سلام انا ام لولد عمره سنتين صار لي ٦ ايام والده وجبت احلا بنوتة بعد ماطوفت موعدي المقرر بأسبوع نزل عندي شوي من ماي الجنين وقلت اروح اطمن ولما رحت قررو لي طلق صناعي وانا قبل اصلا كان عندي طلق بارد وكشفت كان فاتح ١ سم وسوتلي تحريض وعطتني الطلق تحميلة الساعه ٧ الصبح وعلطول بدأ عندي الألم وتركوني ساعه وكشفت كان ٥ سم ونقلوني غرفة الولادة والام كان بالظهر والخاصرة يحتمل وبعدها يزيد الألم أقوى وأقوى وانا استغفر واحوقل بعدها طلع في التخطيط البيبي بيتعب من الماي وقالت بفتح لك كيس الجنين وفتحته وبدأ الألم لا يحتمل طلبت مسكن راحو وتركوني وبعدها حسيت بدفع وكأني وانتم بكرامة ابي الحمام وقمت اضغط الزر ماكان في احد يستجيب ورميت الأجهزة وجت الممرضة شافت التخطيط ونادت عليهم وبدأت الدفع لاأرادي بعد تقريبا ٦ دفعات طلعت احلا بنوته الساعه ١٠ وخبرتني الدكتورة ما احتجت لخياط ولا فيه توسع الحمد لله وهذا كله بفضل الله ثم التمارين والمشي وزيت الزيتون وكانت الولاده سهله بس مو أسهل من ولادة البكر لأنه الطلق تعب ظهري بعد الولاده والله يسهل على الحوامل ويرزق كل من تمنى 😍💞