حمد لله ع كل حال الوحش قبل الحلو .. كنت رايحه اولد قيصرى خلاص لان البيبى منزلش ومفيش طلق كنا الساعه 12 اخدت شويه م المحلول اللى بيتاخد قبل البنج وجالى مغص .. والممرضه قالتلى اغير هدومى علشان خلاص انزل اخد البنج للقيصرى واولد .. دخلت. التواليت لقيت نزل دم نزلت للدكتور اللى هيولدنى قيصرى وقولتله ع المغص والدم وقالى طيب هكشف عليكى بالاول وكشف لقا الرحم فتح 3 س وقالى هحاول معاكى طبيعى اول بعدين ودانى اوضه تانيه وادانى محلول طلق صناعى ممنوع الاهل ينزلو معاكى دور العمليات وانا نزلت واهلى متوقعين هولد قيصرى بس نصيبى جه كدا اخدت الطلق الصناعى وكنت بموووت بمعنى الكلمه م المغص والوجع لدرجة انى كنت بضرب نفسى وصوت وقولتلهم عايزة مامتى لحد منزلوها وعرفت انى هاولد طبيعى شويه ودخلونى العمليات بعد الصناعى والتعب اللى شوفته وخصوصا وقت القياس لما دخلت ع السرير مع الطلق صعب اوى بالذات ان كل حاجه مفاجاه والبيبى كان فوق منزلش والممرضه تضغط ع بطنى انه ينزل والدكتور يقولى اضغط علشان اولد وانا مش طايقه حاسه انى بموت فعلااا وجسمى بيتقطع بعد كل دا ومنغير اى بنج فتحلى اكيد ووهو بيخيط ادانى البنج وولدت طبيعى وطلعت لاهلى لحد مفوقت وشوفت البيبى والحمد لله ع كل حال دائما وابدا وبعد كل دا وبقالى خمس ايام والده الجرح شادد جداااا وكل يوم باخد حقن مسكن علشان اقدر اتحمل الوجع ومش عارفا افرح انى ولدت من الوجع مع انى كنت عند دكتور كويس ومعروف جدااا وولدت بمكان كويس جدا بس جه نصيبى كدا ولدلوقت الخياطه بتوجعنى مش متحمله ولا بعرف اقعد حتى واللى زود تعبى ونفسيتى ان بسبب الميلاد البيبى كتفه اتملخ وبياخد علاج طبيعى دلوقت ... وصعبان عليا ف السن د يحصل كدا والمهم من كل دا متدعيش ربنا يرزقك بميلاد طبيعى ولا يرزقك بميلاد قيصرى مش كل الطبيعى سهل ولا كل القيصرى سهل دايما ادعى ربنا ييسر ليكى الخير والاحسن ليكى وتوكلى دايما ع الله هو حسبك ووكيلك .. ياريت اللى يقرا قصتى يدعيلى لعلها ساعة استجابه ويدعى لبنتى تخف واطمن عليهااا وكنت مبسوطه انى كنت وسط ناس زيكو ف التطبيق دا وربى يسهل ع الجميع ويرزق كل مشتاق