بكتب لكم قصة ولادتي اخر دورة لي كانت 7/14 الحمدلله والشكر لله ولدت وجبت ولد زي القمر ربي يحفظه ويحميه ويرزق كل محروم ويسهل لكل حامل ويهون عليها سبحان الله بعد دخلت التاسع ب4ايام بس المفروض ولدتي تكون 4/20 بس ولدت تاريخ 3/22 وانا كنت نايمه على وقت صلاة الفجر صحيت والا تنزل علي ماي بس كان شوي رحت الحمام توضيت وصليت قعد شوي بعدها قلت برجع انام شوي بس احط راسي ولا تنزل كمان ماي هنا انا خفت لاني بكريه وماكان في وجع ولا اي شي بس ماي تنزل قمت غسلت ولبست فوطه وقعد قلت يمكن يخف صحيت زوجي بعد تجهز لدوامه قلت له في ماي تنزل قال يمكن عادي لانك داخله التاسع توك بس يقولي مدام مافي الالم شي طبيعي انا هنا سكت بس قلبي يقول شي مو طبيعي اتصلت على ام زوجي بحكم امي ماهي موجوده وسالتها اذا شئ طبيعي اولا طبعا هنا خوفتني قالت لازم تروحي المستشفى طبعا عالطول رحت قلت حق الدكتورة اللي صار قالت يمكن ولادة هنا انا خفت لاني لسى ماجهزت كل اغراضي حتى جيت المستشفى مو ماخذه معي شي على اساس برجع البيت المهم الدكتورة قالت بتسوي لي تحليل مثل المسحه المهبليه بتشوف اذا هذي مويه الراس او شئ طبيعي المهم سويت التحليل قالت هذي مويه الراس وقاست الرحم مسكر قالت ماينفع تطلعي لازم تنويم وقالت يمكن تولدي اليوم او بكرة بالكثير انا كنت مستغربه اقولها دكتورة انا اصلا ماتمشيت ولا شربت شي ولا سويت ولا شي كيف بولد بدايه التاسع قالت شئ طبيعي المهم دخلت غرفه الانتظار حق الولادة وحطولي التخطيط طبعا مافي طلق ابدا ولا احس بشئ قعد اول يوم والرحم مسكر قالت بنعطيك طلق صناعي قلت اوكي عشان اولد عطتني تحميله طلق صناعي رغم كنت خايفه كثر ماسمع انها تفتح الرحم وتالم بس الحمدلله ماحسيت بشئ رجعت قاست الدكتورة لسى كمان الرحم مسكر بعد 12ساعه عطتني تحميله ثانيه طلق صناعي كمان نفس الشئ مافاد شكلي من الخوف صرت مااحس الين ثاني يوم بعدها للمرة الثالثه قالت بعطيك تحميله اذا مافادت بولدك قيصري لانه المويه قاعده تنزل وهذا خطر على الجنين لانه بينقص الاكسجين عطتني ابره الرئه وبعدها عطتني الطلق الصناعي للمره الثالثه تحميله وابره في الوريد عشان يقوى الطلق طبعا انا لسى صامله مافي الالم وفي تخطيط مافي ولا شويه الالم المهم بعدها قررت لي الدكتورة ولادة قيصريه بعد ماقعد ثلاث ايام في المستشفى وافقت على العمليه رغم سبحان الله ماتوقعت ابدا اولد قيصري ولا جا على باللي توكلت على الله ودخلت العمليه على يوم الاربعاء 22مارس الساعه 9ونص الصبح اخذت العمليه تقريبا ساعه ونص بس وماحسيت بنفسي الا الساعه 2 بعد طلعت من العمليه كنت احس بكل شئ الالم مو طبيعي بس الحمدلله خذيت مسكنات بعد 6ساعات هداء الالم ونمت والعصر جابولي حبيبي شفته وحبيته ورجعو الحضانه لاني كنت تعبانه سبحان الله تجرب حلوة وكل شئ مكتوب والحمدلله ربي اختار لي حمد ربي ماولد طبيعي اللي شفته بغرفه الانتظار حسيته صعب كثير من كشف وتحريص رغم الرحم مافتح ولا شئ وكل هالايام اللي قاعدتها في غرفه الانتظار 6حريم جو ولدو واسمع صراخهم وبكاهم قلبي يعورني عليهم وادعي لهم وابكي معاهم صرت اقول ربي اختار لي والحمدلله ولدت قيصري والحين طلعت من المستشفى وقلت اكتب لكم قصة ولادتي اسال الله ان يهون عليكم حملكم ويسهل لكم تقوم بالسلامه انتو واطفالكم بخير