السلام عليكم بنات اعذروني اتاخرت بالكتابة بس لان الخطار كثير وما اكو وقت فراغ حته اكتب القصة مال ولادتي
اني بالبداية تاريخ اخر دورة الي 16/5وجبت يوم 17/1/2017 يعني نهاية الشهر الثامن يوم 21/1 ادخل بالتاسع بس الله كتب لي اولد بالثامن
هههه مستعجل ابني
كنت ببيت اهلي ودخلت الحمام امي الله يهديهه سوتلي الحمام نااار خلت بي صوبة وهيتر وحمامنه مو كبير فسبحت بي ساعه ضليت واحس جسمي كلة ارتخا طلعت من الحمام ورجعت لبيتي ماعندي اي اعراض ولادة او وجع ابدد
الساعه 2 بالليل كعدت واحس شي نزل مني اني عبالي (بلت على نفسي اكرمكم الله ) بس شميته مابي ريحه
ونزلت للتواليت دا اغسل وشفت افرازات بيضه وبيهه خط خفيييففف ممبين احمر ع جوزي كلت هاي يجوز افرازات عادي
صعدت لغرفتي وبدات الطلوكه والوجع
العضوة: 16925 , 9 years ago
مبروك ما جاك الحمدلله على سلامتك كملي القصة ....العضوة: 24972 , 9 years ago
الحمد لله ع سلامتك والبيبي كيف صحتواالعضوة: 38358 , 9 years ago
بارك الله لكى فى المولود حبيبتى وحمدا لله على سلامتك اين تكملة القصه حبيبتى هستناكى تكمليهاالعضوة: 15523 , 9 years ago
بدات الطلوكه بمغص مثل الدورة بس يجي دقيقه ويروح واني ضليت الوب شربت مي زمزم واقرا ايات والكرسي والانشقاق والمعوذات بعدين رديت ع راسي( زوعت ) وضليت ابجي بس ماكعدت زوجي كلت خاف تطلع مغص فبعد الطلكه الاولى زوجي حس علية ابجي وكعد يفرك بضهري وكال خل نروح للمستشفى لو نطيج علاج مغص ورة ربع ساعه ماتحملت وكتلة خل نروح للمستشفه وصلنه للمستشفه ودخلت لغرفه الولادة وفحصتني السستر وكالت عندج ولادة اني استغربت كتلهة اني عبالي بردانه ومغصالعضوة: 15523 , 9 years ago
سوتلي كانولة وانطتني بيهه ابرة مال تسريع ولادة يمكن لان من انطتنياها زادت طلوكتي والوجع زاد كل هذا واني ما وكفت اقرا ايات واستغفر ربي فحصتني مرة ثانية وكالت الراس نازل بس نفس الوجع مازاد بعدين كالتلي يلة ادفعي اولى ... وثانية .... و وكفت الطلوكه وانطتني ابرة ثانية وزادت احس راس ابني بالحوض وتجيني الوجع وادفع حيل وجان يطلع السنفور ابني بعدهه كامت تنضف الرحم وطلعت المشيمه (الجارة ) وبدات تخيطني اعطتني ابرة مخدر بالبداية محسيت بس بعدين كامت توجعني وكالت لان عندي التهابات الخياط ينفتحالعضوة: 15523 , 9 years ago
وطلع ابني ودوة للخدج لان مطابة بشهري ورجعت اني لبيت اهلي والعصر جابة ابني امير الله يحفضة انشاء الله لكل الحوامل ويسهل ولادتهم مثل ولادتي سهلةالعضوة: 15523 , 9 years ago
@user-38358 الله يبارك بيك حبيبتيالعضوة: 11345 , 9 years ago
الحمد لله على سلامتك حبيبتي انشاء الله يتربى في عزكمالعضوة: 15523 , 9 years ago
@user-16925 الله يسلمج حبيبتي بشري ما ولدتي !العضوة: 15523 , 9 years ago
@user-11345 الله يسلمج ويبارك بيج عمريالعضوة: 15523 , 9 years ago
@user-24972 الله يسلمج عمري الحمدلله بخير بس بالبداية جان ميرضع من صدري وهسة الحمدلله من صدري يرضع وحليب صناعي سيميلاكالعضوة: 15523 , 9 years ago
@user-24972 بس بي ابو صفار 7 نسبتهالعضوة: 43604 , 9 years ago
مبروك والحمد لله على سلامتكالعضوة: 10100 , 9 years ago
الف الف الف مبرووووك عقبالنا ان شاء اللهالعضوة: 33607 , 9 years ago
@user-15523 مبروك..بدي إسألك انتي بكريه؟!