مساءكم ورد الف مبروك للي ولدو والله يهون على اللي باقي طبعا يوم الاربعا كان عندي موعد سوت لي الدكتوره تحريض ١ ونص رجعت البيت على المغرب اموري تمام الم خفيف يروح ويجي نفس حالتي من دخلت التاسع طلق بارد وقالت لي الدكتوره كلي اناناس وسوي قرفصاء رتبت بيتي وجهزت اغراضي لانها كاتبه لي دخول الساعه ١٢ المهم خلصت اموري والالم خفيف محتمل نمت الساعه ١١ وصحيت على ١ سويت لي حليب زعفران مع قرفه وقرنفل وفلفل اسود وحليته بعسل بعده بنص ساعه حطيت ملعقة عسل اصلي في ما زمزم وشربت على ٢ ونص بدا الالم يزيد بس يعتبر محتمل صحيت زوجي وطلعت على المستشفى الساعه ٤ الفجر دخلت غرفة التنويم وجت الممرضه حطت جهاز التخطيط لمدة ساعه بعدها جت الدكتوره المناوبه فحصتني لقته ٤ سانتي عطوني حقنه شرجيه وعلى الساعه ٩ على بال ماجت دكتورتي اللي بتولدني ومتابعه حالتي قالت خلاص غرفة الولاده وانا نفس الالم محتمل والطلق كل ثلث ساعه سميت بالله وتوكلت علي الله وقريت الاذكار ودخلت غرفة التحظير فتحو موية الراس وبعدها صار الالم مو طبيعي قوي مره وكل عشر دقايق وقتها وطبعا يابنات اهم شي وقت الطلق خذو نفس من الانف وطلعوه بنفخ من الفم والله يابنات وقتها ماراح تحسون بقوة الالم وبعدها جتني حراره مدري وش سببها عطوني مغذي وخافض بالوريد ومسكن خلاني مااحس بشي نص صاحيه ونص مغيبه وجسمي كله منمل بعدها بساعه صرت احس بدفع وانا اقول بنفسي توني الطلق ماصار متقارب للحين كل عشر دقايق الا والله الدفع صدق 😣😣 جلست اصيح نادو دكتورتي وهم مو مصدقين يقولون لسى جو فحصوني ٧ سانتي وعلى طول غرفة الولاده جت دكتورتي الا ١٠ سانتي وجلست ادفع طولت بالدفع لاني الطلق كان متباعد وقصير مايمدي ادفع الا رايحه والحمدلله ربي سهلها وولدت وجبتي ولدي وسوت لي الدكتوره خياط تجميلي كامل داخلي وخارجي والحمدلله ربي سهلها مع اني كنت متخوفه من ولادتي ذي لكن الحمدلله عشان كذا وكلو امركم لرب العالمين وكثرو دعا واستغفار وقت الطلق وتنفسو بالطريقه اللي قلت لكم وعسى الله يهون عليكم❤️