انا ولدت قبل فجر الجمعه الساعه 1 صباحا ......... لما كنت 18يوم لي بالتاسع كان لي مراجعه للدكتورة مشان اطمن عالمشيمه لانه كان فيها شوية تكلس من بداية التاسع فحصتني وخبرتني انه المشيمه ماشي حالها بس المي ناقص كتير والافضل اني اولد بطلق صناعي الصراحة خفت وقلت اتأكد من كلامها .تاني يوم الاربعاء رحت على مستشفى حكومي وخبرتهم انه يشوفو حالتي وضرورة ولادتي اذا صح او غلط دخلت فحصتني الدكتورة وأكدتلي انه المي ناقصة بس بقدر اصبر لاخر الشهر ليجي طلق طبيعي .فاقترحت انها تعملي تحريض بيدها ووافقت .بعدها صار ينزل مني افرازات دم كل كم ساعه والتوسع 2 روحت ونمت .تاني يوم الخميس ع6 الصبح بلش الوجع بس ما اخدت بالموضوع .لانه المغص كان خفيف كتير والوقت بعيد عن بعضة يعني تقريبا كل ساعه نص ساعه تلت ساعه تيجيني مغصة بس كتير خفيفة وضليت هيل لل7 المسا .طلعت مشيت وروحت عالبيت والوجع هو هو مازاد بالليل صار الالم اقوى درجه بس محتمل والوقت نفس الشي ما تغير عالساعة 12 بالليل قمت لاروح عالحمام ما وقفت انكبت مية الراس وانا بغرفتي صحيت زوجي .وخبرته ورحنا دغري المستشفى .والطلق هوهو بارد والوقت بين الطلقة والتانيه بعيد وصلت فحصوني لقوني متوسعه 9 ودغري بلشت ادفع بس الراس كان عالي ومش نازل بقناة الولادة منيح والطلق بارد صرت ادفع بدون طلق ولانه مان نبضها يروح .والتوسع موجود بس الراس مش راضي ينزل .سبحان الله لما البيبي يساعد بالضغط والدفع بتكون اسهل من انك تدفعي لحالك بدون وجع وادفع وادفع نص ساعة كامله😢😢😢 شفت الويل ..تمنيت الموت واني اخلص من الوجع اللي دقته ضغطولي على بطني ونزلت بنتي زرقا زرقا .بس الحمد لله صارت منيحة الحمد لله وعقبالكم جميعا