يوم الخميس 8/3 كان موعدي لطلق الصناعي تنومت الساعه 10 با الليل وسوو لي تحريض والرحم كان مقفل الساعه 6ونص الجمعه حطو لي اول تحميلة طلقوجلست منتظره الطلق لين الساعه10وللأسف مافي استجابه ولااي ألم فقدت الامل وحطيت راسي ونمت ع انتظار ثاني تحميله الساعه12والحمدالله بعد اذن ربي صحيت الساعه11ع ألم دوره وطلعت امشي في سيب المستشفى واطلب الفرج من ربي الساعه12الالم زاد وماقدرت امشي واوقف بنص السيب واصرخ😂ويجون لي الممرضات ركض وع طول ع كشك الولاده سوو لي تخطيط طلع عندي طلق والرحم فاتح3خلاص ولاده والساعه 1:20فكو لي المويا وياالله ألم ما ينوصف بس الحمدالله جاني صبر من ربي ومع كل طلقه اتنفس با الكمام واقول يارب ياالله و حاولت اني ما اصارخ واخلي طاقتي حق الدفع الساعه2طلبت مسكن وعطتني ابره وساعه وانااطلب مسكن مرا ثانيه من قوةالالم الساعه3:20الدكتوره تقول لي مامايلا ادفعي الراس قريب الا انا يغمى علي من كثرت المسكنات وحاولو يصحوني وانا مو قادره افتح الا الدكتوره تعطيني كف عشان ارجع لوعيي وابدا اصحى😂حتى عقلي احسه تحرك و بديت ادفع والممرضه تساعدني وتتنفس معي الساعه3:33انتهت رحلة وهن ع وهن وجات بنتي لحضني ونسيت الالم كله ومعليش طولت عليكم بس هاذا قصتي🙂 وللعلم من دخلت التاسع وانا كنت امشي يومياً ساعه و كنت اشرب قرفه وزنجبيل و اعشاب وادهن ظهري وبطني واكل تمر يمكن كيس حق 3ايام بس ع امل اني اولد قبل الموعد لاكن كتبت ربي فوق كل شيء و كل شيء له وقت ❤️ونصيحه ي بنات حاولو وقت الطلق ما تصارخون وتخلون طاقتكم لدفع لانه يطلب مجهود اكثر وربي يسهل ع كل حامل ❤️