مثل ماقلت لكم بقولكم قصة ولادتي وانا من حوامل مايو اخر دوره 5/1 اول شي بنات كنت مراجعتي العاديه اللي بالاسبوع 38 سألني الدكتور قال شلون حركة البيبي قلت له انها خفت حبتين عن اشهري اللي قبل طبعآ هو قال ازاي ولازم تسوين تخطيط وخرعني مع اني اشوف عادي ومافي فرق كبير بس لان اخر شهر وتعرفون حجم الجنين وكبره يخلي الحركه اقل حبه ،،، رحت سويت تخطيط وشافه قال الحركه مش كويسه ونبض الجنين مش مزبوط ولازم دخول ولاده مع طلق صناعي هنيرانا خفت وتعبت شوي وقعدت ابكي المهم رحت البيت اخذت اغراضي ورديت للمستشفى ودخلت غرفة الولاده وحطوا لي تخطيط مره ثانيه شافه الدكتور وتميت تقريبا اربع خمس ساعات تخطيط مع فحص داخلي مفتوح 1 سانتي وشافت الدكتوره التخطيط قالت الحركه كويسه مافيه اي شي ويجي بعدها بجم ساعه الاستشاري قال الحركه كويسه بس عاوزين نولدك تنطري ايه؟ قلت اذا مافيه مشكله ليش تستعجلون علي قال لا افضل ميه الجنين نقصه شويه حبه ... المهم قلت شنو تسون قال ننزلك الجناح وبكره 6 الصبح نعطيج طلق صناعي واذا مافاد نريحك يوم ونعطيك اللي بعده طلق صناعي واذا مافاد نحولك قيصري .. انا فرحت انه يبي ينزلني الجناح عشان اطلع بس من سجن غرفه الولاده وطبعا نزلت الجناح وعلي طول وقعت علي مسؤوليتي وانحشت يابنات كان يوم رعب لي ومناحه وبكي المهم ارتحت اني طلعت دام الحركه مافيها شي ليش استعجل علي نفسي .... بعدها ياطويلات العمر اخذت يمكن اربع ايام دخلت الاسبوع 39 وفي خلال الاربع ايام صرت امشي كثير وفي يوم اللي سبق الولاده رحت مشيت مسافات طويله هدت حيلي وكنت افرق بين رجولي وكبر الخطوه عشان يتحرك منطقه الحوض رديت لبييت وانا تعبانه ومجهده وبالليل الساعه 1 اشتغل معاي الالم اول مره قلت يمكن من الاجهاد اليوم وشوي شوي زااااااد ماقدر انام مثل البرق بالبطن والظهر وظليت على هالحاله لساعه 6 الصبح والم متعب وغريب ويشتغل كل دقيقه او دقيقتين او خمس دقايق ممكن ماتاخدين حتى نفس لانه شغال المهم لما جت الساعه 8 نزل شويه ماء ومخلوط بدم هني عرفت انه مو مجرد مغص وطبعا هني قلت اروح لطبيب وفعلن رحت المستشفى وسوى فحص داخلي وكان مفتوح 3سانتي دخلت غرفة الولاده والله يعين بدت المعاناه غير اللي صار بالبيت دخلت 8 ونص والطلق شغال وتعب وترجيع ومايعطون مسكن ولا شي بس كمام طافي مافيه نفس كلش صراحه تعذيب ومرت الساعات والساعه 12 فحصت فتح4 سانتي وانا تعبت من السهر والطلوق وكنت اتراجاها بس تعطيني مسكن اسكر عيوني ارتاح لو دقيقه من صج بنات تحسين نفسج ضعيفه وفي كربه مايعلم فيها الا الله تدعين وتتنفسين بصعوبه وتبكين وتصارخين يعني حاله الله اعلم فيها وطبعا قامت عطتني مسكن يدوخ اللي اغمض عيوني بس اذا جا الطلق تقومين وتصارخين يعني منوم مو مسكن للالم ومايطول ساعه وحده وانتهى مفعوله المهم وبعدها الساعه 3 فحصت فتح 6 سانتي هني شوي فرحت وان قرب الفرج ولما جات الساعه 5 فحصت وقامت تجهز اغراضها للولاده وقالت اذا حسيتي بالامساك قوليلي وعالساعه 7 والا احس بالشد وابي اروح للحمام واصارخ وتنادي الدكتور وهني بدت عمليه الولاده والشد والشق ولله الحمد طلع البيبي ولدي محمد وارتحت وتحسين انج انولدتي من جديد وربي لك الحمد والله يفرجها عاى الكل هاذي باختصار قصه ولادتي ها شرايكم بالقصه 💙
العضوة: 24530 , 9 years ago
ياعمري الحمدلله على سلامتك ومبروك ماجاك ❤️العضوة: 48895 , 9 years ago
اتوجعت معك ههههه الحمدلله على سلامتك انتي والبيبيالعضوة: 43163 , 9 years ago
مبروك والحمد الله على السلامهالعضوة: 19964 , 9 years ago
الحمد لله على السلامة والله شاطرة لما انحشتي ....ولا تكوني الآن انتي وتعب العملية القيصرية الله حماك منهم الحمد للهالعضوة: 37741 , 9 years ago
@user-33461 الف مبروك حبي والحمد الله ع السلامه اختي تعبك ماضاع انشالله بوليدك ذكرتيني بصعوبه ولادتي الله يعودهه عليك 😊😊😊العضوة: 33461 , 9 years ago
@user-24530 الله يسلمج حبيبتي🌹🌹العضوة: 33051 , 9 years ago
الحمد لله على سﻻمتك وسﻻمة البيبيالعضوة: 6619 , 9 years ago
الف مبرووووك الحمدلله ع سلامتك وسلامة البيبي 😍😍😍العضوة: 24852 , 9 years ago
انا لي يوم بالااسبوع39وفحصت قبل اسبوع مفتوح وااحد صاانتي تنصحيني اسوي طريقتك اكثر مشيالعضوة: 24852 , 9 years ago
والف الف الف مبروك الطفل وجعله ولد صالحالعضوة: 11636 , 9 years ago
@user-33461 حبيبت قلبي الحمد لله ع سلامتك مبروك ما جاكي الله يجعله من الصالحين يا زين هل الإسم الله يحفظك اياه والله فرحتلك من جوات قلبيالعضوة: 42141 , 9 years ago
حمد لله على سلامتك و سلامة البيبيالعضوة: 39784 , 9 years ago
اهه 😭😭😭😭😭😭 الحمدلله ع سلامتك والله وانا اقوا اتذكر الغرفه وكاني اشوفك واشوف ملاحك وانتي تتالمي واشوفها وهي تجهز الادوات 😭😭😭😭😭😭😭😭 يارب يسسر لي ولادتي والله ميته خوف ورعب توكلت ع الله 😭💔هه مو نايمه كله افكر بالولاده 😭العضوة: 40378 , 9 years ago
البكر متى ابدا تمشيالعضوة: 48945 , 9 years ago
الف مبروك حبي انتي ولادتك بكرية ؟