9 years ago
  • المرحلة الثالثة (الأشهر 9,8,7)
انا ولدت 2016/10/16 ادري انه من زمان ولادة ولازم اكتبها من زمان بس ماكان عندي وقت وبنتي مجننتني والله ما اعرف شي بكريه المهم اسسسسسفه ع الاتاخير ...😙❤ 👇👇👇👇👇 انا ولدت بخاص و دكتورتي خاصه فيني عطتني اخر موعد ولاده تاريخ 10/16 سبحان الله .. واذا ماصار شي ننطر اسبوع او اسبوعين ويعطوني طلق صناعي .. تاريخ 10/15 كنت مواعد امي واختي يجون عندي عشان يجهزون لي جنطتي مالت المستشفى جنطة الولاده.. 🎒 والساعه يمكن 5 المغرب و هم للحين ماجووني .. انا كنت بلحمام وانتو بكرامه فجأه قعد ينزل مني ماي كل شوي يزيد انصدمت بس من غير اي الم وماحسيت الي نزل ماي بقوووووووه .. حسيت انه ولاده دقيت ع امي قلت لي اي ولاده هذا ماي الجنين ..😢 انا خفت و شلت هم اني مو حافه جسمي ولا حواجبي ضرووري لان بسوي استقبال والكل راح يجي وحابه اكون حلوه ههههههههههه طبعآ ماقلت لزوجي ولا لأم زوجي انو ينزل ماي ليش ..؟ ( عشان اروح الصالون احف )😅 والله مجنونه الجنين خلص الماي ماله وانا رايحه للصالون احف و قاعده اقول للصالونه يلا بسرعه انا في ولاده بيروح مستشفى هي انصدمت تقول بعقلها شنو هلمجنونه😕 و انا بلصالون قاعد يجين الم كل خمس دقايق .. المهم خلصت و رجعت البيت و امي للحين مو جايه و جاني زوجي يقول شفيج اقولها فيني الم وقاعد ينزل مني ماي حيل هو مستانس و خايف يقول يلا يلا البسي هذي اكيد ولادة وانا يعني قدامه توني ادري انو ولاده .... مايدري انه ادري من زمان و رحت للصالون عشان الولاده 😂😂 المهم ... الساعه كانت 7 بليل قعد يجيني الم قوي و امي و اختي طبعآ للحين ما جو و زوجي قال يلا نروح المستشفى بعدين يجون المستشفى .. وصلت المستشفى يمكن 8 الساعه سوت لي فحص الدكتوره قلت لي فاتح 4 سانتي 😲 ماشاءالله يعني بلكثر الساعه 1 ولاده وجت امي واختي و ام زوجي المستشفى سلمو علي ودشيت وانا ابجي خايفه و امي خايفه علي تبجي و زوجي خايف لاني صغيره وخايفين علي .. المهم دخلت داخل داخل الساعه 10 بليل فتح 7 سانتي و الساعه 12 فتح 9 سانتي والسسترات اقعدو يجهزون ونادو دكتورتي كان في ألم قوي وفعدت اصرخ .. بس فجاأةةةةةةةة حسيت بشي قوي ححححيل يبي ينزل مني روحي اطلعت وكان في تلفون جنبي دقيت ع زوجي قلت له راح اولد😭 وسكرت ..📞😒 و بس بعدين كانت سسسسهله تدرون ليش اول شي حطت لي الدكتوره كمام و مخدر خفيف داخل المغذي من كيفها والله بدون ما اطلب ماحسيت بشي نهائيآ كل شوي انام واقوم دايخه بس لمن بنتي حطوهاا بحضني الساعه 12:58 وفرحت حييييل وكانت بنتي تطلع لي بقوه بعيونها👀 واخذوني الغرفه عند اهلي و زوجي و ثاني يوم سويت استقبال يجنن الحمدلله اهم شي الصالوون 😂🙅 تدرون شلون فتح السانتي بسرعه ماي من غير ما شربت شي اذا تبون اكمل اكتبو ( كملي ) 💙💐 مسساء الورد جميلاتي ..💐💙 اول شي انا بكريه وكنت اتوقع انه راح اخلص شهري و ما اولد .. اسمع عن حريم جذي يصير معاهم بس انا من الشهر الثامن مليت وتعبانه حيل بس ابي اخلص .. 1 _ اول شي كنت ادهن بطني وضهري زيت زيتون و حبة البركه و اقرء ايات لتسهيل ولادتي حيل نفعني هلشي 2_ بيتنا كبيرر حيل وانا بيتي فوق و بليوم اصعد الدرج يمكن 6 او 7 مرات تفتح الرحم هلحركه ححيل الدكتوره قلت لي سويها لمن تدخلين شهرج 3_ من اول يوم دخلت فيه شهري ارتبت كككككل البيت تنظيف صح حتى فوق الكبت حطيت طاوله وصعدت وبطني جدامي و جبت المكنسه الكهربائيه ونظفت الكبت فوق من الغبار و غرفة النوم الادراج و الكبتات كلها من اول وجديد حييل زينه الحركه لمن تدخلين شهرج كانج قاعده تلعبين رياضه الرياضه تفتح الرحم بس كل يوم سوي شوي ماتشوفين لمن تحملين يقولون لج لاتتحركين عشان لا تسقطون بعيد الشر عنكم 🔴🔴🔴🔴 والأهم اسألي دكتورتج ع صحتج انه ينفع تشتغلين ولالا لان في حالات ما لازم تتحرك مو زين لها و للجنين وإن شاء الله تقومون بسلامه وتفرحون بأطفالكم و تكون ولاده اسهل من ولادتي 💙 إن شاءالله تستفيدون مني بشي 💙 💜وحيل استانست😅 اني ضحكتكم 💜 💚احبكم ربي يحفظكم 💚

87 تعليقات

العضوة: 39984 , 9 years ago

كملي حبيبتي

العضوة: 39984 , 9 years ago

الف مبروك البنوته والحمد لله ع السلامه

العضوة: 33461 , 9 years ago

كملي ماشالله الله يسهلها علينا

العضوة: 39984 , 9 years ago

@user-21492 وينك يا ام الصالون تعالي كملي الاكشن تبعك هههههههه

العضوة: 21190 , 9 years ago

الف مبروك عجبتني فكرة الصالون

العضوة: 16357 , 9 years ago

ههههههه رهيبه شوفيً هالمره عدت سلامات وشكلكً بكريه تتاخري كمً ساعه المره الثانيهً بدون اكشن لانً اللي مو بكريه ممكن خلال ساعه تولد

العضوة: 31193 , 9 years ago

ههههههههههههههههههه اهم اشي اتصالك ع زوجك 😂😂😂😂...فعلا ضحكتيني من قلبي ربنا يسعدك

العضوة: 35095 , 9 years ago

كملي 😩 علمينا شلون فتح بسرعه

العضوة: 39984 , 9 years ago

يمكن فتح عندها الرحم ابسرعه من روحت الصالون راحت اركاض ورجعت اركاض 😂😂😂😂

العضوة: 10440 , 9 years ago

حمدالله على سلامتك انتى والبيبي ياريت تكملي

العضوة: 23674 , 9 years ago

مبروووك انا نحب بزااااف نقرا حكايات الولادة نفسيني تتحسن الحمد لله على سلامتك

العضوة: 23674 , 9 years ago

كملي وين راكي و لاكن قتلتيني بالضحك و الله

العضوة: 37481 , 9 years ago

@user-21492 مبارك حبيبتي بس والله فرطيتني من الضحك