مرحبا صبايا
انا من حوامل ماي
آخر دوره 21 ماي . كنت روح عند دكتورتي وتابع على سكر الحمل كنت عامله ريجيم قاسي لانو قالت وزنها كبير . كنت بالأسبوع 37 مانزلت البنت ظلت فوق و مي تزيد بأسبوع 38 عطتني تحاميل تساعد في فتح الرحم بس ماجابت نتيجة عطتني مهلة اسبوع دخلت اسبوع 39 و كم يوم و لس مافتح و بس تفحصني بتوجع و ماتوصل للرحم لانو مانزل و حوضي ضيق .قالت مابخاطر فيكي و هاد اول بيبي و انا قتنعت بحكيها بأسبوع 37 رحت عند دكتورة تانيه بس أطمن خوفتني قالت انتي بدك قيصري و بنتك كبيره ماعطتني ابدا فرصه انو نحاول عالطبيعي بس دكتورتي عالاقل عطتني أمل و 3 مرات بتعملي تحريض بيدها مع التحاميل لي كنت اخذهم
رحت فكرت بالموضوع جد و سألت عن القيصري و هيك و قتنعت فيه لانو مالي أمل ابدا فالطبيعي مع سكر الحمل و كلما ظلت ببطني بتكبر بزيادة و انا حوضي ضيق. قررنا تعملي قيصري يون الاثنين و متل ماكان الحال ضبيت اغراضي و مانمت طول ليل هي أول غلطة عملتها كان لازم روح و مرتاحه انا كنت خايفة فوتوتي عملولي تخطيط قلب و طمنا عالبيبي كان نبضو خافف دغري حولوني للمشرحه .انا زاد خوفي و ماعاد عرفت جاوب عالاسئله .قلي دكتور بنعملك بنج نصفي احسن انا قلت مهم شي مايضرني و حافظ على بنتي. اجت دكتورتي مسكتني و تانية غزت الإبرة حسيتها اجت بالعامود الفقري رجلي اليمين متل الكهرباء ضربتني نقزت دكتورة قالتلي لاتخافي عادي .بعدين تسطحت و بلشو بجربو رجليا مانامو و بطني كمان بحس بالملقط قلتلهم عم حس قالتلي دكتورتي معليش راح نيمك حطولي بنج كامل بثواني ماحسيت بشي هن شقو و طلعو عالخياطه بلشت حس و صرت شوف متل المنام انا ببكي و بدي صرخ من الوجع و هن بيضغطو صرت هز راسي طالعولي أنبوب من تمي لقيت تمي مجروح ..بس صار بدهم ينقلوني عالتخت بلشت المعانات بلشت صرخ من الوجع قال انتي طويلة ساعدينا ههه حسيت حالي دب الباندا نيموني على جنب كانو انا هون متت يعني من جدهم وحده مبنجه يقولولها ساعدينا .. و حملوني على تختي كمان عذاب و بلشت معاناة الوجع لا اقدر اتسطح لا اسند حالي اجا جوزي حضني و صرت ابكي و جابولي بنتي بس ماشفتها منيح جوزي نازل عليها ياذنلها و يبكي و صرنا كلنا نبكي هههه .قلولي مابيصير انتي نافسة لاتبكي بتنضري. أسوء شي بالقيصري الكحه بعد ماتفيقي بتجيكي كحه مو طبيعيه و ماتقدري تكحي ووجع بيظل حتى لو اخذتي مسكنات ..أهم شي الوحده من ثاني يوم لازم تمشي عالاقل 5 د صباح و 5د مسا و 5 د ليل و تتغذى منيح .القيصري بيظل قيصري ههه انخدعت فيك ياقيصري ماكنت أتوقع كل هالوجع صراحه ماعم خوفكم بس هي الحقيقه و للضروره أحكام وحده ماتعرف شو كاتبلها رب العالمين انا حالفه عالقيصري بس شو بدنا نساوي .
عفكره سميت بنتي جوري الشام و طلعت عنجد جوري الله يحميها و يحفظها.
العضوة: 17039 , 9 years ago
الف الحمدلله ع سلامتك والله يكتب لك الأجرالعضوة: 47589 , 9 years ago
هههههههههه ياا قلبي شوو ضحكت لما شفتك كاتبه حسيت حالي دب الباندا واكثر شي لما كنتي متبنجه وقلولك ساعديناا هههه بجد انتي متبنجه ومو حاسه شلون تساعديهم😂😂 ههه خفت زوجي يقوم عصوت ضحكي 😂😂 الحمدلله على سلامتك حبيبتي ومبروك عليكي البيبي اسم جوري يجننالعضوة: 21339 , 9 years ago
@user-17039 الله يسلمك حبيبتيالعضوة: 21339 , 9 years ago
@user-47589 أن شاء الله دائما .تسلمي حبيبتي 😍😍😍العضوة: 49246 , 9 years ago
الحمدلله على سلامتك وسلامة البنوتة ربي يخليكياها وإن شاء الله تربى بعزكم ودلالكم إسم جوري اسم بيجنن ماشاءاللهالعضوة: 16026 , 9 years ago
ياعمررررري تعذبتي والله لكن الله يكتب اجرك ان شاء الله اهم شي انتي والبيبي قمتو بالسلامه ربي لك الحمد والشكرالعضوة: 21339 , 9 years ago
@user-49246 الله يسلمك حبيبتي .الحمدلله على كل حال .العضوة: 21339 , 9 years ago
@user-16026 تسلميلي حبيبتي عقبال عندك .طمنيني عليكي وقت تولدي انا ماراح اطلع من البرنامج .بظلني أطمن عليكي .العضوة: 16338 , 9 years ago
@user-21339 الحمدالله على سلامتك وسلامة الامورهالعضوة: 47004 , 9 years ago
الف مبروك والحمد لله ع سلامتك🌷العضوة: 50940 , 9 years ago
الف مبروك حبيبتي الحمد لله ع سلامتكن و اسم جوري بجنن 😍😍 الله يخليلك ياها و يحميها و يجعلها من الصالحات ياربالعضوة: 16026 , 9 years ago
@user-21339 حياااااتي انتي الله لايحرمني منك ياعسل الله يسعدك اضعاااااااف مااسعديني ياعسل 😙😙العضوة: 15909 , 9 years ago
الحمدلله عالسلامة نور قلبي ريتها تربى بعزك و يخليلك ياها و اهم الشي انك ولدتي بخير و قمتي بالسلامة دمعت عيوني على قصتك ياروحي انتي ما تشوففي شر ربي يعافيكي و يخفف عنك وجع الخياطة القيصرية بيقولو صعب الله يكون بعونك يا روحي❤❤❤العضوة: 14890 , 9 years ago
@user-21339 اختي كم قالو لك وزنها بسونار لاني انا زيك خوفوني يقولو عمليهالعضوة: 21339 , 9 years ago
@user-16338 الله يسلمك حبيبتي