السلام عليكم أنا حملت بعد زواجي بشهر والحمد لله (الله يرزق كل مشتاقة يااااارب ) وطبعا كنت لسة عروسة وطبعا بتفشش شغل قلييل ونوم كتيييير😂المهم مرت تسع شهور قضيتها نوم وأكل وأدلع على جوزي يغسل المواعين وبيعمل شغل البيت في مكاني ولو قمت أعمل حاجة يقلي إرتاحي إنتي حامل 😁المهم بسبب قلة الحركة إنتفخت وبطني كبرت كتيييير بس سبحان الله ماكنت أحس بأي ثقل أو ألم في رجلي عكس حملي التاني المهم خلصت التاسع ودخلت بالعاشر والطلق مو راضي يجي وفي ليلة العشرين من رمضان فطرنا لأني صمت العشرين يوم لي طافو وكإني مو حامل سبحان الله بعد الفطور أكلت مثلجات كتيير لأنو كان كتيير حر ويمكن كانت هي السبب في تعسر ولادتي مع العشاء بدأ ألم خفيف ونزلت السدادة عرفت إنو ولادة طلب من زوجي ما يتأخر بعد صلاة التراويح يرجع دغري وهيك صار لما إجا جوزي لقاني عم إتقطع من الألم بس هو كان ولا شي قدام الألم الحقيقي المهم صبرت طول الليل وجت حماتي ضلت معي ولما وصل الفجر ما قدرت أتحمل رحت عمشفى خاص ولما شافوني قالو الرحم فاتح 2 سم وإحتمال كبير عملية لأنو بكرية والبيبي كبير قلتلن خلاص رح إرجع عالبيت ورجعت عالبيت وضليت عم إتوجع لعشرة الصبح رجعت لعندن قالولي لسة 2سم 😨ورح نحولك عملية رفضت وطلعت على مشتشفى حكومي قالولي رح نولدك طبيعي عملولي تحريض وفتح الرحم 4سم وقامو بفك مية الراس وزاااد الألم وصل المغرب ونا لسة ما ولدت وفي الأخير حولوني عملية لأنو البيبي كان رجليه لتحت مو راسو ودكتورة تبعي كانت قالت البيبي في الوضعية الصحيحة😐المهم بعد عذاب شفت إبني ومرت خمس سنين ونتسى كل شيئ 😆 إنتضروني في قصة ولادتي التانية آلي كانت سهلة و طبيعية وتفاديت فيها الأخطاء إلي عملتى في حملي الأول