العضوة: 743708 , 5 years ago

انتي بعدك مع هالباميه

العضوة: 743708 , 5 years ago

@user-736394 ياعمري انتي الحلوة وان شاء الله ع طول انشر قصص احلى شفتهم .

العضوة: 444524 , 5 years ago

😂😂😂😂٥كيلو

العضوة: 743708 , 5 years ago

ويا ما ابشع العطلة ، خصوصاً للبنت يلي متلي يعني بالمدرسة ، كنت الاقي منفس اتنفس منو من جو البيت الكئيب .. اتخلص من المشاكل و الظلم و العنف يلي ببيتنا .. واتخلص من هالفقر .... كنت بتمنى اكون متلي متل غيري من هالبنات ، بس القدر حكم عليي بعيشة أشبه بالسجن .. ...... ام انسام : انسااام ، مريم ، قومو البسو مريم : ليش وين بدنا نروح؟! ام انسام : ع دار اختكو نسرين انسام : ياي واخيرا رح نطلع من الدار😍😍😍💃💃 ... اركبنا بالسيارة و قطعنا المسافة الطويلة كلها و وصلنا اخيرا ع حارة اختي .. لقينا اختي وعيالها قاعدين بستنو فينا برا و رحبو فينا واللذي منه ... بعد شي ساعتين ، مليت من القعدة انسام : ماما عادي اطلع اتمشا برا بالحارة ام انسام : ليش انسام : ازهقت كثير ، و بعدين هاي نسرين اعطتني ليرة بدي اروح اشتري فيها من الدكانة يا ماما خليني اروح ببوس ايدك ول ول ول ام انسام : طييييب خلص لا تزني صرعتيني ، روحي بس لا تتاخري ها ابوكي بذبحنا انا وياكي و بسرعه فزيت و اطلعت .. انا ما كان بدي اشتري من الدكانه بصراحة ، بس كنت كثير مخنوقة و حبيت اتنفس شوي .. فجأة وانا بمشي ، اتدعثرت بحجر كانو حاطينو الاولاد الصغار بالشارع وقعت من طولي ، بس تفاجأت لما حدا اجا وساعدني اوقف .. اتطلعت فيه .. كان شب بجنن . عضلاتو كبار . و شعرو اشقر .. وعيونو عسلي .. ودقنو مرسوم رسم ... انسام : شكرا الك الشب : العفو منك ، بس مين انتي اول مرة بشوفك بحارتنا انسام : امممم ، انا مو من هون بس اجيت زيارة ع اختي ساكنة هون و كلمة مني ، كلمة منو بلآخر اعطاني رقمو و انا اخدتو بكل رحابة صدر!! رحت اشتريت بالليرة اللي معي خط جديد عالسريع ، وارجعت ع بيت اختي .. ...... وما كان آخر شب حكيت معو ، صرت احكي مع تنين و تلات و خمسة و عشرة !! واخدت كتير عالوضع ، و بصراحة كان هدفي مادي و تضييع وقت كمان .. كنت وقتها عم بنتقم ، بس ما بعرف من شو !! يمكن بنتقم

العضوة: 743708 , 5 years ago

من بابا ، ويمكن من نفسي!! بس طبعا كنت آخدة درس من يلي صار معي زمان ، ومستحيل اقبل اني اطلع مع حدا منهم ... و مين يلي رح يفوت عحياتي و يقلبها رأساً على عقب هالمرة ؟! و هل فعلاً رح اعيد غلطتي و اروح برجليي بسيارة مليانة شباب؟؟ و نور كيف وليش ارجعت التقيت فيها؟! و يا ترى رح تسلم الجرة كمان هالمرة ولا لا ؟؟ كل هاد رح نعرفو بالجزء التالت 😊 ...

العضوة: 743708 , 5 years ago

((الفصل 3 )) والاخير .. بلشت سنة دراسية جديدة ، و هالسنة حطيت هدف قوي قدام عيوني ، انا لازم لازم انجح و ادرس و اشتغل، بلكي اقدرت انشل امي من هالوضع السيئ يلي هيه فيه .. و خففت كتير من مكالماتي و الشباب .. و بالفعل ، اتعبت كتير وشديت حالي والله اعطاني عقد تعبي و خلص الفصل الاول وجبت معدل ممتاز 😍 .. و بالفصل التاني ، اتعرفت ع بنت كتير طيوبة و حكتلي انو طروفها كتير مشابهة لظروفي ارتحتلها كتير و حبيتها ، وصرت اقضي كل اوقاتي معها .. انسام : لك اووف ملل ملل ، لك حتى الدراسة صايرة ملل كوثر : هههههه وانا شو اقول لعاد انسام : طيب انتي شو بتعملي بالبيت كيف بتقضي وقتك كوثر : امممم ، بضل بحكي مع حبيبي و هيك الوقت بيمشي بدون ما احس ، وانتي ولك شو ما بدك تلاقي حبيب انسام : لا لا ، انا الماضي ما عاد ارجع اعيدو ابدا كوثر : هبلة انتي؟ مو كل الشباب متل بعضهم و شو بيعرفك يمكن تلاقي شخص يقدر يعوضك عن كل يلي مريتي فيه و ضلت تزن فوق راسي لحتى بلشت اقتنع بكلامها .. و فعلا ارجعت لتلفوني و للشباب مرة تالتة ..!! .. خلصت مكالمة مع واحد من الشباب و انا عم حس بالشفقة عليه ، كنت اخليه يعطيني مصاري مقابل اشياء اوعده فيها بس ما انفذلو اياها .. رن التلفون و كانت كوثر هالمرة . انسام : اهلين كوثر كيفك ، شكلو في اشي ضروري صح لانك قليل ما بترني عليي عهاد التلفون كوثر : يا عيني عليكي شو ذكية انسام : هههههه احكي شو فيه كوثر : امممم ، بصراحة حبيبي رح يجي يخطبني كمان يومين .. انسام : ياااي عنجد الف الف مبروووك حبيبتي كوثر : بس استني مش هون المشكلة انسام(بنفاذ صبر) ؛ لك نطفتي قلبي احكي وخلصيني كوثر : بصراحة انتي بتعرفيني ما عمرني طلعت مع شباب ، بس هو حكالي انو لازم اطلع معو ويشوفني قبل الخطبة انسام : طيب اطلعي معو امان عادي لانو رح يخطبك كوثر : بس بخاف روح لحالي انسام : مع مين بدك تروحي لكان كوثر : امممم شو رايك ترافقيني انسام : شوووو ، لا لا مستحيل كوثر : له يا انسام ما توقعتك هيك ، تتخلي عني باصعب المواقف

العضوة: 743708 , 5 years ago

انسام : لك مش هيك القصة بس انتي بتعرفيني قديش بخاف كوثر : ولك هاد خطيبي من شو خايفة فهميني و ضلت تقنع فيني ساعه كاملة وبالاخر استسلمت ، و واففت واااااخ ، يا ريتني ما وافقت .. .... تاني يوم ، اطلعت من بيتي عاساس رايحة عالمدرسة ، وهي نفس الاشي طلعت من بيتي ، وما كنت بعرف وقتها مين الذئاب يلي كانت تستنا فيني .. كوثر : صباح الخير ، تعي تعي امشي لآخر الشارع ، خطيبي معو سيارة و بستنا فينا هناك و فعلا مشيت معها ولقيت سيارة و ركبنا فيها بسرعه مشان ما حدا يشوفنا .. بس الاشي يلي ما توقعتو انو السيارة كان فيها شبين!! عبدالله حبيب كوثر ، و حمزة صاحبو هون انا كشرت و حكيت لكوثر : كوثر احنا ما اتفقنا هيك ابدا ، عبدالله لو سمحت وقف السيارة بدي انزل لف علي عبدالله و حكا بنبرة كلها خباثة : شو يا حلو وين تنزل ! احنا ما صدقنا قدرنا نوصلك و تجمد الدم بعروقي ولعنت نفسي الف مرة ع غبائي ضليت هادية وعم بحاول افكر بحل لمصيبتي هاي .. بتذكر مشت السيارة كثيييير وقطعت مسافة طويييييلة .. واخيرا وقفت السيارة .. بس وقفوها قدام مقبرة قديييمة ، والمنظر لحالو بيجيب الرعب مسكني حمزة و نزلني و فتنا كلنا ع بيت بهاي اللحضة .. طلعت الانسانة يلي ما توقعت اني عاد اشوفها نور : اهلا وسهلا يا حلوين ليش تأخرتو خوفتوني عليكو !! انسام : نووووور !! ولك منين طلعتي انتي نور : ههههه ليش فكرك انو بقدر انسا حضرتك كيف سرقتيلي حبيبي مني ؟ و بعدين التفتت نور ع كوثر و حكتلها : يسلمو كوثر : هههههه ولو ، بدنا خدمة تحرز😉

العضوة: 743708 , 5 years ago

هون انا كنت اضعف وحدة ، وكل هاد كان من تدبير نور لحتى تنتقم مني نور : شو يا انسة ، مين بتحبي يبلش معك عبدلله ولا حمزة ؟ انا حبيت استفزها .. انسام : لا عبدلله ولاحمزة ، خلي ايهم😏 ضربتني كف ، وصارت تسب فيني و انا ضليت بقمة هدوئي ، لانو بصراحة عنجد بستاهل يلي صار كلو من ورا غبائي ... اتطلعت ع الشباك ، وقررت ارمي حالي منو و ابليهم فيني .. شعور الانتحار سيطر علي كتير بوقتها .. وفعلا انا بستاهل الموت ، كتير خبصت و كسرت قلوب كتير .. و اكتر من حدا حبني بس انا كنت استغلاليه .. مرت من قدامي صورة امي و اختي عم يبكو ، وبابا الظالم .. صحيت ع كف تاني من نور .. وتالت .. ورابع و انا ضليت ساكتة و باردة ، مابعرف كيف بس حسيت حدا عم بيخليني هيك اعمل و استغربت من حالي ، حتى الكل صار يتطلع فيني نظرات استغراب !! بس هاي كان هدوء ما قبل العاااص فة نفذ صبري و قمت و كتيت تيابي قربت ع نور و قلبي عم يغلي عليها حكيتلها بنبرة هدوء و ثقة : انتي لسا ما بتعرفي مين انساام و هجمت عليها و صرت اضرب فيها و حاول حمزة انو يبعدني عنها وانا كنت متل المجنونة اضرب فيها بكل قوتي و بكل قهري و غليلي منها لحتى نزلت الدم من وجها بعدين لفيت ع كوثر و كملت عليها هي التانية

العضوة: 743708 , 5 years ago

ما بينت لحدا اني خايفة ، و كنت عم بحاول ارجع كرامتي يلي انداست بالارض! بس بعدين قدر حمزة انو يمسكني و يتمكن مني نور : حمزة شوف شغلك وطلعو كلهم من الغرفة .. ورجعت لنفس الموقف ، ولنفس الرعبة بس هالمرة ايهم مو موجود لحتى يخلصني من حمزة!! ما كان غير حمزة معي حسيتو هو المجرم وهو المنقذ بنفس الوقت .. شفتو كيف كان عم بيقرب مني بحذر .. بعكس علي .. اعرفت اني يمكن اقدر أأثر عليه لو ترجيتو وبكيتلو .. انسام : حمزة لو سمحت ممكن طلب حمزة : شو انسام : هلئ انت ما بتعرفني و انا ولا بعمرني أذيتك صح ! حمزة : اصلا انا اول مرة بشوفك انسام : طيب يعني شو رح تستفيد اذا دمرتني حمزة : مو هيك هدفي ، انا شايف قدامي بنت حلوة كتير وحابب اني استمتع معها ... اجيت صرت احكي و اخبرو كل قصتي و خبرتو كلشي عملتو نور فيني ، و بينتلو اني ضحية لا اكثر .... وبكيت كتير انسام : بترجاك تتركني بترجااااك ، والله مو مستاهلة مشان شهوتك انك تدمر حالك و تتجرجر عالسجن و تدمر سمعة عيلتك و عفكرة هاي نور عم تستغلك متل ما استغلتني و نشف ريقي وانا اقنع فيه ، لحتى فعلا بلش يتاثر بكلامي و يقتنع .. والحمدلله .. الله وقف معي للمرة التانية باصعب موقفين مرو علي بحياتي .. و بعد فترة قام حمزة و طلع من الغرفة و تفاجأنا انو البيت كان فاضي و انو نور وجماعتها طلعو وتركونا لحالنا حمزة فجأة انتفض مثل يلي تذكر اشي خطير حمزة : امشي امشي بسرعا لازم نطلع من هون طلعت معو وكان يركض وانا اركضو مستغربة ليش طلعنا .. وصلنا لمكان عالي شوي وكان كاشف عالمنطقه حمزة : اوعي تطلعي صوت ولا حركة استجبتلو و ما طلعت نفس لأنو الخوف كان سيد الموقف ، وصح علامات استفهام كتيرة كانت فوق راسي بس ما سترجيت اسالو اشي ...

العضوة: 743708 , 5 years ago

مر 10 دقايق واتفاجأت لما شفت الشرطة كيف اجت عالبيت و اقتحمتو ، بس ما لقو فيه حدا هون انا فهمت كلشي ، والكلبة نور ما كانت بس بدها تخسرني شرفي ، كانت بدها تفضحني قدام كل الدنيا .. انسام : حمزة انا لازم ارجع عالبيت ، الوقت صار قريب العصر واهلي مفكريني بالمدرسة مشينا شوي ، المكان كان معزول لقينا ميكانيكي سيارات ، طلبنا منو انو يوصلنا بس ما رضي و شك فينا بعدين استسلمنا و قطعنا المسافة الكبيرة كلها مشي .. طول الطريق كام حمزة يتحلف لنور و عبدالله ، و حلف انو رح ياخد حقي و حقو منهم لانهم استغلوه بشكل بشع كتير .. ......... بهداك اليوم وصلت عالبيت قريب المغرب لقيت بابا قاعد بستنا فيني عالباب و بس لمحني ركض عليي و ضربني ضرب مبرح .. ضرب متوحش و صابني ع اثره نزيف بالعين و 3 كسور برجليي و كسر بايدي اليمين .. قضيت ما يقارب ال4 شهور بالمستشفا و طبعا رسبت بالتوجيهي وراحت عليي السنة كلها .. و بعد ما تخرجت من المستشفا و شفيت شوي كان ابوي يصبحني بقتلة و يمسيني بقتلة وحلف انو لو يجي واحد زبال يطلبني غير يرميني عليه .. طبعا هو ما عرف الحقيقة ، بس امي و اختي عرفنها ، و فهمنو اني كنت زياره عند صاحبتي و طبعا بهاي الفترة ما كان يسمحلي اشوف الضو و ما كان يخلي حدا يشوفني ، حتى اختي ممنوع تقعد عندي ... بعد فترة اتجوزت اختي يلي كانت اغلى من روحي .... وضاقت الدنيا بوجهي وانا بوقتها تبت توبة نصوحة و تقربت من ربي كثير و طول وقتي استغفر و اطلب من ربي يسامحني .. امي من الزعل صار معها سكري ، وما عادت تقدر تشوف كتير .. .... رحنا عالمستشفا كان عندي مراجعه لعيني يلي صار فيها نزيف و طلعت بتيابي يلي ما عندي غيرهم ، بنام و بصحى وبطلع فيهم!! ما كان هامني اشي ، وكنت حاسة بالرضا برغم كل البهادل يلي انا فيها وصلت لمرحلة انو الامسان لما يكون مع ربنا ، ربنا رح يكون معو وهالاحساس اجمل احساس عالاطلاق ...

العضوة: 743708 , 5 years ago

الدكتور : الحمدلله عينك صارت تمام التمام بس العلاج اخد وقت كبير، لا تضلي تبكي عيونك حلوين اكيد بتلبقلهم الضحكة اكتر انسام : هه ، ليش يا عمو مين فينا بحب يبكي ، هلئ احكيلي يعني خلص ما عاد في مراجعه الدكتور : لا الحمدلله كل امورك سليمة التفتت ع امي و حكيتلها : يلا هاد اخر مشوار وبعد هيك مارح اشوف الشمس ......... مرت 3 اسابيع و الشي يلي ما توقعتو انو اجاني خطابين برغم سمعتنا الزفت بس خلص هاي نصيبي اجا والمكتوب ما منو هروب خطيبي كان اكبر مني ب 18 سنة و ابوي دغري وافق .. وفعلا خطبت و تجوزت .... وهلئ صارلي 8 سنين متجوزة ، وبحب زوجي كتير ، وهو بحبني و حنون كتير معي و قدر يعوضني عن كلشي مريت فيه .. و اجوني كمان ولاد و تزينت حياتي و رجعولي البسمة و الضحكة عوجهي من بعد ما غابت سنيييين ..... وانا كتير مبسوطة بحياتي و عيلتي يلي صارو اغلا شي عندي ..❤️❤️ ..... ....بس بتمنى بنهاية القصة تحكي للبنات اللي بمرو بظروف شبيهة لظروفي انه لما تلجئي لحدا الجئي لربنا هو الوحيد اللي ببدل الحال لأحسن حال بينما برة كلهم عبارة عن ذئاب بشرية بستنو ياكلو لحمك الهدف من قصتي اني اوعي اي بنت انها تعلط غلطي ممكن انا ساعدني الحظ نوعا ما بس انتي مش أكيد " .. #انتهت

العضوة: 743708 , 5 years ago

وهيك خلصنا ياصبايا واشكر الجميع لدعمكم يا قمورات انطروا مني الاجمل باذن الله محبتكم رحيق الجنه ام زيد

العضوة: 444524 , 5 years ago

يسلم ايديكي يااارب حلوووة كثير احلى ام زيييد

العضوة: 444524 , 5 years ago

رفع

العضوة: 743708 , 5 years ago

الله يسلمك ع قبال ما تخلصي هالباميات