قصه ولادتي 🤭 بدأ عندي الطلق من العصر بس ابدا ابدا مش منتظم كان كل ساعه بعدها كل ٤٠ بعدها يرجع ساعه وعليها وهكذا بس ع المغرب زاد الوجع .. قلت اروح اشوف احتياط 😩 ممكن طلق حقيقي بس انا مش فاهمه عليه واروح فيه طلق بس مش عالي والرحم بس ١ ونص سم 😩 رجعت لشقتي والوجع صار يزيد لحتى الساعه ١٢:٣٠ صار يجي كل عشر دقايق بعدها كل ربع ساعه بعدها كل عشر دقايق ، وانتظم لي كذا 🌝< عكس الناس وقال لي زوجي اتصلي عالمستشفى وكلمي دكتوره الولاده احتياط ، اثنينا اول مره ومانفهم 😂😂 واتصل وتقول لا دا طلق منتظم تعالي 🥺🥺🥺 واروح عالساعه ١:١٥ طلع فاتح ٣ وفيه طلق منتظم وقالت خلاص تنويم ماتطلعي ودخلوني غرفه الولاده من ١:٣٠ وحطوا لي جهاز الطلق وكل شي وقالت لي للساعه ٦ ننتظر اذا الرحم وصل ٦ بفتح لك كيس المويه اذا مافتح ل ٦ بننتظر دكتورتك الساعه ٨ تجي وممكن نعطيك طلق صناعي من ١:٣٠ ل ٦ جت فحصت بس وصل ٤ 😩😩 والطلق عندي عالي قالت تحملي واصبري 🥺 وللساعه ٨ وصلت ٦ اخيرا بس قبل لا تجي تفحص انا ناديتهم بدأ ينزل المويه وكنت خايفه ينضر البيبي بس قالو لا مايجيه شي دام الرحم جالس يفتح ومن الساعه ٨ ل ١١ لحتى وصل ٨ سم 😩😩 وكنت من الوجع اترجاهم عطوني طلق صناعي بس تجي دكتورتي تصبرني انتي قويه ولا تخافي وتوكلي ع الله وان شاء الله قربتي ، وكنت كل ما زاد الطلق اشيل الحزام وارميه وتجي الممرضه ترجع تركبه 😭😂😂😂 لحححتى الساعه ٢:٢٠ جت فحصت الا وصل ١٠ وبخمس دقايق لقيتني بوضعيه الولاده وبدينا بالدفع بس كانت طاقتي منتهيه نوعا ما 😩 وصاروا ٢ يضغطوا ع بطني لما ادفع لحتى ٣:٠١ بعد ١٤ ساعه فالمستشفى ولدددت بالسلامه وبس طلع حسيت الزمن توقف الوجع راح وكل شي وقف عيوني بس عليه واسالهم هو بخير ! فيه شي ؟ والحمدلله عدت على خير رغم التعب الا انه ورا هالتعب شي جمييييل والحمدلله 😩♥️