بعد ماصار عمر بنتي الاولى ٣سنوات ونص قررت احمل وتركت الموانع وبعد شهرين حملت بس كنت احس الوحام غير عن حملي الاول بعد شهرين ونص كان عندي موعد وعرفت النبض متوقف مااوصف مشاعري يومها وبعدها مريت بمرحلة الاجهاض وكيف ينزل واخذت طلق وبعدها عملية تنظيف والحمدالله عدت الفتره بمرها والاكتئاب الي جاني وبعد ست شهور رجعت للفكره والحمل وراجعت مع دكتوره وسوت لي تحاليل وانا من قبل اخذ فوليك اسد واشرب مراميه واقنعتني الدكتوره بالمنشطات واجيب تؤام وتناقشنا انا وزوجي طبعاً واستخرت وبدأت معاها ابر وحبوب ومواعيد يعني الوضع متعب ومر الشهر الاول والثاني والثالث وماصار حمل وقررت اوقف كل هالمواضيع واتركها لربي وكان رمضان وبعدها اجازه شهر ١٠ وخططنا لسفره واغير نفسيتي و نسيت موضوع الحمل وجا العيد والاجازه وسافرت وطيران مده طويله و طبعاً سياحه يعني مشي ولعب واكثر ماتتخيلو وكنت بس اشتهي اكل حلو واطلب اشيا غريبه وفي قلبي شي يقول يمكن حامل وهاذيك ماجات وافتش شنطة الميك اب القى تحليل قديم من ايام المنشطات والخرابيط 😖لكن شكله معدوم واجرب ويطلع بوزتيف قولت مستحيل خربان ولا علمت احد واكمل سفرتي وبس رجعنا السعوديه من المطار قولت لزوجي ابغى تحليل وهو مستغرب من جدك لو في شي امداه طاح والمهم يجيب واحلل ويطلع بوزتيف مشاعري وقتها ماتنوصف فرح وخوف واتذكر الي صار قبل لكن وكلت امري لله وبدا الوحام يزيد والتعب وانا وحامي صعب واتنوم بالمستشفى واخرج وعدت الاشهر الاولى واخر الشهر الرابع صحصحت رجعت للحياه وبدات اجهز واخطط احب من بدري وعرفت جنس البيبي ورده ثانيه بحياتي 🌸وبالشهر السادس صار عندي سكر حمل وبدات بموال ثاني وتحاليل كل ساعتين ودايت وخوف لكن كنت اشغل وقتي بالدوام و التجهيز والحمدالله عدت ومن الشهر الثامن كل اسبوع كنت اسوي تخطيط ودخلت التاسع وثقل وتعب واحس كل يوم بولد من اول اسبوع ويجي الم وخلاص بموت واروح المستشفى ومافي ولاده وكان عندي موعد وقال الدكتور اصلا بنولدك عشان السكر طبعاً وافقت ابي ارتاح واعطاني موعد اول يوم بالاسبوع ٣٨ واجهز نفسي واموري ومرتبه من قبل واروح المستشفى عروسه قبلها بيوم روحت الصالون منكير بدكير مخي ناسي الطلق مدري يتناسى 😭😌ودخلت وتحاليل وهالامور وكان فيني طلق خفيف والساعه ٣ الظهر بدا الجد يلا غرفة الولاده و اخذت اول جرعه وكان الرحم فاتح ٢ سم ومرت ساعتين واموري تمام بعدها بدا الالم ويزيد ورا بعض طبعاً مافي راحه لو دقيقه بين كل طلقه وطلقه ثواني والساعه ٩ باليل احس بنجن وصرت ابكي ويفحصوني لسه ٣ سم واعطوني مخدر ومسكن وارتحت لساعه ١٢ وبعدها رجع الالم وامشي بس الالم يزيد والطلق منتظم وكل شوي تحط التخطيط واقولهم افحصوني انا اعرف بالتخطيط اكيد كل قوة هالطلق فتح الرحم وتقول لا ٣ بس وتلف الجهاز عني وانا خلاص بموت وجا الاستشاري واقوله تدخلني عمليه كل هالوقت وتقولو ٣ سم وشوف الطلق لو الالم بالسرير يمكن نطق 😭😭 وانا متاكده اكثر من ٣ ويقول عمليه لا وانا بموت اقول طيب انا موقعه ابرة الظهر يلا ويفحصني قال خلاص ٤ سم يلا تاخذي الابره ويجهزوني ويبدا الدكتور ويحطها غلط وصارت الدنيا فوق تحت وتجمعو الدكاتره وصارت الساعه ٥ وانا بين طلق والغلط الي صار صرت اتشهد حسيت بموت وسبحان جاني دكتور كبير بالسن ويمسح علي يابنتي خلاص والحين اخذتيها صح وانا احسه مسح على قلبي وماما حبيبتي كل هالوقت معاي وجالسه على الكرسي💔بس لما صار الغلط بالابره صارت تبكي وطلعت وانا ماابيها تبعد عني دقيقه وهي ماتبغى تخوفني زياده وانا اقول اكيد فيني شي خلاص وطلعوها بس الحمداللع بعدها اخذتها صح وهديت بس في طلق وبعد نص ساعه تفحصني قالت ٧ سم يلا افتح المويه واحس دف ووفتحو المويه وراحت الدكتوره وانا احس دف وفي قابله دوبها جايه شفت جديد واقولها بولد خلاص تعالي وتفحصني قالت يلا ولاده ياوجهها وجه الخير والحمدالله ولدت ٧ الصباح جت وردتي واميرتي للدنيا وكانت احلى لحظه بحياتي رجعت للدنيا كنت اناظر الشباك واشوف شروق الشمس وادعي يارب كيف سهل الشمس تشرق وانا ولاده يارب خلصني ...وكل هالوقت ماما حبيبتي تمسك بالجدار اقول اشبها والله اني تعبتها وطلعت كل مااتالم تقول انا بعد فيني طلق ..
والحمدالله انتهت رحلة وهن على وهن 💓
وتعبت بعدها فتره صداع بسب غلط الابره والحمدالله دائماً وابداً 🌷
العضوة: 531014 , 6 years ago
ربي يحفظها لك و الحمد لله على نعمه مرت بحلوها و مرها ..دعواتك اولد بخير و سلامه 🥺♥️العضوة: 658597 , 6 years ago
الحمدلله على السلامه وتتربى بعزك ❤️❤️العضوة: 688882 , 6 years ago
الحمدلله على السلامهالعضوة: 507585 , 6 years ago
امين 🌸تولدي بالسلامه يارب اسهل ولاده كشربة الماء ..العضوة: 526485 , 6 years ago
الحمدلله على سلامتك وقرة عينك والله يخليها لك ويفرح قلبك بها وبأختها ويخلي لك الوالده ويتمم لك بصحه وعافيه ويسعدك دنيا واخرهالعضوة: 283807 , 6 years ago
الف مبروك والحمد لله على سلامتك و الله يجعلها من مواليد السعاده والحمدلله كل شي ب أجره و ياعمري على امك ضحكتني لما تقول تحس بالطلق معك 😂😂💔العضوة: 599083 , 6 years ago
الحمد لله على سلامتك و الله يفرحك بشوفتهم عرايسالعضوة: 621335 , 6 years ago
الحمد لله على السلامه ومبارك البيبي الجديده وتتربي بعزك ودلالك والله يعينا عوجع الولاده 😥😥😥😥كل ما اتزكر هداك اليوم بموت 😫😫😭😭😭العضوة: 507585 , 6 years ago
يسلم قلبك 🌷العضوة: 507585 , 6 years ago
يسلم قلبك🌷العضوة: 507585 , 6 years ago
يسلم قلبك 🌸اميين يارب ويسعدك ياربالعضوة: 507585 , 6 years ago
يسلم قلبك 🌷 اااخ لحظات ماتنسي العمر كلهالعضوة: 507585 , 6 years ago
يبارك بعمرك ويسلمك يارب 🌷 ههههه والله حزنتني ثاني يوم تقول ظهري يوجعني ومسحت جدران الغرفه كاني حياه الفهد🤣العضوة: 559246 , 6 years ago
ماشاء الله ربي يخليها لك انا ليا اسبوعين والده بقيصريه سبحان ربي سهلها عليا رحت المستشفي ع اساس مراجعه ومافي بوادر طلق والرحم مقفل واخر يوم من التاسع وقالتلي الدكتوره اطلعي اولدي وسبحان الله قلت يلا ودخلت الساعه 4 العصر يوم 21 رمضان والساعه 6 المغرب الا وانا والده وجبت احلى بنوته ربي يحفظها لي سبحان الله وقتها نزلت عليا سكينه و رحمه من الله و زوجي رافق معايا جلست بالمستشفي يوم واحد وطلعت ربي يسهل لكل حامل ياربالعضوة: 507585 , 6 years ago
يسلم قلبك💓اميين يارب🌷🌷