صبايا رح احكيلكن قصة ولادتي الاولى .. الحمد لله الحمل كان بخير و تمام و كنت في الاسبوع السابع و الثلاثين و بكرية . كان في لسا الي مواعيد بعد و موعد الولادة كان لسا إلو ثلاثة اسابيع . هيك استيقضت صباحا و رحت على مدينة تانية مشان كان بدي اشتري بعض حاجيات الطفل لي كنت لسا ما اشتريتم و اليوم كلو مشي مشي و مشي .في المساء رجعت للمنزل و جهزت شنطة الولادة للطفل و الي قلت عشان اكون جاهزة في كل وقت .و جلست اشاهد التلفاز بعدين لما اجاني النوم رحت للدوش اخذت دوش دافئ و رحت للنوم و في الثانية ليلا استيقضت على وجع خفيف مثل وجع الدورة . الم اسفل البطن و في الخصر . فقلت يمكن بس الم برانكستون الكاذب يعني مش معقول يكون ولادة و انا لسا ما خلصت شهري . فرحت نمت رغم الالم و بالفعل نمت لحد الرابعة استيقضت على ألم قوي ما قدرت ارتاح عليه او اغمض عيني مجددا . فقلت يمكن عن جد رح اولد . اجا زوجي قالي نروح المشفى قلت له لا . خالتي قالت حتى لو رحت رح يرجعوني للبيت . احسن ابقى هون لانو بابمشفى مرح يخففوا الالم يعني بدون فايدة . قالي امتا رح نروح قتلو لما يكون بين الالم و الالم بس خمسة دقايق . فرحت احسب الوقت لي بين كل الم و احسب الوقت لي يبقى فيه الالم ... و كل ماتمضي الدقايق الالم يزيد يشتد حتى ما قدرت ابقى مستلقية او جالسة .. فرحت جاية و رايحة جاية و رايحة و لما يجيني الالم اقف مع الحيط و اضرب و زوجي مو عارف يعمل إشي . حتى الثامنة صباحا و انا على نفس الحالة فشفت ان المي نزل مني . اتصلت على دكتورتي قلتلها المي نزل قالتلي ضروري تجي حتى لو مكان في ألم . لكن الالم كان شديد .اخذني زوجي بالسيارة و رحت لابسة بيجامة النوم و الشبشب ماقدرت اغير ملابسي . و اخذت الشنطة رغم الالم مانسيتها . و لما وصلت دخلوني بسرعة .كشفت علي الدكتورة قالت لي الرحم بس سنتيم مفتوح .ولكن لان المي نزلت لازم تبقي تحت المراقبة . و اخذوني لغرفتي غيرولي ملابسي بملابس المشفى و تسطحت ع السرير . و قاتلي الدكتورة هلا روحي تمشي في الغرفة حتى يفتح الرحم و اعملي تمارين القرفصاء كمان احضرولي كرة مطاطية لاتمرن عليها بس الالم مايخليني اعمل شي . و في العاشرة اجت لقت بس ثلاثة سنتيمترات و الالم يزداد كل فترة . حتى الثانية عشرة ضهرا لقت اربع سنتيمترات سألتني اذا حابة اعمل الابدورال قلت لها ايه رجاء .. فاخذوني الى غرفة الولادة و اجا دكتور التخدير و عمل لي الابرة .. و جهزوني . و بعد ربع ساعة رجع قالي في الم و لا نقص .قلت له و الله لسا ما هو .. زاد عمل لي جرعة ثانية .. وقالي ادا ماعمل شي ناديلي و بعد عشرين دقايق ناديتلو قتلو الالم بيزيد ليش ها الابرة ما سوت لي شي.. فقالي حاعطيك جرعة اقوى بس ورا ها الجرعة ما اقدر اعطيك لانه اعطيتك مخدر كثير خلاص .. بعدين بدأ الالم يخف فمابقيت احس برجلي كان بيهم شلل .. بس الم خفيف في اسفل الظهر كنت احس بيه لاعرف امتا لازم ادفع .. و اجاتني حكة فضيعة في جسمي كلو من ورا الابرة في هاديك اللحظة و ايضا قل بصري بقيت اشوف بس الغمامة قالي دكتور هي اثار جانبية ستختفي . و تركوني في الغرفة و خرجوا و كل نصف ساعة تجي الدكتورة تكشف ادا فتح الرحم او لا . و اجتني حرارة فضيعة من ورا الابرة كمان . ثم حتى الرابعة بعد الظهر لقوا ان الرحم ثماني سنتيمترات .فبديت ادفع و ادفع رغم ان الابرة بتفشلك بتحس ما الك قوة ابدا . ثم فتح عشرة سنتيمترات و راس البيبي بلش يظهر و انا طبعا ما كنت حاسة باشي .و بعدين جات الدكتورة الكبرى حتى تساعد المولدة و بقيت ادفع ادفع و كاني بدون قوة .الدكتورة قالت دقات قلب البنت بتخف لازم تخرج بسرعة بس انا ماعندي قوة . فاجو ممرضتين و بلشو يدفعو على بطني و قفصي الصدري بكل قوة حتى صرت اختنق ما اقدر اتنفس و كانهم بيكسروني و ابدكتورة تقولي لازم تتحملي عشان بنتك .. و في لحظة صرخت بقوة لان الممرضة اتكت على صدري بكل ما لديها من قوة و في تلك اللحظة خرجت الطفلة . و اعطوها لي مباشرة و هي هيك لسا بدمها و حبلها . بقيت في حضني شوي ثم اخذوها ليمسحوها و يغيرولها .كانت السادسة مساء و المولدة بلشت تخيط الشق .قطبين داخليين و قطب خاريجي . و اخذوني للغرفة في السرير و حطوني بالسرير الاخر بدون مخدة و على ظهري و نبهوني ما فيني ارفع راسي او انهض .قلت لهم لازم روح الحمام ما اقدر اصبر قالو مافيكي لانو الابرة لسا في ضهرك و اذا استقمت لا سمح الله تعطبك . فاحظرولي وعاء بول حطوه تحتي اعزكم الله و انا كان فسا بول كثيير بسبب المخدر و مااقدر اصبر عليه فكل ما يمتلأ انادي الممرضة تروح تفرغه و ترجعه . و ضليت طول الليل هيك .حسيت في هديك اللحظة بالناس لي ما يقدروا يمشو و لي ما يقدرو ينهضوا من السرير و لي ماعندهم مساعدة الام صعب كثير . و لساتني والدة و بدي ارتاح و ما اقدر اتحرك لا على اليسار و لا اليمين زائد وعاء بارد من تحتي اقضي فيه حاجتي و ما اقدر اشيله بايدي لازم ممرضة . ما خلصت بول حتى صارت الرابعة صباحا . غيرولي بامبرس نفايس ثم لاستطعت النوم قليلا . في الصباح اجا الدكتور نزع لي الابرة و اكتشفت ان لي صداع ما اقدر اوصفه لما اكون نايمة بدون مخدة اكون بخير و لما ارفع راسي شوية حفظكم الله احس براسي ينفجر و رقبتي و كتفي مكسورين . بقيت اسبوع هيك و نقصت عشر كيلو صار فيا واحد و اربعين كيلو بسبب ما كنت اقدر أكل فلما تحظر الممرضة الاكل ما اقدر اجلس و اكل . ببقى استنى زوجي حتى يجي و يطعمني هو و انا متسطحة لحتى يكون الاكل برد و بدون طعم . و في الغربة مافيش اهل او اصدقاء او جيران اعرفهم بس انا و زوجي لي ما قصر بواجبه ابدا ربي يحفظه . و علاج الصداع كان هو شرب الماء بكثرة خمسة لتر في اليوم . كنت بس اشرب اشرب حتى انتفخ . و الحمد لله في اسبوع شفيت و الا كنت حادخل للعملية .. و للقصة بقية . اسفة طولت عليكم كثييير لا تواخذوني بس اردت اشارككم قصتي .