بكرية من حوامل مارس ولدت في أول يوم من الاسبوع الأربعين الرحم كان فاتح عندي 2 سنتمتر من الاسبوع 36 يوم قبل ولادتي رحت زيارة لعند عمتي تمشيت و بعدين طلعت مع عمتي المتجر و تمشينا و رجعت لبيت عمتي تعشيت بعدين جا زوجي اخذني للبيت و نفسي كانت لعيانة كنت اعتقد بسبب الأكل اني اكلت شي مو منيح و ما نمت بليل و تقييت زوجي فاق شافني تقيأت و انا ما نمت الا شي ساعة هيك و كل شوي اقوم للمرحاض اتبول و على ساعة 2و30 منت و فقت على ألم ساعة 4و30 كنت اعتقد اني تركت بطني مليانة بول عشان هيك عبتألم و رحت للمرحاض كان فيني بس شويت بول و الالم ما راح كان مؤلم كثييير اول مرة احس بهذاك الألم و حاولت اني اتغوط كنت اعتقد انو بس مغص ما طلع مني شي و راحت الطلقة و رجعت للسرير رجعت طلقة ثانية و صرت ابكي و زوجي قام قال يلا نروح للمستشفى لتكوني اكلتي شي مو منيح قلت لا رح يروح الألم بعد شوي إذا ما راح نروح و رجعت لي طلقة ثانية صرت اتألم و ما تركني قالي يلا نروح و جينا للمستشفى على أساس اني تسممت أو هيك شي 😂 بس لما فحصتني الدكتورة قالت البيبي جاي رح يروح المك بعد ساعات قليلة لما فحصتني كانت ساعة 5 صبح و اعطتني ثياب المستشفى لبست و أخذت ني عملتلي جهاز اللي بيحسب الطلق و دقات الجنين فاتت شي نصف ساعة و أخذت ني على غرفة الولادة و الطلق كان غير محتمل كل 3 دقائق أو أقل و جات دكتورة البنج عملتلي ابرة الظهر بعد شوي ما صرت احس بألم كثيير كنت بحس في طلقة بس مش مؤلمة في طلقات حسيت بألم خفيييف جدا و كنت بحس بشي يدفع من فتحة الشرج و الغازات كانت تطلعلي لحالها جابو زوجي معي و صار يطلع مني دم و كل ساعة تفحصني الدكتورة عنق الرحم ظغط دمي انخفض و لما صرت 10 أصابع كانت ساعة 11 و شي دقائق و دقات البيبي ما كانت منيحة جان الدكتورة فقعتلي ماء الجنين و قالت ما معانا وقت عشان ننتظر الجنين ينزل للحوض و عملتلي أنبوب في مسلك البول افرغت البول اللي كان فيني كان كثيييير و كنت ميتة من الجوع و كل طلقة صارت تقول خدي نفس و ادفعي لما كنت ادفع ما كان الجنين بطلع و نادو للدكتورة و عملتلي معالق حديدية في المنطقة و و سعتها و صارت تقول ادفعي و زوجي كان يشجعني ويقول ادفعي ما باقيلك كثير كان مساندني الحمدلله و ممرضة بتضغط عبطني بكل قواها عشان تساعدني و الجهاز بيرن عشان الدقات كانت ضعيفة و كنت خايفة كثير على البيبي كنت خايفة لاني ما فيني ادفع أكثر من هيك و بعد الدفع طلع راسو و لما طلع قالت باقيلك بس دفعة عشان الكتاف و دعت و طلع البيبي الحمدلله حطتو فوق صدري صرت ابكي من الفرح لاني نجحت في المهمة و البيبي طلع بخير و صارت تطلع الاشياء الباقية في بطني و خيطتني كثير كنت بحس بالخيط يفوت بلحمي بس ما كنت بحس بألم لاني كنت مخدرة و الحمدلله بنات ابرة الظهر رحمة إذا فيكم تعملوها ما تتردو تركوني ساعتين بغرفة الولادة تحت المراقبة بعدين جابوني للغرفة و قالو بدك تروحي للمرحاض قلت نعم و ساعدوني قمت للمرحاض و لما حاول اتبول ما يطلع شي و دخت ناديت زوجي قال لهم انو راسي دايخ و أجو مسكوني من ايدي عشان يحطوني بسريري بس فقدت الوعي لما صحيت لقيت حالي بالأرض و هم بيفيقوني و يقيسو الضغط و كنت دايخة و زوجي ابتسملي و انا ابتسمت و انا كأني بهلوس و الممرضات صارو يضحكو و انا اضحك لأنهم ضحكو عليي و عملولي رجلي فوق كرسي و لما قلتلهم خلص انا احسن اخذوني لمكاني و جابولي اكل اكلت و صرح منيحة الحمدلله