تكملة قصة ولادتي🤰🏻 الثالثة ؟؟ طلعنا عالمستشفى 🏥 انا وامي ورنينا 📲على حماتي وحكتلها انو رح نروح عالمستشفى🏥 وانا من جواتي مش حابة🙁 اروح هلئ عالمستشفى ليزيد الوجع 🤕 لانو كل ما يزيد الوجع بكون التوسع اكبر أول ما وصلت دخلوني على الغرفة 🚪وهية بتكون عبارة عن ثلاثة أسرة 🛏🛏🛏 وكنت لحالي ما في حد بهديك الليلة ولد معي وطبعا تمددت واجت سألتني✏ الممرضة👩‍⚕️ بشو حاسة وهل أنا متأكدة انو طلق ولادة وقلتلها اه متأكدة لاني جربتو قبل هالولادة وتفاصيل تانية وبعدين اجت تفحصني داخلي وطبعا نفس الشي قلتلها اتحمليني 🙏 شوي عشان تساعديني واساعدك بس شوي شوي علي عشان ارخي حالي وتعرفي تفحصي والحمدلله كانت منيحة وردت علي وحكتلي انتي عندك توسع 2 سم 💬 حطتلي تخطيط الجنين على بطني عشان يعرفو قوة الطلق الولادة وبقيسو نبضات الجنين وكان كل ساعة يزيد التوسع 1 سم لما خلص التخطيط الدكتورة بتحكيلي متأكدة انك حاسة في طلق واحكيلها اه ومش قادرة سألناها ليه صارت تحكي ما بين بالجهاز انو عندك ردو عملولي بجهازين غير الجهاز الاول بس عالفاضي ما بين 😯 مر الوقت وانا الوجع بزيد اكتر من التوسع 💬ما نزل علي شي مثل دم او حتى مية راس بهالحمل كمان 💬 ومن قوة الوجع صرت احكيلها لو سمحتي طيب اعطوني طلق صناعي اي شي يسرع ولادتي لاني تعبت صارت تحكي ما منقدر نعطيكي لانو دايما يلي والدة عملية منحاول قد ما نقدر نكون حريصين انو ما نعطيها عشان ما تنضر سواء طلق صناعي او أي شي . بعدها حطتلي حقنة شرجية اعزكم الله وحكتلي كمان دقيقتين ادخلي عالحمام🚪 عشان يخرج كل الفضلات من الجسم و اعطتني ابرة 💉 وحطتلي سيروم غذاء بالابرة وكل ساعة كانو يفحصولي التوسع واجت حماتي 👵وامي👵 الله يخليهم وكانو حوالي يحكو معي ويقرأولي قرآن ويحاولو يهونو علي الوجع والحمدلله وصل زوجي قبل ما اولد بساعتين كنت مبسوطة وبنفس الوقت متوجعة من الطلق وطبعا لما وصلت لتوسع ٧ سم انخنقت مش قادرة اتحمل قلتلهم خلص بدي اولد عملية مش قادرة كانت الساعة تقريبا ٧ ونص 🕢 الصبح بالنهار 🌄 وبعدها صارو يجهزو فيي انتقل لغرفة🚪 خاصة بالولادة ويطبطبو علي ويحكولي ما تخافي واتحملي شوي هانت . حكولي خلص هلئ بترتاحي 👏 ان شاءلله ودخلت على غرفة تانية فيها تخت واحد 🛏إلي وتخت لبيبي 🤰🏻 وصارو يحكولي خدي نفس عميق واخرجيه عشان اقدر ادفع واولد بسهولة . حكتلي الدكتورة كل ما تجيكي الطلقة احكيلي عشان بدها تحاول تدخل ايدها عشان تزيد التوسع شوي وبصراحة اكبر تعبت مش قادرة كنت و بعدها شديت بأقوى نفس وروح عندي ويلي شجعني اكتر حكتلي ضلك شدي هيو خرج يلا يلا وبعدها الحمدلله سحبته بسرعة وخرج بخير وسلامة وانا حسيت براحة بعد وجع وتعب والحمدلله . فجأة بعد ما ولدت قلتلها مش قادرة بدي استفرغ بسرعة اعطتني ظرف واستفرغت التمرة يلي اكلتها وانا بطلق والمي يلي شربتها والحمدلله كانت اصعب مرحلة الدفع بهالولادة كانت تجربة شوي صعبة لاني ما مشيت زي الولادة يلي قبلها منيح فعلا حسيت ولادتي طولت 👏 والحمدلله رغم وجعها والتعب يلي تعبتو بس بضل اهون من العملية بكتير سبحان الله كل شي طبيعي غير ❤ وولدت ابني الساعة ٨ الصبح🌄 😊😊