السلام عليكم ورحمه الله وبركاته يوم جميل عليكم حبيباتي "ملحوظه"(القصه فيها كثير من التفاصيل الي مالها داعي😁✌) أنا سبق لي ونزلت قصه ولادتي ببنتي الاولى قبل ثلاث سنين والحين بكتب قصه ولادتي الثانيه طبعا انا من متابعات البرنامج القديمات وقريت تقريبا كل القصص والاستفسارات الي تنزل وطبعا اكثف القراءة أيام حملي 😁طبعا حملت في ١٩ شوال من السنه الاولى وبدأ الغثيان والدوخه وتعب الشهور الاولى وكنت منتظرة للشهر الرابع بفارغ الصبر عشان اعرف معي بنت او ولد وطبعا كنت ابي ولد من كل قلبي عشان يصير معي ولد وبنت واجلس فترة طويله مااحمل عشان اريح جسمي خصوصا اني اكسب وزن كبير جدا في الحمل يصل لعشرين كيلو واكثر ،نرجع للحمل 😅طبعا رحت سويت سونار في الشهر الثالث وقالت الدكتورة كل شي كويس وطبيعي الحمدلله ماعدا وزني الزايد الي كان مايبشر بالخير وقالت مابان جنس البيبي وفي الشهر الخامس رحت سويت سونار وقالت لي الدكتورة ان عندي ولد وفرحت كثير وع طول من عند الدكتورة للسوق شريت كل ملابس الاولاد من الفرحه ودخلت في الشهر السادس وبدأت اعاني بشده من عرق النساء والدوالي وكل شهر اصبح يمر مثل السنه من الثقل وتعب ظهري وارجلي وصعوبة في المشي وع دخلت الشهر الثامن عانيت كثير من البواسير وكان بصراحه هذا اصعب شهر مر عليا بحملي ومادخل الشهر التاسع الا بعد معاناه لايعلم بها الا الله وهنا بدأت انتظر الالام الولاده وكل يوم اقول بكرة بولد من زود الالام الظهر الي تجيني في الليل  واصحى مافيني الا العافيه وكل يوم كيذا لين خلص الشهر التاسع (طبعا ولادتي ببنتي الاولى كانت طبيعيه وولدت اول يوم في التاسع )اما ولادتي بولدي خلصت التاسع ومافي اي بوادر ولادة وطبعا مثلي مثل بقيه الحريم رحت ع قوقل وبدأت افتش واقرأ عن شي يسرع الولاده 🙁"وي ريتني استخرت قبل اسوي ذي الخطوة"طبعا قريت عن زيت الخروع وقررت اني اشرب وخليت لين زوجي نام وبنتي نامت وشربت وكنني اقرر الانتحار😅😁وماجاني نوم منتظرة للحظه الحاسمه ساعه ساعتين ثلاث ساعات بدأ يجي طلق خفيف وخلاص شعر راسي وقف من الخوف وبدأت امشي في الغرفه رايحه جايه ههههههه جاء الصباح الوجع يزيد شوي شوي وزوجي صحي الصبح قال شكلك تعبانه قلت لا مافيني شي روح شغلك وهو حس عليا راح وجلس نص ساعه وجاء واصريت عليه يرجع وراح ساعه ورجع وكان الطلق عندي زاد ع حدود الساعه ١٠ الصباح وانا كنت اقول بسوي زي القصص الي اقرأهم بنتظر لين اشوف دم او السدادة ع الاقل واروح المستشفى يعني مابستعجل واروح من بدري ع ماجاء زوجي مرة ثانيه اصر عليا نروح المستشفى ورحت الساعه ١٢ الظهر والطلق مرة زايد وصار حار ويجي وراء بعض قلت خلاص الحين بوصل المستشفى وع طول لكشك الولاده*أحلامي الي الله يحرمني منها* وصلت سوت لي الدكتورة كشف قالت الرحم فاتح اربعه سانتي والطلق قوي بس البيبي مادخل راسه في الحوض وبطني مرة كبير واحتمال ان البيبي وزنه كبير فاانتظرت لين الساعه ٥ المساء والطلق يزيد ومافي اي تقدم ولانزل البيبي في الحوض وكنت اطلع الدرج وانزل وامشي في اسايب المستشفى مافي اي تقدم ع ٦ المغرب قالت الدكتورة الرحم بدأ يتهتك من الطلق واصلا البيبي مابيقدر ينزل ولازم عملية هنا كانت الصدمه بالنسبه لي كيف عملية ونا ولدت طبيعي مستحيل انا بانتظر والدكتورة تقول ضروري عملية طبعا تسالني انتي شربتي شي سويتي شي قلت لا ويلا ودوني غرفه العمليات ونا ابكي ومنهارة خايفه هههههههه كانت الدكتورة تقول المفروض من الوجع الي انتي فيه انتي تقولي تشتي عمليه ودخلوني غرفه العمليات بعد ماسمعت العالم العربي كله اني بسوي عمليه وامي تكلمني ايمو وتهديني لين دخلت غرفه العمليات*علما اني مغتربة مع زوجي وبعيد من اهلي*والحمدلله خلصت العملية وكانت ناجحه رغم ان الدكتورة قالت لو تاخرنا كنا ممكن نبعد الرحم كامل من كثر ماتهتك مع الطلق ومنعتني من الحمل ع الاقل ست سنين وانزل وزني وربي رزقني باأحلى ولد في الدنيا وكان ماشاءالله وزنه اربعه كيلو ونص عشان كيذا ماقدر ينزل للحوض والزبدة من القصه لاتتفلسفو مثلي وتشربو اشياء ممكن تضركم ولاتنفعكم 😅"ولازال اني شربت خروع سر للان محد عرف هههههه لو كان عرف زوجي ويش يفكني من لسانه" ي رب تقومو بالسلامه وربي يرزقكم الذرية الصالحه واعذروني ع الاطاله ❤