هلا كروشات حبايبي لباكم على بالي انتم دايماً عسى ربي يسهل عليكم يارب و تولدون بسهاله يارب ....... ندخل في موضوع الولاده يا طويلات العمر يوم الخميس في ليل بالضبط بدت معي اللام الطلوق و استمرت معي لين ليلة السبت و كل مالها تشتد علي و بس امشي و استفرغ و انتم بكرامه لما خلاص ما عاد فيني طاقة قومت امي الله يحفظها و يالله ع المستشفى طبعاً ما اقولكم استفرغت بالسياره 🙄😦 و في غرفة الكشف بالمستشفى المهم مع قوة ذي الالم ما نزل معي لا دم ولا مويه و سووا لي تحريض 🤐 قالوا نبض الجنين ضعيف لازم قيصريه قلت بس جاء الفرج بعد اللي شفته 😢 ووقعت ع العمليه و دخلنا غرفة العمليات و كنت خايفه موت و البرد ذبحني ارتجف بشكل مو طبيعي و جو دكاترة التخدير طبعاً نصفي و جلسوني في اللحظه ذي انفكت المويه معي 🚶🏻‍♀️ و بدوا يدخلون الابره و بعد محاولات الحمدلله تم التخدير و حسيت اني شفت العافيه 😫 و بدوا العمليه و سمعت صوت بنوتي الجميله و نسيت الدنيا و طلعوني للتنويم كم يوم علشان جرح العمليه و امس الظهر طلعت و لله الحمد و انا و بنوتي تمام التمام من فضل الله ... بالنسبه للبنات اللي في جده و بيولدون بالحرس لا تترددون ابد ترى شغلهم و تعاملهم جداً جميل بس عيبهم مايخلون احد يرافق معك ابداً و متشددين كثير وبس والله ولدت في الاسبوع ٣٧ 🚶🏻‍♀️