قبل ما اولد بيوم 23/12 والدتي ومرات خالي مشوني كتير اوي جه بلليل الوجع زاد عليا وكنت بحس بنبض شديد في ضهري من تحت وكل شوية افوت علي الحمام عرفت ان ممكن تكون اغراض ولادة بس اللي مطمني ان مافيش موية نازلة بس علي الساعه 4 الفجر جالي وجع غير محتمل والمية نزلت غيرت هدومي 3 مرات والموية فضلت نزلة لحد ما كنت في العمليات الطبيبة فحصتني لقت الموية حوالين بنتي قلت وبتقولي الرحم بتاعك صغير والحوض قافل ومش هينفع نستني اكتر من كدة لازم قيصري المهم انا كنت خيفة اوي بس جمدت قلبي وفضلت اقرا قران وادعي لية ولغيري بنجوني بنج موضعي بصراحه محستش بالحقنه خالص ومحتش بحاجه غير اصوات جمبي وصوت بنتي وهي بتعيط عمال اكلم مع الدكتور هاتو بنتي مش قادرة اطلع صوت كأني بكلم نفسي واما بدات افوق من البنج الدكتور بدا يكلمني وانا ارد علية مافقتش من البنج الا علي صوت نورين حبيبت قلبي نورت الدنيا بمجيها الدكتور بيقول ل والدتي جابتلكم بنوتة شبة الصينين 😍 24/12 الساعه 7:30 صباحا