا ابني قدران تحكي ؟؟

العضوة: 743708 , 5 years ago

بالرغم من انو مافيي قوه بس كنت حابب احكي لان رح انفجر : اي شيخنا ... قلي : حكيلي شو صار بالتفصيل و في بالعاده يصير معك هيك شي حكيتلو كل شي بالتفصيل من وانا و صغير لحد ما صار عمري 23 سنه و لحد اخر حادثه صارت معي ... حاول الشيخ يستفسر من ماما اذا صاير معي شي من وانا وصغير ماما سكتت وصارت تفكر قالتله اي مرة كان بالحمام وانقطعت فجاة الكهرباء وانا كنت نسيانة انه عم يتحمم وبعد شي ٥ دقايق تذكرت انه بالحمام اخدت شمعة ودقيت عليه ما رد عليي ناديت لأبوه وكسر باب الحمام وفتنا لقيناه قاعد بزاوية الحمام وكان ساكت بس ملامح وشه كانت كلها خوف ورعب وضل يومين ما يحكي وما نقدر نطفئ ضوء غرفته لانه كان يبكي بشكل مجنون اجا الشيخ لعندي وقلي متذكر هل الحادثة قلتله اي قلي فيك تحكيلي شو صار معك قلتله كنت عم اتحمم وانطفى الضوء انا صرت عيط ونادي لماما بس ما سمعتني ولقيت شي بيخوف عيونه متل الوحش وجسمه كله شعر قرب مني وشدني من شعري حتى انه خصلة من شعري طلعت بايده وقلي هي الخصلة رح اخدها معي واذا حكيت شي رح احرقها ورح يحترق البيت وكل العابك و انت معها واختفى ولما فتحوا اهلي البا

العضوة: 743708 , 5 years ago

ب وطالعوني انا ما قدرت احكي شي ولهلق ما حكيت شي الا لما انت سالتني... سكت الشيخ تطلع فيي نظره شفقه و بعدها قلي : شوف يا ابني انا رح حاكيك بصراحه انت شب بالغ راشد مالك صغير في شي مو طبيعي واضح بقصتك كل اللي عم يصير معك لان الجان بدهم يوصلولك شي بس شو هو مابعرف ... بالبدايه قصتك بالحمام و كوابيسك الدائمه عناكب و ذئاب و كلاب سودا و اخر شي حيه سودا ... الجان تلبسوا هالاشكال بس الغريب ما قربوا منك و ما اذوك ...هنن عم يبعتولك اشارات بس شو غايتهم ما فهمونا . شربني مي مقروء عليها و نبهني داوم عالمعوذات و قراءه القران و حطلي ورقه تحت مخدتي و قلي : ان شاء الله هيك مارح يقدروا يلمسوك و لا ياذوك و تطلع على اهلي و قلهم انتوا كمان ديروا بالكم عليه و طلع من الغرفه .? ... #يتبع

العضوة: 743708 , 5 years ago

راح الشيخ وانا ببالي الف سؤال ... شو بدهم مني شو الاشارات اللي بدي اعرف فيها شو غايتهم ليش انا بالذات ... فاتت ماما و دموعها على خدها بلشت تبكي و صرت حاول هديها بأي طريقه قلتلها : خلصنا ماما هدول الشيوخ كل شغله بقلولك ملبوس و ممسوس و من هالحكي ضليت احكي وحاول خفف عنها لحد ما راقت شوي و طلبت منها تتركني و تطلع لارتاح و نام .... هه نام على اساس انا بعد هالنهار رح يجيني نوم .... مضى سواد الليل وانا عيني ما غمضت و كل ماحوا اغفى شوي اتذكر اللي صار ... و من طلوع الصبح قررت روح لعند شيخ تاني واساله بالكي بيقدر يريحني من يللي عم عيشو و ريح اهلي معي بس ... بس كان جوابه نفس الشي و قلي ذات الحكي انو الجان عم يحاولوا يوصلولي رساله وقلي الله يعينك من المجهول و من اللي ناطرك ...!!! رجعت عالبيت و الهم راكبني و بنفس الوقت في دافع جواتي لاعرف ليش انا و شو بدو يصير ... سالتني ماما شو صار معك عند الشيخ قلتلها ما تشغلي بالك ماصار شي قلي اقرا قران و ماعاد يمسك شي خفت احكيلها اللي صار ... يصرلها شي من الخوف عليي و من المجهول اللي عم يستناني . فتت على غرفتي و خطر عبالي دور بالنت و اسال ... اي ليش لأ ماهو النت عالم كبير بس مصغر و اكيد بستفيد من تجارب غيري و صرت اقرا عن الجان كنت حابب افهم شي عنهم و شو بكون بدهم من انسان عادي متلي ... فجاه وانا سهران لقيت دخان ابيض عم يطلع من تحت تختي .... تفاجات كتير معقول سيكاره انا كاببها مو مطفيها لا لا هاد مو دخان سيكاره الدخان كل مااو عم يصير كثيف اكتر قربت عند التخت و نزلت على ركبي لاتطلع وشوف شو في تحت التخت لقيت ....

العضوة: 743708 , 5 years ago

لقيت قزم ادنيه طوال عيونه زرق و عم يبتسملي بسنانو اللي من حديد كان شكلو مررريع و يتطلع فيي ... مدلي متل قماشه لونها بني كأن بدو ياني اخدها .... انا من هول الصدمه رجعت بسرعه لورا مو منتبه خبط راسي بطرف الكومدينه ... يعدها فتحت عيوني لقيت حالي بمكان بيشبه الكهف انا مالي ببيتي !!! وين انا يا الله ؟!!! تطلعت حوليي لقيت عضام كتير بالارض و جماجم و ضو خفيف ... خفيف كتير بس مع هيك هالضو مخليني شوف كل شي حوليي و قمت من الارض ... انا وين انا بحلم ولا بعلم !!! صرت اتطلع حوليي و بلشت امشي لحتى شوف مصدر هالضو منين فجاه .... شفت الشخصين نفسهم اللي انا و صغير اجوا بمنامي ... اي هنن نفسهم انا متاكد وجوهم بعمري ما بنساها كانوا قاعدين على كراسي من عضم بس هالعضم كبير و كانو مو عضم بني ادم كانهم ناطرين حدا يجي و كانوا شاعلين من اصابع ايديهم نار حمرا و من هون كان جايه الضو ... ...

العضوة: 743708 , 5 years ago

انا وين انا بحلم ولا بعلم !!! صرت اتطلع حوليي و بلشت امشي لحتى شوف مصدر هالضو منين فجاه .... شفت الشخصين نفسهم اللي انا و صغير اجوا بمنامي ... اي هنن نفسهم انا متاكد وجوهم بعمري ما بنساها كانوا قاعدين على كراسي من عضم بس هالعضم كبير و كانو مو عضم بني ادم كانهم ناطرين حدا يجي و كانوا شاعلين من اصابع ايديهم نار حمرا و من هون كان جايه الضو ... قرب مني واحد منهم قلي : 16/8/2005 اجا اليوم الموعود و مسكني من ايدي بقوه لدرجه حسيت ايدي رح تنشل من قوه المسكه كان حجم كل واحد فيهم ضعف حجمي على 4 مرات ضخام كتير حطوا ايدهم على كتافي وقالولي : امشي معنا ولا تخاف نحنا مأمورين ما نأذيك لنسلم الامانه حاولت قاومهم بس هنن اقوى و اضخم مني بكتير و مشيوا فيي غصب عني ... رح احكيلكم بالتفصيل اللي شفتوا من دون ما زيد حرف واحد و الله شاهد عليي : قطعنا بلمح البصر اماكن بتشبه الجبال و ما كنت شايف حوليي الا غيم و تلال و كنت اسمع اصوات غريبه مو اصوات بشر .... بعدها وصلنا على قصر ... قصر كبير كتير و كان في ناس اشكالهم غريبه بتخوف مو متل الناس العاديين ابدا .... اشكالهم اعوذ بالله منها بتخوف كتير الهم انياب ؛ لونهن ازرق اضافرهم طوال الهم جناحات و كانوا عم يكتبوا طلاسم و كلام مو مفهوم على صخر . نفتح باب القصر ... و خلاني واحد من اللي ماسكيني اركع غصب عني و نزل راسي و لما رفعتو شفت بنت ... بنت جمالها مو معقول و ماشفت بين كل البشر متل هالجمال كانت عم تمشي اتجاهي شوي شوي و ريحه عطرها بتجنن ... قربت لعندي و همست بادني قالتلي : انا اسمي قمر الزمان بنت ملك الجان وبدي ياك تكون الي و يكون الي منك ولد و هالولد رح يكون من معشر الجان ... انا رح تشوفني بهالشكل طول ما انت معي وموافق على طلبي و مارح ائذيك و معشري كلو رح يكون بخدمتك و اذا رفضت طلبي مارح تكون بامان انت و اهلك ... و رح

العضوة: 743708 , 5 years ago

منك ولد و هالولد رح يكون من معشر الجان ... انا رح تشوفني بهالشكل طول ما انت معي وموافق على طلبي و مارح ائذيك و معشري كلو رح يكون بخدمتك و اذا رفضت طلبي مارح تكون بامان انت و اهلك ... و رح نأذيك و نأذيهم .... فكر بكلامي منيح احسن ما خليك تبكي بدل الدموع دم و تعيش طول عمرك ندمان لانك رفضت طلب بنت ملك الجان ... و زتتلي القماشه البنيه نفسها اللي كان حاملها القزم و قالتلي : لما توافق اعقد هالقماشه عقدتين بتستنى مني اشاره ... و هلا فيك ترجع و نفخت عليي شي بيشبه التراب الاحمر ... #يتبع.....

العضوة: 743708 , 5 years ago

و زتتلي القماشه البنيه نفسها اللي كان حاملها القزم و قالتلي : لما توافق اعقد هالقماشه عقدتين بتستنى مني اشاره ... و هلا فيك ترجع و نفخت عليي شي بيشبه التراب الاحمر ... و فقت على صوت بابا و على ماما وهي عم ترشلي مي على وجهي ... قالتلي عم تبكي : الحمد لله على سلامتك يا ابني الف الحمد لله .... قلتلها : وين انا !!! شو اللي صار !! قالتلي : حصل خير يا عمري اكيد تعب ... كنا انا وابوك قاعدين بالصالون برا و سمعنا صوت خبطه قويه من غرفتك ركضنا و فتنا عالغرفه لعندك لقيناك بالارض مرمي و مغمى عليك ... قلتلهم وانا متلبك : اي صح ... كنت قاعد عاللابتوب و قمت بسرعه حسيت بشويه دوران براسي وبعدها ماعاد حسيت على شي . اجا بابا يساعدني لاتسطح على تختي ... و انا عم حرك ايدي لقوم لقيت القماشه نفسها ماسكها معناها اللي انا شفتو مالو حلم هاد حقيقه !!! تركني بابا ليجبلي شويه فيتامينات من الصيدليه و ماما راحت تعصرلي عصير . انا بلشت فكر باللي صار و الخوف مالي قلبي ... و بيني وبين حالي كنت رافض الفكره ... كيف بدي اتزوج جانيه و جيب منها ولد و تاخده ليعيش معها بعالمها لا مابدي .... مضى الليل و انا عم فكر .... و مابعرف كيف عرفت اني رافض الفكره و بلشت المصايب تنزل فوق راسي .... هه او بالاحرى فوق راس اهل البيت كلهم تاني نهار بلشت اول مصيبه مع بابا ... كان راجع من شغلو عالبيت و عمل حادث كبير اتكسر تكسير و نقلوه عالمشفى .... وضل بغيبوبه لمده اسبوع كامل ... و لما فاق من غيبوبته سالناه كيف عملت الحادث و انت بحياتك

العضوة: 743708 , 5 years ago

فاق من غيبوبته سالناه كيف عملت الحادث و انت بحياتك ماعملت حادث ولما بتسوق مابتسرع ابدا ... قلنا : و انا راجع عالطريق للبيت لقيت شي اسود عم يطير اتجاه سيارتي فكرتو نسر بس لا كان شي اكبر بكتير ... كانوا عيونو حمر و جناحاته كبار .... هجم على بلور السياره ماعاد شفت قدامي وفقدت التحكم بالسياره و بعدها ما بتذكر شي . و الحمد لله مضت القصه على خير و تحسنت صحه بابا بس بعد ما عانا من وجع قوي و كان ما يقدر ينام الا عالمسكنات ... و قصص كتير تصير بشكل غريب ... مثلا انحرق محل بابا بوسط النهار من دون اي دليل على سبب الحرق سالنا الناس اللي بتشتغل بنفس المنطقه و الجيران بالكي شافوا حدا قرب عالمحل او اي شي يفهمنا السبب!!!! طيب لا هو ماس كهربا ولا حدا قرب وحرقو !!!! يعني نحرق كيف ! . لحد اخر حادثه صارت .... كانت ماما عم تطبخ هبت النار عليها و حرقت وجها وايديها .... نقلناها عالمشفى والحمد لله كانت الحروق من الدرجه التانيه ... سالت ماما كيف صار معك هيك ؟!! ... قالتلي : شفت وجه بالمقلايه بخوف و عيونه عم تقدح نار و بلشت تهب المقلايه من خوفي كبيت مي عالزيت و صار اللي صار . انا هون جنيت و قلت خلص لازم حط حد لكل هالشي ... عيلتي عم تناذي ادام عيوني وبسببي ... انا ؛ انا رح وافق على طلب قمر الزمان اي هاد انسب حل ... ركضت على غرفتي كنت مخبي القماشه بقلب كتاب ... طلعتها ... و عقدتها عقدتين

العضوة: 743708 , 5 years ago

؟!! ... قالتلي : شفت وجه بالمقلايه بخوف و عيونه عم تقدح نار و بلشت تهب المقلايه من خوفي كبيت مي عالزيت و صار اللي صار . انا هون جنيت و قلت خلص لازم حط حد لكل هالشي ... عيلتي عم تناذي ادام عيوني وبسببي ... انا ؛ انا رح وافق على طلب قمر الزمان اي هاد انسب حل ... ركضت على غرفتي كنت مخبي القماشه بقلب كتاب ... طلعتها ... و عقدتها عقدتين ضليت سهران طول الليل بغرفتي على امل تجي او تبعتلي اي اشاره ... و مابعرف كيف غفيت ... رجعت شفت حالي بنفس المكان ... بقلب القصر ... كانت قمر الزمان قاعده على مرجوحه كلها ورد و الخدم عم يهزوها شافتني قالتلي : شو وافقت على طلبي ... قلتلها : اي وافقت ...قالتلي : اي منيح و هيك رح تكون انت بخير انت و اهلك استنى مني اشاره بخبرك بطلباتي . وصحيت من نومي بس هالمره ماكنت خايف لا لا بالعكس كنت مرتاح ... و مر كم يوم و كل شي رجع طبيعي معنا وانا كنت عم استنى .... وبليله كنت قاعد عالبلكون سهران و عم اتامل القمر فجاه وانا صافن حسيت بحركه ورايي ... التفت لقيت قطه ... قطه سوده و عم تطلع فيي بعيونها اللي عم يلمعوا ... هي اجت منين !!! قلت لحالي يمكن نزلت لعنا من السطح ... نطت و فاتت لجوا عالصالون ... لحقتها مشان طلعها من البيت لانو ماما معاها رعب هستيري من القطط فكيف اذا كانت سودا .... لقيتها ركضت باتجاه غرفتي و فاتت و نطت عالتخت بسرعه و عالمخده تحديدا و صارت تتحرك عليها بطريقه غريبه بعدت القطه لشوف شبها و رفعت المخده لقيت ورقه ... عرفت انو هي اشاره من قمر الزمان ... سكرت باب غرفتي فورا و فتحتها كان فيها طلبات غريبه : بخور هندي ... منقل فحم ... و طلاسم مكتوبه .... صرت اسمع صوت ضحكه بالغرفه !!!! تطلعت حوليي مافي شي معقول من برا !!! رجعت سمعت صوت ضحكات عم يقرب من ادني اكتر ؛ نطفا ضو الغرفه و تحولت القطه لقمر الزمان ... قالتلي : ليش خايف الخوف بدك تمحيه من راسك بقا ؛ اكيد قرات طلباتي كلها ؛ حقق شروطي الطلبتها لكون الك جيب كل شي طلبتو وانطر اشاره مني . قلتلها : بس انا منين بد... ؛ بهي اللحظه دخلت ماما لعندي عالغرفه ..... #يتبع.....

العضوة: 743708 , 5 years ago

صرت اسمع صوت ضحكه بالغرفه !!!! تطلعت حوليي مافي شي معقول من برا !!! رجعت سمعت صوت ضحكات عم يقرب من ادني اكتر ؛ نطفا ضو الغرفه و تحولت القطه لقمر الزمان ... قالتلي : ليش خايف الخوف بدك تمحيه من راسك بقا ؛ اكيد قرات طلباتي كلها ؛ حقق شروطي الطلبتها لكون الك جيب كل شي طلبتو وانطر اشاره مني . قلتلها : بس انا منين بد... ؛ بهي اللحظه دخلت ماما لعندي عالغرفه ..... بهي اللحظه دخلت ماما لعندي عالغرفه .... قالتلي :مع مين عم تحكي و ليش قاعد عالعتمه !!! .... تطلعت حوليي قمر الزمان اختفت ... قلتلها : كنت عم ... اي كنت عم ادرس بصوت عالي ماعم حاكي حدا و هلا طفيت الضو قلت لريح شوي و اتسطح ... بهي اللحظه حسيت ماما نظراتها الي غريبه و كانها ماصدقتني او يمكن انا تهيألي انها ما صدقتني لان عرفان حالي عم اعمل شي لو عرفت فيه رح تجن عالخالص ... مضى الليل و من طلوع الصبح نزلت عالسوق جبت الغراض المطلوبه و ضل البخور الهندي ... رحت على البزورية وهي بقا منطقه عنا ببيعوا فيها بخور وكل انواع المسك و كل شي بيخطر بببالكم من هالقصص واكيد هنيك بلاقي طلبي ... دورت بكل المحلات والجواب كان واحد اللي هو : ( هاد بخور غالي كتيرررر وما في منه الا توصاية وحتى توصايه بدك تستنى فتره ليوصل ) سالت يعني قديش غالي ؛ قالولي : هاد الغرام منه ب١٠٠٠٠وانت بدك اقل شي ٥ غرامات يعني ٥٠٠٠٠ عندك استعداد تدفع هل المبلغ ؟؟؟ ... معقول !!! هاد مبلغ كبير وانا مافيي امنو !!!! بس فكرت بيني وبين حالي وقلت خلص لازم لاقي طريقه جيب المصاري و لازم لأعرف شو نهاية قصتي ... وافقت و قلتلهم بدي ٥ غرامات قالولي طيب هات دفعة لنوصيلك عليه اجيت بدي ادفع رعبون ... اجا شب و قلي باخر الشارع في محل صاحبه ختيار انا متاكد رح تلاقي طلبك عنده .... قررت روح شوف هالمحل اول ومشيت لوصلت على المحل ....لقيت رجال كبير بالعمر عمره بيجي ٨٠ سنة التجاعيد ماليه وجهو وضهره محني ...

العضوة: 743708 , 5 years ago

بيجي ٨٠ سنة التجاعيد ماليه وجهو وضهره محني ... قربت لعنده وقلتلو : السلام عليكم عمو ؛ دلوني عليك انه بلاقي بخور هندي عندك .... فجاه كان هادي و نأز قلي : شو بدك فيه ؟؟ بدك تستحضر بنت من بنات الجان !!!! ؛ انا هون انصدمت !! وتبلكمت ... قلتله : عرفت كيف !!! قلي : هالبخور اللي طالبه ما بيستخدم الا لتحضير بنت من بنات الجان يا ابني انا مارق على راسي من هل الشي كتير بس نصيحتي الك لا تحاول لان اي غلطة بتعملها رح ياذوك ... قلتله : معلش عمو لو سمحت اذا عندك قلي وانا بكرا بجيب المصاري وبجي باخدهم ... تطلع فيي وصفن قلي : انا نصحتك ومافيي اجبرك انت حابب تجرب و ماحدا رح يقدر يقنعك تبعد عن هالشي متل كتار قبلك أنت حر ؛ بكرا تعا لعندي الساعة ١٠ الصبح وبيكونوا جاهزين ... رجعت من السوق .... و حاولت فوت عالبيت على مهل حتى ماحدا يحس عليي و يشوف اني ماسك غراض غريبه لا بستخدمها بمجال دراستي ولا الي اي شغل فيها ... صرت فكر كيف بدي امن المبلغ من اهلي ولقيت الطريقه ... كوني انا طالب هندسه مدنيه و تخرج هالسنه ... تحججت بمشروع التخرج و قلت لاهلي محتاج 50 الف لان هيك رح يكلفني و فعلا بابا عطاني المصاري من دون حتى اي سؤال ... و تاني يوم فقت بكير لبست و رحت لجيب البخور .... #يتبع.....

العضوة: 743708 , 5 years ago

رجعت من السوق .... و حاولت فوت عالبيت على مهل حتى ماحدا يحس عليي و يشوف اني ماسك غراض غريبه لا بستخدمها بمجال دراستي ولا الي اي شغل فيها ... صرت فكر كيف بدي امن المبلغ من اهلي ولقيت الطريقه ... كوني انا طالب هندسه مدنيه و تخرج هالسنه ... تحججت بمشروع التخرج و قلت لاهلي محتاج 50 الف لان هيك رح يكلفني و فعلا بابا عطاني المصاري من دون حتى اي سؤال ... و تاني يوم فقت بكير لبست و رحت لجيب البخور .... لقيت الختيار فاتح وناطرني مع انه كان داير ضهره بس لما وصلت فورا قلي : اجيت بوقتك برافو انت كتير مستعجل ؛ بس صدقني رح يجي يوم وتندم ؛ قلتله : كيف عرفت اني وصلت وكيف عرفت انا بشو عم فكر وليش بدي أندم !!! ... تنهد تنهيده و قلي : يا حيف على شبابك عندك وقت ؟!!! قلتله : عندي ...قلي تعا معي وطلع من خزانه عندو مجموعه كتب بس هالكتب كانت كلها عن الجان ... قلي : هي كرسي جره وتعا قعود لاحكيلك ... قعدت وبلش يحكي قلي : بكره احكي بالقصه هي بس رح احكي مشانك مع اني بعرف مارح تقتنع و رح تضل مصر على رايك ... من لما كان عمري 18 سنه حبتني بنت من بنات الجان وصارت تلاحقني وتبعتلي إشارات ومرة كانت تظهرلي ومرة كانت تنزلني لعالمها كانت آية بالجمال وانا ضعفت لان حبيتها ووافقت أتزوجها وكونه والدي كان صاحب هالمصلحه تبعي بالمحل هاد ... امنت البخور الهندي ...و قعدت بغرفتي و ساويت الطقوس وكل شي انطلب مني و انا عم حط البخور ... لقيتها جاية من بعيد عم تتمايل وجمالها بهرني وكان الخدم حوليها يلي حامل الشاحط تبع فستانها ويلي عم يهويلها وبس بدهم منها إشارة ليحملوها من على الارض ووصلت على عتبة غرفتي ودخلت وصرت الها وصارت الي كان ما حدى يشوفها غيري وكنا نقضي اغلب أوقاتنا سوا وبعد فترة خبرتني انه هي حامل مني انا

العضوة: 743708 , 5 years ago

بسطت وطار عقلي وبعد ٩ شهور لما صار موعد الولادة اختفت وتركتني لحالي وبعد فترة اجت لعندي ومعها أبنها بس كانت عم تبكي وقالتلي اجيت ودعك وهي اخر مرة رح تشوفنا ومن وقتها ما عاد شفتها بس لانها بتحبني حرمت عليي كل نسوان العالم وانحرمت كون زوج وأب . فنصيحة مني لا تعمل شي تندم عليه طول العمر ..... بس انا كان في شي جواتي بدو ياني كمل بهل الشي قلتله معلش عمو خليني جرب وانا بتحمل نتيجة اختياري ... قلي عمو انت حر انا حبيت انصحك لحتى ما تعيش الندم يلي صرلي عم عيشه ٦٢ سنة عطاني البخور وحملت حالي و رجعت على البيت وكنت ناطر تجي تقلي ايمتى لازم بلش لان كل شي لازم يكون الو وقته وطقوسه مر حوالي شهر وهي ما ظهرت ولما صار القمر بدر شفتها وقالتلي صار الموعد بكرة بنص الليل بتقعد بغرفة معتمة بس بتشعل شمعتين وبتحط الفحم بالمنقل وبتبلش تحط البخور شوي شوي وانت عم تقرا الطلاسم يلي عطيتك ياها وراحت وتاني يوم نطرت نص الليل بفارغ الصبر وما صدقت ايمتى ناموا اهلي وحضرت الفحم وكل الطقوس وفتت لغرفتي وبلشت حط بخور واقرا الطلاسم وبينت علي من بعيد متل القمر ... لا احلى جمالها فتان بيبهر العيون وحواليها الخدم متل ما وصفلي الرجال الختيار وقمر الزمان كل مالها عم تقرب مني ...

العضوة: 743708 , 5 years ago

..... بس انا كان في شي جواتي بدو ياني كمل بهل الشي قلتله معلش عمو خليني جرب وانا بتحمل نتيجة اختياري ... قلي عمو انت حر انا حبيت انصحك لحتى ما تعيش الندم يلي صرلي عم عيشه ٦٢ سنة عطاني البخور وحملت حالي و رجعت على البيت وكنت ناطر تجي تقلي ايمتى لازم بلش لان كل شي لازم يكون الو وقته وطقوسه مر حوالي شهر وهي ما ظهرت ولما صار القمر بدر شفتها وقالتلي صار الموعد بكرة بنص الليل بتقعد بغرفة معتمة بس بتشعل شمعتين وبتحط الفحم بالمنقل وبتبلش تحط البخور شوي شوي وانت عم تقرا الطلاسم يلي عطيتك ياها وراحت وتاني يوم نطرت نص الليل بفارغ الصبر وما صدقت ايمتى ناموا اهلي وحضرت الفحم وكل الطقوس وفتت لغرفتي وبلشت حط بخور واقرا الطلاسم وبينت علي من بعيد متل القمر ... لا احلى جمالها فتان بيبهر العيون وحواليها الخدم متل ما وصفلي الرجال الختيار وقمر الزمان كل مالها عم تقرب مني ... قمر الزمان كل مالها عم تقرب مني وقبل ما تحط رجلها بغرفتي خلص البخور وفجاة اختفت ولقيت تنين متل الوحوش قالولي انت ارتكبت اكبر غلطة بحق بنت ملكنا وصار لازم نعاقبك ومسكوا المنقل ورموا الفحم يلي فيه علي وانا من الوجع غميت وفقت وانا بالمشفى عم عاني من حروق خطيرة بكل جسمي وبقيت بالمشفى ١٥ يوم لحتى تحسنت وأهلي كانوا عم يسألوني كيف هيك صار معك ما قدرت قلهم ولا اشرحلهم طلعت من المشفى بعد ما تحسنت الحروق بس كان في كتير تشوهات بجسمي ومحتاج لكم عملية تجميل ليروحوا .... و لسا ماتحسنت فتت لاتحمم عبيت البانيو مي سخنة وقعدت فيه وغمضت عيوني لاسترخي شوي حسيت بوهج نار قرب من وشي فتحت عيوني لقيت ختيارة شكلها بيرعب عيونها حمر متل الدم وشعرها ابيض منكوش والتجاعيد