اخر دوره لي كانت19/6 وكان المفروض موعد ولادتي 25/3 طبعا انا عندي بنت من اول وفي ولادتها حصل عندي تمزق بالرحم كامل ومن بعدها فضلو الحمل الجاي ولادته تكون قيصري عشان ماتتمزق نفس الخياطات المهم رحت يوم الثلاثاء للدكتوره لانه بدات احس بمويا خفيفه تنزل فحصتني الدكتوره وقالت مافي اي بوادر ولاده والما بدا ينقص وقامت سوت لي تحريض😢ع اساس اولد طبيعي عشان اموري صارت تمام وكذا بس المشكله مافي اي بوادر ولاده فقالت لي معك ليوم السبت ان ماولدتي طبيعي راح نولدك قيصري لانه ممنوع عليا ابر الطلق بسبب ولادتي الاوله ووصتني اروح البيت اكل تمر وعسل واشرب زيوت عاد انا من اول ماروحت ماقصرت مشي وزيوت وعسل الساعه 2ضهر جالي مغص خفيف جدا ماتوقعت انه يكون مغص ولاده وكان يروح ويرجع كل عشر دقايق طبعا ماصدقت نفسي قلت هذا وجع بسبب التحريض لانها وجعتني مره استمر الوجع نفسه لين 3الفجر وهو خفيف مررررره بعدها نمت لين6الصباح 😴 صحيت على ألم اقوئ شوي بس مو لذيك الدرجه عادي يعني😧 طبعا اختي تقول اوديك المستشفى وانا اقولها لسه الالم مو قوي شكله مافتح الا صباع اخذتني اختي بالقوه المستشفى دخلت فحصوني الا والدكتوره تصرخ جهزو غرفه الولاده بسرررعه الرحم فاتح كامل والراس بيطلع😨 عاد انا من الصدمه 😕😨 ماصدقت وقمت ابكي😢😢 دخلت غرفه الولاده وما اجا نص ساعه الا وولدت😍 ومن طلعت بنوتتي ورموها فوقي نسيت كل شي❤️ اللهم لك الحمد ولك الشكر ❤️ كنت خايفه من الولاده وتسهلت بفضل رب العالمين سامحوني طولت عليكم😊😊😘😘