يعطيكم العافية يا احلى أمهات ❤️ حابة اليوم اشاركم قصتي، بس قبل حابة اعرفكم عن نفسي انا سحر من فلسطين _غزة عمري 21 years قصتي مع الإجهاض بدأت كالآتي.. تزوجت السنة هاي شهر 2 كان أول حمل الي بشهر 3 اخر دورة كانت عندي 16/2 طبعاً فرحنا كثير كثير، الأعراض كانت عندي مثل الحامل بالزبط آلام "ثقل" في الصدر والغثيان والخ.. بعد شهرين بدأت افرازات باللون الاصفر وبعدها صارت بنية اللون قلت يمكن عادي بس تحول وصار دم خفيف وكل يوم عن يوم يكثر رحت ع الدكتورة شافت السونار حكتلي مش مبين شي كيس الحمل.. طلبت مني اعمل فحص الحمل الرقمي.. عملته وكانت النتيجة 1121 قالت النتيجة مناسبة وعالية اطمنت انا.. وفي نفس اليوم بالليل صار معي وجع بالظهر ما استحملتوا مع مغص ببطني جامد دخلت الحمام وإلا شي ينزل مرتين مثل قطع الكبد الكبيرة وبعدها ارتحت ونمت من كثر التعب اللي عانيته إلي فترة.. الحمد لله نفسيتي ما تأثرت سرت اقول لنفسي معلش لسه عشان الجسم والرحم ماكان مستحمل الحمل الأول والحمد لله ما عملت عملية تنظيف بس للاسف ضليت انزف 27 يوم وقبل رمضان السنة هاي خلص الدم .. رجعت الدورة بعد 27يوم كان آخر 5أيام رمضان.. بعد الدورة هاي غابت 4ايام رحت للمختبر وفحصت دم وطلع Positive, ،فرحت وقلت أخيراً ربنا هيعوضني.. 🖤 فضل حملي ماشي ودخلت بداية الثالث وصار عندي نزيف خفيف دم رحت عطول للدكتورة فحصتني سونار مهبلي وشفت الكيس واطمنت قالت المبايض والرحم ما فيهم مشاكل بس ما في جنين بالكيس وحكت هاد اسمه "حمل لاجنيني".. الله لا يطعمكم هيك شعور 💔 وثاني يوم صار المغص وألم الظهر ويزيد عليا وما استحملت الوجع وسرت اعيط، وزوجي اخذني ع المشفى الدكتورة قالت بدها عملية تنظيف رحم والحمد لله عدا هالشي وكان زوجي واقف معاي وبهون عليا.. دكتورتي خبرتني اني لازم اعمل فحوصات والحمد لله ما عندي مشاكل لا انا ولا زوجي، كل شي بأيد الله ولسه نحنا العمر قدامنا رح نصير أمهات لانه هالشعور مغروس فينا من جوا جوا بالاخير بدعي ربنا يعوض كل أم صامدة، ويرزقها بالذرية الصالحة ❤️😍