راح احكيلكم قصه ولادتي الثانيه قبل شهرين كان الدكتوره عاطيتني موعد ولاده تاريخ اغسطس ١٦ /٨كان يوم جمعه يصادف المهم يوم الاربعاء بالليل قاعده انا وبنتي بالبيت ومشغله لها اليوتيوب عالتلفزيون وحاطه لها بيبي شاارك ومستانسه قامت بنتي تبيني ارقص معاها نفس بيبي شااارك😅💃🏿 قمت ارقص معاها ومستانسين هذي الساعه ١٠ تقريبا بالليل زوجي كان برى كلمته وقلتله يجيب لي عصير اناناس طبيعي المهم كملت رقص مع بنتي ورحت سويت لي يانسون وقرفه وشربت وقعدت اكتب للبنات ونزلت موضوع انو في وحده كانت منزله موضوع عن حبه البركه مع زيت الزيتون تدهن فيهاضهرها وبطنها المهم قالو لي البنات شلون سويتها بس مادهنت فيها بطني 🤗 للحينها موجوده مثل ماهي 😅 صارت الساعه ٢ صباح يوم الخميس رجع زوجي وكان جايبلي عصير شربته وحاولت انوم بنتي مانامت صارت الساعه ٤ الفجر رحت سويت لي مره ثانيه كوب يانسون وقرفه نامت بنتي وراح زوجي الدوام ع ساعه ٥ وانا بدا معااي الم قلت هذي نفس كل مره بنام ويروح حاولت انام ماقدرت شكيت بالامر لان الم كل مره بس انام يروح هذا لا حتى مااقدر انسدح صرت بس امشي بالبيت مااقدر لااقعد ولا انسدح ومواصله من قبل بيوم مو نايمه يعني تعبانه دخلت اخذت دش دافي وطلعت لعل وعسى يروح الالم مدري خفت😅امزح الحمدلله ماجاني خوف من الولاده طبعا الالم كان من بدايته متقارب يعني كل ربع ساعه كل عشر دقايق وعلى هالحال صارت الساعه ١٢ الضهر دخلت الحمام عزكم الله لقيت السداده نزلت قلت خلاص اليوم ولادتي صارت الساعه ٢ الضهر رجع زوجي من الدووام وانا مو متحمله الالم كل ١٠ دقايق وخمس دقايق يجي قلت له نام كم ساعه واقعدك نام زوجي وانا بس امشي بالبيت تعبانه بس مااقدر لا اقعد ولا ارتاح الالم متقارب مثل ماقلت لكم صارت الساعه ٦ المغرب قعدت زوجي وقالي جهزي ملابس حق شغله المهم رتبت اغراضه وجهزت شنطتي ولبست بنتي اي نسيت اقول لكم بالفتره اللي كان زوجي فيها نايم اختي جات عندي وسوتلي دله يانسون وخلتني اشربها كلها 😂🤣 المهم وديت بنتي عند بنات اختي ورحنا المستشفى انا وزوجي واختي معانا طبعا هذا الحكي الساعه ٩ وصلت المستشفى عالعشره بالليل حطولي تخطيط و فحصتني الممرضى طلع فاتح من ٣ الى ٤ سانتي بس ماقالتلي قالت فاتح ٢ قالت ماكانت تبي تخوفني مافيها عشر دقايق جت دكتوره ورجعت فحصتني فتح ٥ سانتي خلاص هني يدخلوني غرفه الولاده طلعوني جناح الولاده ولبسوني لبس الولاده وحطوني عالسرير وركبو التخطيط اكرهه يربطونك فيه يقهر 😡 الرحم ماعاد يفتح اكثر من ٥ سانتي مع ان في طلق المهم تركوني وطفو الليت اللي هي اللمبه او الضوء انا هني جاني يأس قلت شكلها السالفه مطوله رجعت جت الدكتوره طبعا الدكتوره ماتجي الا للضروره صارو القابله والممرضات يبون يشيلون المناكير اللي حاطته 💅مدري منين جاني الهدوء الضهر وانا اطلق حطيت مناكير🤣 المهم يبون يشيلونه ماكان في مزيل المناكير وبدت القابله تحرك ببطني وتهزها تبين بعدين ان الطفل تعب وتبرز داخل بطني🤭😷 واتوقع كانو يبون يشيلون مناكير لان يمكن خافو عالطفل وانا صرت مااقدر اتنفس نفسي صار بصعوبه يمكن كانو بيحولوني عمليه بس الحمدلله باخر لحظات فتح رحم صار سبعه سانتي وجت الدكتوره فتحت كيس المي وهنا بدا الالم وكان شي بيطلع وانا اناديهم وبسرعه جت القابله والدكتوره معاها وصارو يقولولي ادفعي واحبسي نفس وانا دفعتين وطلع ابني وحطوه على صدري كانت الساعه ٢:٤٦دقيقه الصباح تاريخ ١٦/٨اخر يوم بالاسبوع الاربعين و الحمدلله كان وزنه اربعه كيلو عاد يجيج شعور ماينوصف بس يطلع البيبي وتشوفيه تنسين كل التعب🤱👶 بعدها خيطوني لان البيبي سوا لي جرح بسيط وبس شكلي طولت السالفه ربي يسهل على كل حامل ويفرحها نسيت اقول لكم طول فتره الطلق وانا اقول لاحول ولا قوة الابالله 🤲 كنت ارددها وانا اطلق الحمدلله ربي سهل ولا كان احتمال ادخل عمليه