العضوة: 645570 , 5 years ago

@user-743708 وينك وليه تعي كملي القصة😬

العضوة: 645570 , 5 years ago

@user-743708 انا بقرا قصصك بس مابقلك مشان ماتشوفي حالك😒بس امري لاالله هي قلتلك🙄😁😂

العضوة: 134969 , 5 years ago

@user-645570 ،🤣🤣

العضوة: 743708 , 5 years ago

(( الفصل 2 )) حاولت اتحرك بس علي كان شاد علي و مسكر ع تمي مشان ما اصيح وصلنا لمنطقة مقطوعة ومافيها حدا .. وانا كنت عم برجف من الرعبة و خايفة كتير ، لدرجة انو الدمعة من عيني ما نزلت!! وقف الباص .. ونزلت نور مع حبيبها (ايهم) .. و ضلينا انا و علي بالباص ، وهون حسيت بقمة الضعف والعجز .. خلص مافي اشي يخلصني من علي !! مسكني علي من كتفي بوحشية وصار يهمس متل الافعى : كنتي مفكرة انو رح اعديها و افرط بكل هالجماال و العيون الخضر .. وشد حجابي عن راسي و صار يلعب بشعري بطريقة مخيفة .. وحسيت بشعور الفريسة يلي مقيدة من كل الاتجاهات و عم تستنى بموتها المحكم .. .. صار يشدني لعندو بطريقة بشعة كتير و مقززة ، وانا هون رجعت اصرخ بكل صوتي بس ارتعبت و تجمد الدم بعروقي لما شفتو طال مسدس علي : اذا طلعتي صوتك مرة تانيه بقتلك ، فهمانه!! و هون صار قلبي اللي يصرخ .. و صرت ادعي ربنا .. يارب يارب خلصني منو يااارب .. بعد شوي .. حسيت بالغثيان و اني رح استفرغ .. اجتني قوة رهيبة و دفشتو و طلعت من الباص و انا اصرخ بصوت عااالي مع اني كنت فاقدة الامل تماماً ،بس ضليت اصرخ و اصرخ و صار علي يلحق فيني و بايدو المسدس و انا وقتها قلت لحالي حتى لو قتلني ، المهم ما يلمسني !! فجأة .. سمعت صوت طلقة قوية !! وقفت عن الحركة و الصراخ .. و صرت اتطلع عحالي !! معقول انطخيت وانا مو حاسه!! ..... " علي بعد عن

العضوة: 743708 , 5 years ago

" علي بعد عنها يا ويلك اذا بترجع بتقرب منها " رفعت وجهي وشفت صاحب الصوت كان ايهم حبيبها لنور!! علي : وليش بلله؟ ايهم(وهو ماسك المسدس) : لانها بتخصني سكت علي شوي بعدين راح و اخفى عن عيوني .. وبس راح ، انا انهرت من البكي ، وصار كل جسمي متل التلج و عم برجف .. و ما صدقت انو عنجد اخلصت من علي .. رجعت رفعت راسي وشفت ايهم .. كان شب حنطي و وسيم .. حسيت بشي غريب تجاهو بس اكيد مو حب ، يمكن لانو انقذني .. ..... نزل ايهم لعندي و حضني و طمني ايهم : ما تخافي انسام خلص علي راح .. ما تخافي وانا ساكتة و عم ببكي .. ايهم : محتاجة شي انسام : حجابي .. و بدي اروح عالبيت ببوس ايدك ايهم : خلص ما تخافي و انا موجود ، هلئ بروحك عالبيت ، بس .. انسام : بس شو؟ ايهم : في سؤال محيرني! انسام : شو هو اسأل!! ايهم : انسام ، انتي بنت كتير حلوة و باين عليكي انك محترمة وبنت عالم وناس ، شو اللي عرفك ع نور و علي وهدول الاشكال هون انا انصدمت : ليش هيك بتحكي عن نور وانت لمفروض بتحبها!! ايهم : هههههههههههه ليش هو في حب هالايام ، انا ونور صحبة ، صح هي بتحبني بس انا ما بآمن بالحب ابداً .. وقرب عليي و صارو عيونو قدام عيوني : بس ممكن بعد هالعيون الخضر المكحلين رباني بلشت آامن انه ممكن يكون في حب ! انا ضليت ساكتة .. وهو رجع لورا متل يلي استغرب او تذكر اشي .. ايهم : عفكرة انتي انسانة طيبة كتير و انا خايف عليكي تنضري ، ابعدي عن نور و اشكالها و قومي اوصلك عالبيت هلئ .. انسام : طيب ستنا سؤال ايهم : شو انسام : انت ليش لهلئ تا ساعدتني ، ليش من الاول ما ساعدتني اتطلع فيني وبصراحة ما فهمت اشي من نظراتو ، كان كتييير غامض وحكالي : قومي هلئ قومي بلاش تتأخري عالبيت

العضوة: 743708 , 5 years ago

رجعنا اركبنا بالباص ، و طلب تلفوني اعطيتو اياه و رن عتلفونو منو ، وحكالي قدام الكل : الليلة رح ارنلك . ... ما صدقت ايمت وصلت عالبيت و بسرعه انزلت من الباص ، واتطلعت ع ايهم نظرات شكر و كملت طريقي ع بيتي .. اول ما فتت .. ام انسام : انسام مال شكلك هيك مبهدل انسام : مش فاهمة ام انسام : وجهك اصفر وعيونك منفوخات شو صايرلك يما انسام :هاا ، مش صاير اشي ام انسام : امبلا ، احكيلي انسام يلا انسام : اخذت امتحان و كان صعب كتير وما زبطت .. ام انسام : اهاا ، يلا بتعوضيها بالامتحان الثاني .. ما بعرف بس حسيتها ما اقتنعت ، بس ما اهتميت كثير و فتت عغرفتي و سكرت الباب ارتميت ع تختي .. وشكرت ربي للمرة المليون انو القصة عدت ع خير .. و بكيت كثير و نمت وانا ببكي ... .....

العضوة: 743708 , 5 years ago

حدا متابع

العضوة: 267405 , 5 years ago

اي حبي كملي

العضوة: 645570 , 5 years ago

@user-743708 خلصينا كمليا😭

العضوة: 784979 , 5 years ago

معك كملي

العضوة: 736394 , 5 years ago

وانا متابعه

العضوة: 743708 , 5 years ago

😍

العضوة: 444524 , 5 years ago

كملي راح اخلص الباميات ولسى ماخلصتي روايتك 😂😂😂😂😂

العضوة: 743708 , 5 years ago

اصحيت و كانت الدنيا ليل ، حسيت راسي رح ينفجر من قد ما تعبت و عيطت .. .. فات ابوي عغرفتي ، اتطلع فيني بنظرات خالية من ايا مشاعر .. و حسسني متل يلي انو عارف اشي . معقول عرف باللي صار😱 لا لا اصلا لو عرف ما كان خلاني ع قيد الحياة .. ..... و فجأة حسيت اشي بيرج ، كان تلفوني اتلبكت كثير ، وخفت ابوي يسمع الرجة و يشوف تلفوني .. بس الحمدلله ما سمع اشي و طلع من الغرفة وبس طلع ، اتنفست بعمق وبراااااحة .. .. طلعت تلفوني وشفت المتصل رقم غريب ، اعرفت انو ايهم اطلعت من غرفتي و اتاكدت انو ابوي راح .. ورجعت عالتلفون و فتحت خط .. انسام : الو ايهم : اهلين انسام ، اسمعي رح احكيلك كلمتين و بعدها مارح ارنلك ابدا لاني بدي اياكي تكسري رقمك اوك انسام : شو بتخبص انت ، وليش كل هالغموض ، احكي من الآخر ايهم : بتعرفي .. كنت بتمنا لو اعرفتك بغير ضروف ، انا اول ما شفتك ركبتي بالباص قلت لحالي نيالك يا علي هالمرة الصيدة محرزة ، بس بعدين لما شفتك كيف نزلتي من الباص تصرخي و تحاولي تنقذي حالك ، اعرفت انك انسانة بريئة و انها نور هي يلي ضحكت عليكي انسام : ...... ايهم : انا يا انسام حبيتك ، بس انتي ما بتستاهليني انتي بتستاهلي حدا احسن من و انظف مني .. .............. سكر ايهم الخط ، و مباشرة طلعت خطي من التلفون و كسرته .. صارت الافكار توديني و تجيبني ، معقول ايهم عنجد بحبني ؟! ولا مثلو مثل علي ؟! بصراحة ما بعرف ولا بدي اعرف لانو من بعد يلي صار اليوم .. غيرني و كبرني 100 سنة لقدام و صرت احس بعمرني مارح انسا هالشي ابدا ....... خلصت امتحاناتي عخير .. و بلشت العطلة ..

العضوة: 736394 , 5 years ago

انا الحالي زوجي طالع واقر قصصك حلوه شكر❤️❤️❤️