انا ولدت 2016/10/16
ادري انه من زمان ولادة ولازم اكتبها من زمان بس ماكان عندي وقت وبنتي مجننتني والله ما اعرف شي بكريه المهم اسسسسسفه ع الاتاخير ...😙❤
👇👇👇👇👇
انا ولدت بخاص و دكتورتي خاصه فيني عطتني اخر موعد ولاده تاريخ 10/16 سبحان الله .. واذا ماصار شي ننطر اسبوع او اسبوعين ويعطوني طلق صناعي ..
تاريخ 10/15 كنت مواعد امي واختي يجون عندي عشان يجهزون لي جنطتي مالت المستشفى جنطة الولاده.. 🎒
والساعه يمكن 5 المغرب و هم للحين ماجووني
.. انا كنت بلحمام وانتو بكرامه فجأه قعد ينزل مني ماي كل شوي يزيد انصدمت بس من غير اي الم وماحسيت الي نزل ماي بقوووووووه .. حسيت انه ولاده دقيت ع امي قلت لي اي ولاده هذا ماي الجنين ..😢 انا خفت
و شلت هم اني مو حافه جسمي ولا حواجبي ضرووري لان بسوي استقبال والكل راح يجي وحابه اكون حلوه ههههههههههه
طبعآ ماقلت لزوجي ولا لأم زوجي انو ينزل ماي ليش ..؟ ( عشان اروح الصالون احف )😅
والله مجنونه الجنين خلص الماي ماله وانا رايحه للصالون احف و قاعده اقول للصالونه يلا بسرعه انا في ولاده بيروح مستشفى هي انصدمت تقول بعقلها شنو هلمجنونه😕
و انا بلصالون قاعد يجين الم كل خمس دقايق .. المهم خلصت و رجعت البيت و امي للحين مو جايه و جاني زوجي يقول شفيج اقولها فيني الم وقاعد ينزل مني ماي حيل
هو مستانس و خايف يقول يلا يلا البسي هذي اكيد ولادة وانا يعني قدامه توني ادري انو ولاده .... مايدري انه ادري من زمان و رحت للصالون عشان الولاده 😂😂
المهم ...
الساعه كانت 7 بليل قعد يجيني الم قوي و امي و اختي طبعآ للحين ما جو و زوجي قال يلا نروح المستشفى بعدين يجون المستشفى ..
وصلت المستشفى يمكن 8 الساعه سوت لي فحص الدكتوره قلت لي فاتح 4 سانتي 😲 ماشاءالله يعني بلكثر الساعه 1 ولاده وجت امي واختي و ام زوجي المستشفى سلمو علي ودشيت وانا ابجي خايفه و امي خايفه علي تبجي و زوجي خايف لاني صغيره وخايفين علي .. المهم دخلت داخل داخل
الساعه 10 بليل فتح 7 سانتي
و الساعه 12 فتح 9 سانتي والسسترات اقعدو يجهزون ونادو دكتورتي كان في ألم قوي وفعدت اصرخ .. بس فجاأةةةةةةةة حسيت بشي قوي ححححيل يبي ينزل مني روحي اطلعت وكان في تلفون جنبي دقيت ع زوجي قلت له راح اولد😭
وسكرت ..📞😒
و بس بعدين كانت سسسسهله تدرون ليش
اول شي حطت لي الدكتوره كمام و مخدر خفيف داخل المغذي من كيفها والله بدون ما اطلب ماحسيت بشي نهائيآ كل شوي انام واقوم دايخه بس لمن بنتي حطوهاا بحضني الساعه 12:58 وفرحت حييييل وكانت بنتي تطلع لي بقوه بعيونها👀
واخذوني الغرفه عند اهلي و زوجي و ثاني يوم سويت استقبال يجنن الحمدلله اهم شي الصالوون 😂🙅
تدرون شلون فتح السانتي بسرعه ماي من غير ما شربت شي اذا تبون اكمل اكتبو
( كملي )
💙💐 مسساء الورد جميلاتي ..💐💙
اول شي انا بكريه وكنت اتوقع انه راح اخلص شهري و ما اولد .. اسمع عن حريم جذي يصير معاهم
بس انا من الشهر الثامن مليت وتعبانه حيل بس ابي اخلص ..
1 _ اول شي كنت ادهن بطني وضهري زيت زيتون و حبة البركه و اقرء ايات لتسهيل ولادتي حيل نفعني هلشي
2_ بيتنا كبيرر حيل وانا بيتي فوق و بليوم اصعد الدرج يمكن 6 او 7 مرات تفتح الرحم هلحركه ححيل الدكتوره قلت لي سويها لمن تدخلين شهرج
3_ من اول يوم دخلت فيه شهري ارتبت
كككككل البيت تنظيف صح حتى فوق الكبت حطيت طاوله وصعدت وبطني جدامي
و جبت المكنسه الكهربائيه ونظفت الكبت فوق من الغبار و غرفة النوم الادراج و الكبتات كلها من اول وجديد حييل زينه الحركه لمن تدخلين شهرج كانج قاعده تلعبين رياضه الرياضه تفتح الرحم بس كل يوم سوي شوي
ماتشوفين لمن تحملين يقولون لج لاتتحركين عشان لا تسقطون بعيد الشر عنكم
🔴🔴🔴🔴
والأهم اسألي دكتورتج ع صحتج انه ينفع تشتغلين ولالا لان في حالات ما لازم تتحرك مو زين لها و للجنين
وإن شاء الله تقومون بسلامه وتفرحون بأطفالكم و تكون ولاده اسهل من ولادتي
💙 إن شاءالله تستفيدون مني بشي 💙
💜وحيل استانست😅 اني ضحكتكم 💜
💚احبكم ربي يحفظكم 💚
العضوة: 30122 , 9 years ago
@user-29263 والله صحيح اني اول مرة اسمع هذا الكلامالعضوة: 29263 , 9 years ago
@user-30122 انتي من وين؟ ؟العضوة: 37667 , 9 years ago
والله ي ليت كل المستشفيات فيهم صالون😍العضوة: 21492 , 9 years ago
@user-29263 ششكرآ حبيبتي ... بس أي مستشفى الي فيها صالون شنو اسمهاا ..؟العضوة: 29263 , 9 years ago
@user-21492 انتي من الكويت اذا من الكويت مستشفى دار الشفا اللي بحوليالعضوة: 29263 , 9 years ago
@user-37667 اي والله راحهالعضوة: 466 , 9 years ago
الحمدلله ع السلامهالعضوة: 45426 , 9 years ago
ههههههه اهم شي الصالون والله انتي مغامرة 😂 حلوة قصتك ولادتك وياريت الكل يكتب قصة ولادتهالعضوة: 3747 , 9 years ago
هههههههه سوالفك هواية حلوة ....اهم شي رحتي للصالون 😁العضوة: 25365 , 9 years ago
الف مبروكالعضوة: 21492 , 9 years ago
@user-29263 هلاوالله ي قلبي اي بلكويت وانا ولدت بدار الشفا الي بحولي😃 بس اول مره اسمع اني في خدمة صالون شلون صاير وشلون تقدرين تطلبين وضحي لي اكثر عفيه لان ناويه اولاده مره ثاني عندهم واحسن ما اروح الصالون احف بلمستشفى😜ههههههه ارجو ان توضحي لي عفيههالعضوة: 25450 , 9 years ago
مبرروك عليكي بنوتة.شنو هيا أيات لتسهيل الولادة اللي كنتي تقرأين أفيدينا👧العضوة: 46903 , 9 years ago
حبيبتي نفس موعد ولادتي حتي انا ولدت 16.10 جبت بنوته مارحت اولد الا وانا تعبانه من شغل البيت وعندي 3 اولاد ولقيت مية الجنين ناشفه مع انه مانزلت عليا ابدا ولا قطره ماعرفت السبب وكانت ولاده صعبه لانها جافه من دون شي ينزلق معاه البيبي الحمد للهالعضوة: 29263 , 9 years ago
@user-21492 انا اخذ الامبراطور و تكون الخدمه هذي فري بس مرت اخوي خذت ملكي و دقت على الرسبشن قالتلهم ابي الصالون و يتها وحده حفت ويها كله و سشورت شعرهاالعضوة: 21492 , 9 years ago
@user-29263 اي انه جناح ملكي اخذت والله ماشاءالله خدمتهم روووووووووعه كل شي روعه تبارك الرحمن انا لو بيدي اخلص الاربعين بلمستشفى والله ههههههههه😭😅 انتي سويتي استقبال ..؟ وجم كلفج الامبرطوري..؟ اذا مافيه اعراج 😒😑