كيفكم وحشتوني كلكم 😘😘 ابغا اقولكم قصتي 🤗 قصه زواجي هادا ياحبيباتي كل محد يتقدملي يجي يشوفني يكنسل بحجه انا سمرة ويبغاها بيضه تعبت نفسيتي كل شويا يجي بأهلو يشوفوني يسحبوا نفسهم كل مالي اشوف نفسي كبرت بالعمر ولا فرحت لدرجه جبت خطابات وبرضوا نفسي الشي انتي سمرة والمواصفات نبغاها بيضه سرت ادور بنفسي ومافي فايده لدرجه اتسميت عااانس ومحد يبغاكي 😢 الا يجيني واحد من طرف صحبه ماما عندو السكر جا بأهلو واتقدمولي وماعندهم شروط ماتتصوروا وافقت ع طول اخيرا احد وافق عليا اخيرا حفرح سارت الشبكه على خير والفرح كمان والحمدلله 😊 اكتشفت بعد الزواج انه عنده مرض نفسي وبياخد ادويه على المرض ،، المرض ده يخليه يشك ويتصرف تصرفات غريبه يشك فيا يشك في تصرفاتي ينزل عند اهله يقولهم اخباري ياما امه كل شويا تتفلسف عليا حسبي الله عليها فوق ماانكم خبيتو عليا وعلى اهلي امه مو عاجبها نظافه بيتي ولا غسيل الملابس وتتفلسف وهو كل مرا يوصلهم حياتي بطريقه غلط في غلط وانا اقول يابت اتحملي اخيرا اتزوجتي ايش يقولوا لو وصلتها ل اهلي تكبر المشكله وممكن توصل للطلاق وانا ماكملت شهر حتى شهر العسل وداني مع اهله سافرنا داخل المملكه محافظه يومين ورجعنا ،، سكت واتحملت مشاكله ومشاكل اهله لا وازيدكم من الشعر بيت علاقته الجنسيه بارده تحت الصفر يعني من الاخر نفسيا تعبت كل يوم مشاكل في مشاكل واهله يدخلوا لانه هو الي يدخلههم وانا ماكنت احب احد يعرف بمشاكلي ولا ابغا احد يعرف عن بيتي شي صبرت ومسكت نفسي وحاولت قد مااقدر اساعدو حتى غير الحبوب النفسيه لحبوب تانيه صحيح اتحسن في العلاقه الجنسيه بس مو لدرجه الممتازه بس الشك والمشاكل مازالات موجوده معاه ،، كنت كل مايجامعني مايخلص الشهر الا وانا جايبه جهاز التحليل المنزلي يمكن حمل وافرح بس للاسف مافي كنت كل شهر اجيب وانصدم واحيانا كمان اسوي سونار او تحليل دم ومافي فايده زاد وزني نفسيتي تعبت مشاكلي معاه مازالات مستمره ،، جاتني فكره انه نجمع مبلغ ونسافر انا وهو لوحدنا خارج المملكه وبالفعل جمعت اكتر منه وحجزنا وسافرنا عشان نغير انا وهو جو التعب والمشاكل وياريتني ماسافرت تخيلوا كانت اول الايام ماشي حالها حلوة الين اليوم الرابع في الليل روحنا مطعم بعيد عن الفندق وانا وقتها كنت احس نفسي فيا سخونه وتعب فكنت وانا في الطاوله منزله راسي لفيت الجهه التانيه الجهه الي مو جالس فيها حسيت كنت بستفرغ الله يكرمكم قالي ليش طالعتي في الرجال ايش الي بينك وبينه قولت والله العظيم ماطالعت فيه انا حسيت اني بطلع الاكل حسيت زي الدوخه قال اها واضح تخيلو خلص العشا وقام ع بالي راح الحمام اطالع ادور عليه ماهو فيه دورت عليه مالقيتو دفعت الحساب وانا مو محصلته ،،، يتبع اذا حصلت حماس اكملكم ع طول