9 years ago
  • المرحلة الثالثة (الأشهر 9,8,7)
مرحبا صبايا انا من حوامل ماي آخر دوره 21 ماي . كنت روح عند دكتورتي وتابع على سكر الحمل كنت عامله ريجيم قاسي لانو قالت وزنها كبير . كنت بالأسبوع 37 مانزلت البنت ظلت فوق و مي تزيد بأسبوع 38 عطتني تحاميل تساعد في فتح الرحم بس ماجابت نتيجة عطتني مهلة اسبوع دخلت اسبوع 39 و كم يوم و لس مافتح و بس تفحصني بتوجع و ماتوصل للرحم لانو مانزل و حوضي ضيق .قالت مابخاطر فيكي و هاد اول بيبي و انا قتنعت بحكيها بأسبوع 37 رحت عند دكتورة تانيه بس أطمن خوفتني قالت انتي بدك قيصري و بنتك كبيره ماعطتني ابدا فرصه انو نحاول عالطبيعي بس دكتورتي عالاقل عطتني أمل و 3 مرات بتعملي تحريض بيدها مع التحاميل لي كنت اخذهم رحت فكرت بالموضوع جد و سألت عن القيصري و هيك و قتنعت فيه لانو مالي أمل ابدا فالطبيعي مع سكر الحمل و كلما ظلت ببطني بتكبر بزيادة و انا حوضي ضيق. قررنا تعملي قيصري يون الاثنين و متل ماكان الحال ضبيت اغراضي و مانمت طول ليل هي أول غلطة عملتها كان لازم روح و مرتاحه انا كنت خايفة فوتوتي عملولي تخطيط قلب و طمنا عالبيبي كان نبضو خافف دغري حولوني للمشرحه .انا زاد خوفي و ماعاد عرفت جاوب عالاسئله .قلي دكتور بنعملك بنج نصفي احسن انا قلت مهم شي مايضرني و حافظ على بنتي. اجت دكتورتي مسكتني و تانية غزت الإبرة حسيتها اجت بالعامود الفقري رجلي اليمين متل الكهرباء ضربتني نقزت دكتورة قالتلي لاتخافي عادي .بعدين تسطحت و بلشو بجربو رجليا مانامو و بطني كمان بحس بالملقط قلتلهم عم حس قالتلي دكتورتي معليش راح نيمك حطولي بنج كامل بثواني ماحسيت بشي هن شقو و طلعو عالخياطه بلشت حس و صرت شوف متل المنام انا ببكي و بدي صرخ من الوجع و هن بيضغطو صرت هز راسي طالعولي أنبوب من تمي لقيت تمي مجروح ..بس صار بدهم ينقلوني عالتخت بلشت المعانات بلشت صرخ من الوجع قال انتي طويلة ساعدينا ههه حسيت حالي دب الباندا نيموني على جنب كانو انا هون متت يعني من جدهم وحده مبنجه يقولولها ساعدينا .. و حملوني على تختي كمان عذاب و بلشت معاناة الوجع لا اقدر اتسطح لا اسند حالي اجا جوزي حضني و صرت ابكي و جابولي بنتي بس ماشفتها منيح جوزي نازل عليها ياذنلها و يبكي و صرنا كلنا نبكي هههه .قلولي مابيصير انتي نافسة لاتبكي بتنضري. أسوء شي بالقيصري الكحه بعد ماتفيقي بتجيكي كحه مو طبيعيه و ماتقدري تكحي ووجع بيظل حتى لو اخذتي مسكنات ..أهم شي الوحده من ثاني يوم لازم تمشي عالاقل 5 د صباح و 5د مسا و 5 د ليل و تتغذى منيح .القيصري بيظل قيصري ههه انخدعت فيك ياقيصري ماكنت أتوقع كل هالوجع صراحه ماعم خوفكم بس هي الحقيقه و للضروره أحكام وحده ماتعرف شو كاتبلها رب العالمين انا حالفه عالقيصري بس شو بدنا نساوي . عفكره سميت بنتي جوري الشام و طلعت عنجد جوري الله يحميها و يحفظها.

27 تعليقات

العضوة: 21339 , 9 years ago

@user-47004 الله يسلمك حبيبتي

العضوة: 21339 , 9 years ago

@user-50940 تسلمي حبيبتي .الله يبارك بعمرك يارب

العضوة: 21339 , 9 years ago

@user-15909 شوشي حبيبتي وقلبي شتقتلك كتير . الله يهونها يارب عقبال عندك حبيبتي تولدي و نطمن عليكي .

العضوة: 21339 , 9 years ago

@user-14890 كانت تقول 4 كيلو طلعت 3 و 700 . السونار مو ضابط بس انا دكتورة عم تقول انتي ضيقه من تحت عذاب عالطبيعي .بس الحمدلله على كل حال انتي شوفي أكثر من دكتورة و الله يسهلك.

العضوة: 52800 , 9 years ago

@user-21339 امي ولدت اخوي اربع ونص طبيعي وكان البكريه تقول ولدته كبير بس تقول تعذبت وما كان يطلع

العضوة: 21339 , 9 years ago

@user-52800 أي صح فيها عذاب .انا دكتورتي قالت ضيقه من تحت ماحبت تعذبني .قالت لسمح الله ينكسر كتفها أو يصير شي و نضطر نشقك كتير أو ينكسر حوضك لسمح الله . انا مهم شفت بنتي بخير كل شي بيهون.

العضوة: 28708 , 9 years ago

@user-21339 الحمد لله على سلامتك انتي والبنوتة ان شاء الله من الصالحات 😍😍😍😍😍

العضوة: 16026 , 9 years ago

@user-21339 ابشرك تو ولدت قبل شوي

العضوة: 8108 , 9 years ago

الحمد لله ع سلامتك وادعيلي ربنا يسهل ولادتي

العضوة: 21339 , 9 years ago

@user-16026 الف مبروك حبيبتي . كيفك و كيف امورك بس ترتاحي احكيلي كيف ولدتي.