يابنات رح احكيلكم قصة ولادتي انا الرحم كان مسكر والله لبارح قبل ساعات كنت كاتبة موضوع الحاسبة ولدتني وانا ماولدت وحكيت اديش طفشانة ههههه سبحان الله مغير الاحوال بين ساعات معدودة صرت والدة❤رح احكيلكم كيف :قررت اروح اسوي كشف داخلي عند قابلة بمشفى خاص عندنا لأني كنت مرعوبة من مستشفياتنا الحكومية لتجربتي السيئة جدا فيها من قبل 😢،استجمعت قواي 😁هههه😁 ورحت المساء ودخلت وكشفت علي وقالت الرحم مسكر خالص متل ما قالتلك دكتورتك😢 وبعدها بدت تحرض لي وتوسع باصباعها وجعتني شوي😭 بس استحملت لصالحي🙌 وسعت رحمي لحد 2 سم وبعدها عملت لي ابرة في العضلة قالت ادا جاك وجع معناتو انتي ولادة طبيعية ورح تولدي 😌وادا ماجاك فمستحيل تولدي طبيعي ورح تتحولي قيصري 😌وقالت روحي للمنزل وسوي دش ساخن ممكن يصير عندك وجع وولادة ،فرحت وتمشيت شوي ورحت للبيت حضرت عشا لزوجي واولادي🍲🍛 بس الالم مافي كنت احس بس بتحجر وضربات كالسكين كالعادة من تحت نفس الالم يلي من بداية التاسع ومافي جديد 😤فأيست وقلت ماإجا الالم وماراح اولد طبيعي من خوفي 😩وفكرت رحمي رجع تسكر 😢،المهم قمت غليت سبع حبات تمر وشربت ميتهم وبعدها تعشيت وبعدها سويت جماع خفيف بس كنت بدي زوجي يفرغ المني بالرحم وبعدها دش سخن وركزت على بطني وظهري بالماء الساخن وبعد الدش شربت سبع شربات ماء زمزم ودهنت بطني وقرأت سورة الزلزلة مرة وحدة ورحت تسطحت بعد ساعة حسيت بشي ساخن ينزل مني وضل ينزل فقمت فكب كبان فعرفتو مية الجنين رحت اومت زوجي وبعدها جيت لنفس المشفى عند نفس القابلة كنت خاااايفة واحس جسمي يرجف من داخل لبرا وبدا معي طلق وتحجر والجنين بحس بيركل بقوة وبيوجعني فحصت داخلي ولقتني اربعة اصابع وبعدها حرضت لحد ست اصابع فقلت بدي ابرة الظهر بس القابلة مارضيت وقالت مافي داعي مابقالك شي لتولدي بس انا كنت مرعوبة والالم كان يزيد وصرت ابكي ههههه قلتلها اجيت للخاص مشان بس ابرة الظهر ناديلهم يساووهالي مارح ارضى ابدا ههههه وهون بس اتصلت بالطبيب المخدر وبعدها بنص ساعة تقريبا اجا لكن قبل لا ساويها عملت لي القابلة طلق صناعي قوي بالوريد صرت حس الم حاار ويتقارب وفورا عملولي ابرة الظهر وبدا جسمي من تحت بيتخدر وبينمل وبديت اشعر بالراحة الشديدة والقابلة تقولي دفي دفي وبديت ادف واجت مساعدتها تضغط على بطني من فوق وانا ادف والله مامرت نصف ساعة بعد ابرة الظهر ولدت 😍حسيت بشي يطلع مني كإنو حجر وحسيت بكتاف الجنين كيف طلعو بس ماحسيت بألم مطلقا كأنو جسم بيفوت قدام جسم ويتلامسو بالتصاق وبيفوت كل حدا لحالو ،وبعدها خيطوني وماحسيت بالخياط ولما اتصل زوجي قلت ولدت ماصدقني ابدا ههههه صار بيقولي قولي والله انا ولدت ههههه بالزور لصدقني لأنو بولاداتي السابقة كنت بتبهدل واشوف الموت واطول لحتى اولد من كتر ما اتعدب ،المهم يابنات هادي قصة ولادتي وانصحكم واعيد بإبرة الظهر والله والله والله رحمة من عند ربي ❤❤والله يفومكم بالسلامة ويفرحكم بشوفة ضناكم يارب 😍😘😘😘