تاريخ اول يوم من آخر دورة كانت 8/12 بليز صبايا اقروا قصة ولادتي بابني .. أن شاء الله تستفادو لانو كانت الحمدلله سهالات..... أنا مفتوح الرحم عندي ثلاثة سانتي من قبل ... بتاريخ 15/9/2018 رحت أمشي بالليل شوي ١٠ دقائق تقريبا بعدها رجعت ع البيت تحممت ونمت ساعه ونصف وصحيت قررت اتحمم بمي حار واركز مي الدش على بطني يضرب فجاءة بطني عم شوفها قدامي تنزل لتحت سبحان الله هون أنا كنت في حالة ذهول ! تحممت بالمي السخنه ربع ساعة وبعدها لبست تياب نوم ونمت عطول على ساعه أربعة ونصف فجر صحيت على وجع ببطني من تحت وكنت احس انو بدي( اتبرز) .....الله يكرمكم وكان الوجع بس ببطني كان خفيف متحمله بعد نصف ساعه صار يشد كتير وانا كنت مو فاهمه انو هاد وجع ولادة أو لا لانو يلي بعرفو جربت من قبل ولادتي ببنتي كان عندي وجع ببطني مربوط بظهري.....وصار خلص الوجع بقوه وما بيوقف كلو ورا بعض اااااخ وعم حس انو بدي روح الحمام ورحت اتحمم وطلعت البس وحكيت لزوجي يلا بسرعه المشفى وساعه ٦ونصف وانا بسياره نزلت مي الرحم وصار الوجع يدبحني وعم صرخ لانو بحس في شي بدو ينزل من تحت 😥💔 وااااااااااخ لحتى وصلنا المشفى وفتت وحكولي يلا خلص ادفشي لانو رأس الجنين طالعه وانا ما بعرف ازفر هههههههههههه ضليت نصف ساعه ازفر والحمدلله طلع ابني حبيبي وانبسطت بس بدي قلكن انو كانت القابله بتهددني بالمقص لحتى توسعلي شوي بس انا كنت صرخ عليها لا ...بس مع طلوع راس شقني البيبي وعملولي خياطة اربع من جوا واربع من برا .....يعني هيك بس ٣ ساعات وولدت 🤩 الحمدلله يارب اهم شي ادعي لربك يسهلك