السلام عليكم بقول لكم قصة الولادة للفائدة واسألكم الدعاء لي بالشفاء
اول شي انا معاي تقلصات والم مثل الدورة من اخر اسبوع بالسابع ولما خلصت اول اسبوع من التاسع اللي هو ٣٦ جةصار يجيني طلق ولكن غير منتظم ٣ ايام وتجاهلت لين حسيته انتظم بس كل نص ساعه رحت الطوارئ قاسو ٢ ونص الرحم وخلوني عندهم ساعتين وطلعوني قالوا لو انتظم تعالي المهم رحت البيت ومعاي الالم حاولت انام وارتاح نمت ساعتين وقعدت من اللالم وعزكم الله رحت الحمام ونزلت مني السداده وقلت خلاص الحمدلله بولد اليوم بحكم حملي الاول نزلت مني الصبح وولدت بالليل لكن ماولدتوظليت يومين تنزل مني افراز شفتف مثل الرطوبه وكان عندي موعد حوامل الاربعاء وقلت للدكتور كل شي شاف الماي قال لي اوكي والوزن اوكي بس فحصوا عنق الرحم ٢ ونص وقالت الدكتوره ان فيه ماي ينزل منج وحولوني للولاده وهني بدت المعاناه
العضوة: 181507 , 6 years ago
حطوني ع التخطيط وكل ساعتين يقيسون الرحم ومافيه توسع وطلق بارد من الساعه١٠ ونص الصبح وانا اعاني لساعه ٨ ونص بالليل بدا الطلق ينتظم ويشتد وقالوا لو كملت ٢٤ ساعه مافتح اكثر بيحطوني لي طلق صناعي وقاست والحمدلله صار ٤ سانتي وكل ساعه يفتح سانتي تقريباً م احكي لكم عن التعب ومافي نوم ورمبوا لي قسطرة البول عزكم الله مره تألم وتعبت واشتدد الالم بس الرحم مايفتح الا شوي شوي وعطوني ابرة مخدر وتعبت انا وبنتي وحطوا لي اوكسجين وظليت ع هالحال لساعه٦ ونص حسيت بالدفع وبديت ادفع واصارخ من شدة الالم وانقز من السرير ويثبتوني ويكلموني وانا قمت اهلوس اقول مابي شي مااسمعكم طلعوا مابي الحمدلله يمكن٣ او ٤ عصرات وطلعت بنتي بالسلامه وطبعاً عطوني ابرة الرئة قبل الولاده ب ٥ ساعات لان عمرها كان ٣٦ اسبوع و٦ ايام ف عطوني احتياط والحمدلله جت سليمه وطبعاً اشفطوها لاني ماكنت ادفع بالقوه المطلوبه بسبب التعب وقصوني وقالوا الجرح بسيط ٦ غرزات مع اني كنت حابه اولد بدون قص وخياط بس الحمدلله ع تمام النعمهالعضوة: 286646 , 6 years ago
الحمدلله عسلامتكم ومبارك مااجاكيالعضوة: 307949 , 6 years ago
الف مبروك وحمد للة على سلامتك حبيبتىالعضوة: 213197 , 6 years ago
الف مبروووك والحمد لله على السلامة والله يجعلها من مواليد السعادة والذرية الصالحة يارب ... ما ادري ليش احس البنات جي الطلق مالهم بارد 😷🤕العضوة: 181507 , 6 years ago
انا اخر دورة كانت ٢٩/٣ ميلادي ومن اول حملي وانا حابه اولد اول التاسع وحركتي كثيره ودرج اصعد وانزل كثير من اول شهر الحمدلله ومن الثامن بديت اطبق كل الاشياء اللي تسهل الولاده اخذتها من كلام الدكتوره رولا قطامي الاكل كان اناناس كيوي مانجا والشرب يانسون وشمر واشياء دافيه ولما عرفت ان الرحم فاتح صرت اشرب الدارسين مرتين بس شربته المهم مافيه شي حسيته فاد بفتح الرحم بعد رحمة الله غير ( البخور بالحرمل ) فوحة عمتي بالدله وجابه زوجي لي وتبخرت فيه مرتين بدون لايدرون وبعدها قاست لي لقته٤ سانتي غلطتي اني ظليت بالولاده المفروض طلعت البيت ع مسؤوليتي كان اقل شي نمت وارتحت وظليت لين يشتدد الالم واجيهم وان شاء الله م تتكرر هالغلطه نصيحتي لكم(لاتستعجلون بالروحه لين ينتظم عليكم الطلق او ينزل ماي الراس بشكل واضح ) الله يسهل لكل الحوامل يارب ويرزق المحرومين دعواتكم لي بالشفاء ♥️العضوة: 315121 , 6 years ago
الحمدلله ع سلامتك تتربئ في عزكم .. كل الالم بيروح بشوفت بنتك جنبكالعضوة: 181507 , 6 years ago
بنتي البكر كان حار ومن ١٢ بالليل بدا وولدت ٢ و٥٠ وكانت ولادة سهله وحلوه الحمدلله بس بنتي الثانيه مررره تعبت الرحم ماكان يفتح للأسف والحمدلله م احتجت عمليهالعضوة: 308471 , 6 years ago
الحمد لله عسلامتك وسلامة الصغيرةالعضوة: 299937 , 6 years ago
الحمدالله على السلامهالعضوة: 215635 , 6 years ago
@user-181507 حبيبتي كيف تتبخري بالحرملالعضوة: 181507 , 6 years ago
حملي الاول جبت الحرمل وحطيته ع الفحم ووقفت فوقه حملي هذا كنت بالمسشفئ ف عمتي حطت الحرمل بدلة وحطت فوقه ماي مغلي وجابوه لي ووقفت فوق وخليت البخار يدخل المهم لما تتبخري فيه رحمك فاتح ومعاك طلوق والله يسهل لك ولادتك ❤️