السلام عليكم ورحمة الله وبركاته خواتي الحوامل ربي يسهل عليكم ان شاء الله يوم الخميس كان عندي موعد دوري للحمل فترة اول الصبآح وقلت للدكتوره احس بحكه في رجولي وانتو بكرآمة وبين اصابع ايديني فقط اما جسمي لا .. وانا حامل بالشهر التاسع الاسبوع 37 و 38 فللاسف الدكتوره يوم فحصت عليه اتقول انتي فورا ولاده ☹️ فأنا خفت وآيد بس توكلت على الله 🙏🏼 وفعلا دخلوني جناح التوليد ومعاي 3 بنات بعد اللي تصارخ واللي تقرأ قرآن واللي يقولون خلاص انتي على ولاده يلا غرفة التوليد وانا ماشاء الله مافيني شي لان مش موعد ولادتي اساسا فركبولي ابرة الطلق الصناعي 💥🌚 وهني صرت اتألم واتوجع بس للاسف الطلق ركبولي مرتين معاي لان المرة الأولى فشلت للاسف وجلست 3 ايام ☹️ بس طلق وألم .. فحولوني لغرفة التوليد اليوم الرابع الفجر واضطروا يرحموني بإبرة الظهر عشان يسهل علي الولاده بس للاسف كنت احس بألم نصف جسمي والنصف الثاني ما احس فيه شعور جدا كريهه 😭 الى ان نقصت نبضات قلب البيبي مع الطلق وانا احس بالالم جهة وحده من جسمي وبالاخير قرروووا يسوون لي عملية قيصرية بس كل هالمعاناه يعني حسيت بالطبيعي والقيصري 😩😩😩 ويارب تتسهل كل ولاداتكم ولا تعانون مثل ما عانييت ويارب لك الحمد والشكر على كل شي 💕 واي اسأله انا حاضره 🙈