مبارح صارت الساعة 12 بليل وما كان يدقلي كرمال نحدد وقت لنلتقي بالفلانتاين😶
طبعا" متل كل سنة أنا بشتريلو افخم الهدايا ..
وهوي طبعا" كل سنة بيضحك عليي بلوح شوكولا أدهن فيه كرشي .. . وك حتى أسم المعمل مافي 😑 مغلف تغليف لون دهبي 😑
أجاني مسج عالساعة وحدة بليل .. بيكتبلي فيه بكل بساطة ..
(( حبيبتي انا مضطر سافر هاليومين .. ورح أرجع 15 شباط😢 ))
انا هووووون خلص ..
انتهى الكلاااا ام ...
دقيتلو وانا شكلي متل السيدة منشن .. (( تبع سالي ))
_وينك انتا وينك
# حبيبتي اضطريت أنزل عندي أشغال ...
_هلق يا عطايلي صار عندك أشغال😠 ...
انا خلص زهقت منك .. يعني مليت ..
لك حاج الي 7 سنين معك عالفاضي ..
لك حاج صرت مسخرة رفقاتي .. وعطول بقلولي أيمت بدو يخطبك
لك حاج صار اسمي خاروف العيد عند صاحب محل الهداية ..
وكل سنة بتكذب علي وبتبلف وبتبلشلي سنفونية .. يلي جمعتون كرمال اخطبك فيهم
دفعتون مشان التأجيل ...
(أو) دفعتون كرمال عملية فتاق للوالد ..
(أو) ماتت عمتي ...
ولدت اختي ...
حبلت ستي ...
وبعديييين معك ؟؟؟
قلي: ولا قبليين .. ليكي ولي شاضومة هالرقم وصاحب الرقم بتنسيه وسكر الخط بوجهي😑
بعتلو لك شبك يا زلمي بمزح
وينك .. وك وينك 😑
ماعاد فتح 😑
مابعرف كيف مرقت عليي هالليلة يلي كلها دموع .. عابطة الدبدوب يلي اشتريتلو ياه ...
لو مشترية 3 شاورما عربي بزمتي كان مزاجي ولا أروع ..
.............................
فقت الصبح عيوني مبجبجين بجبجة وكل وحدة قد حبة الخوخ ..
ماما حست عليي اكلة بلوك عاطفي .. لهيك ما كرّكت كتير عليي بشغل البيت ...
اليوم عالساعة 2دقولي رفقاتي اومي تعي نروح على مطعم 🍴
انا لانو قرفانة كلشي قلتون مابدي ..
ماما قالتلي معلش يا ماما روحي بتغيري جو ..
وبابا قلي روحي ساعة معك بس .. وإذا بتطولي بنزل ساقط الباب .
صراحة انا أستغربت ما بالعادة يرضوا يخلوني اطلع من البيت😑 ..
بس يمكن لأنو شافوني بلا أكل وشكلي مومياء متل يلي طالعة من القبر بسند كفالة 💀
لبست واجوا رفقاتي اخدوني .. قعدت بالمطعم مالي نفس اخد واعطي مع حدا .. دموعي لحالا تشر كل ما تشوف 2 عم يفلتنو سوى😢
كئيبة حزينة😢
أكلت 3 شاورما لحالي .. وفجأة بيجي الكرسون لعندي معو الفاتورة. .
اساسا" ماكانت فارقة معي لو طلع سيخ الشاورما كلو بالحساب. .
مسكت الفاتورة وفتحتا لاقيت مكتوب عليه
Happy valentine day
❤❤تتزوجيني ❤❤
رفعت راسي لقيت يلي لابس الكرسون بكون حبيبي ..
فتلت على يميني لقيت أهلي بصفقو وبيبتسمو ..
على يساري رفقاتي وبنات عمومي وخالاتي ..
انا بللاشعور صرت مشط شعراتي بإيديي ..يلي ما مشطتهم قبل بيومين تلاتة . وصرت مسح دموعي ومخاطي بكمامي 😅
طخا لعندي وانحنى وفتح علبة صغيرة حمرا وفيها خاتم قلبي تتزوجيني😍😍
انا بلشت اعمل حركات الكيوت وحطيت أيدي على تمي ...
واتطلعت على بابا على اساس (( شو قله؟؟))
بابا غمزني وعملي هالحركة🙂 انو موافق 👍
ورفقاتي قال بصفقولي وبزلغطو وانا بعرفهون قلوبهم نار وشاعلة حسد وغيرة 🔥
قلتلو موافقة بس بشرط تضربني كف .. خايفة كون عم احلم ..
قلي ياروحي ما بصخى فيكي 😍
وبالفعل خليتو يضربني كف وبالفعل وجعني كتير ... وتأكدت انو مو منام 😍
طار عقلي نطيت عليه وعبطو من قلبي وبلشت بوسو مرة من خد 😘
ومرة ع الخد التاني 😘
وصرت شد عليه اكتر... وبوسة اكتر واكتر ..
حتى دقنو الطويلة صارت تشكوكني شكوّكة ..
هوي كان كتير مبسوط انو فرحني بهاد اليوم وبعيد الحب 😍
وأنا من فرحتي شد عليه وبوسو ع خدودو وقلو بحبك بحبك بحبك ..
دخلت شعرة من شعرات دقنو على أنفي ودغدغتني .. بس رغم ذلك عابطتو وقلو بحبك بحبك بحبك 😍😍
لك بكفي حبيبتي😅
قومي عني 😅
قومي😅
قومي يا بنت الكلب 😡
لمين عم تقولي بحبك بحبك بحبك ...
(( مو أتاري !!!
بابا وهوي يلي ضربني كف مشان اصحى وما كنت اصحى ..
فتحت عيوني لقيت حالي عابطة سيقان بابا ومبلشة تبويس رجل وانقل للرجل التانية 😁 .
مو اتاري كمان كانت شعرة من شعرات رجليه هية يلي كانت فايتة بانفي عم تدغدغني وانا عايشة الجو 😁 وهي يلي صحتني من منامي ))
فتحت موبايلي فورا لشوف بلكي منامي بيتحقق ...
لقيت الرسالة وصلتو وقرءها وعليها خطين زرق 😑
بس مارد وعملي بلوك بطعم الفلنتاين ❤
بقلم المفلتن
#مش_عاجبك_اسلوبي_رجعلي_دبدوبي😂
#تفه
العضوة: 45415 , 9 years ago
😂😂😂🤣🤣🤣العضوة: 35453 , 9 years ago
@user-3606 حبي صارلج هواي ماكو بالبرنامجالعضوة: 35453 , 9 years ago
طبعا اني مقريت القصه راسن علقتلجالعضوة: 3606 , 9 years ago
@user-35453 حبيبتي مشكوره لسؤالك عني 😍 بس فعلا صارلي فتره ما بدخل انشغالات والله المهم كيفك طمنينيالعضوة: 3606 , 9 years ago
@user-35453 ههههه لا اقرأيها حلوه ☺العضوة: 3596 , 9 years ago
ههههههههه احب كل منشوراتج😄😄😄العضوة: 3606 , 9 years ago
@user-3596 حبتك العافيه يا رب ..شو اخبارك زمان ما حكينا بقول يمكن نسيتني 😂العضوة: 35453 , 9 years ago
@user-3606 الحمد الله والله بعدنا منتضرين الحمل من احمل اصير كلش زينهالعضوة: 3606 , 9 years ago
@user-35453 حبيبتي ربي يرزقك بالذريه الصالحه انشالله توأم عاجلا وليس أجلا قولوا أمين 🙌العضوة: 35453 , 9 years ago
@user-3606 امين😊العضوة: 26978 , 9 years ago
ههههههههههههايالعضوة: 24148 , 9 years ago
اوووووووولي 😂😂😂😲😲😲هو ياريت لنعيشو حلو متل أحلامناالعضوة: 37569 , 9 years ago
هههههههههههههههههه جد حلوه