بقولكم قصت ولادتي دخلت المستشفي الساعه 12الظهر علي موعد تنويمي والساعه1ونص اعطوني الطلق الصناعي وكانت عبارة عن تحميله بس انا حسيتها كأنها حقنه شرجيه بعدها حسيت بحرااااه وحرقاان فضيع وشويه وهدأت المنطقه وصار عندي طلق بعدها الحمد الله ووصل الي 120اقوي شي بعدها صار الطلق منتظم وحاد كل 5 دقايق الدكتوره نبهتني اني ماادخل الحمام وانتو بكرامه الابعد ساعتين وانا خلاص بعد ساعه كنت ابغي الحمام ودخلت وراحت التحميله المهم بعد التحميله مازال الطلق موحود وجات الدكتورة تقيس مافتح شي الين الساعه 7 قاست طلع فاتح واحد سانتي وبعدها زاااد الالم وماافتح شي وقالت الدكتورة الطلق بيشتد وممتاز وانتي مافتح معاكي الين خلاص استويت علي الساعه11 وقلت للدكتورة خلاص ابغي عمليه ممو قادرة اتحمل وجات لقت الرحم زاد 2 سانتي بس وانا اشوووف المووت قدامي بعدها الالم يزيد ويزيد وصرت امشي ولما تجيني الطلقه اتنفس ولما تروح اشرب شوية مويه زمزم والقران والدعاء وزوجي معايا تعب تعبت وجات الساعه 1وودوني غرفة العمليات بعد ماقاسو فتح 4 سانتي وبمجرد ما رحت علي السرير 3 دقايق والرحم فتح 9سانتي ماشاءالله لاحول ولا قوة الا بالله وهما لسه ماحظرو الغرفه ولا الدكتورة جات وفجأة حسيت بدفع وصررت اصرررخ مويه بدف مويةه بدف وطلع مني موية الراس كثيرة وفجاه دفيت وطلعت مويه كثيرة وجات علي الممرضات وانا اصررررخ من الالم واقول بدف بدف وجات الأخصائيه اخلاقها زفت ولا ساعدتني ولا اي شي ولماشافت الراس طلعته وطلع البيبي وقصت الحبل السري وبعدها جلست تلعب بالجوال وانا فااتحه رجولي والغرفه زي الثلج باااردة الموهيم بعدها طلعتلي المشيه وبرضه لطعتني بعدين جات وتخيط وماظغطت علي بطني كويس عشان يخرج كل شي وبدأت تخيطني بدون بنج تخيلو حقيييرة قلتلها ابغي بنج كامل ابغي ارتاح حرام عليكي قالت مو ظروري وبعد ماترجيتها جابت ابرة البنج وتقولي شوفي بنجتك ويدها ثقيييله وتجلس تغزغز فيا وانا اقول في وجهها حسبي الله ونعم الوكيل وبعدها سوت لي شي دخلت شااااش كثير جوه تقول في منطقه صغيرة مشقوقه مايحتاجلها خياطة وتستني ساعه عشان يوقف النزيف لانه وريد تخيلو وجلست ملطوعه في غرفه الولادة الين الساعه 3 وانا ولدت الساعه 1 وربع بعدها جات وسوت لي شي جابت كيس ثلج وحطتو بين فخودي تقول عشان يوقف النزيف وقالت خليكي كمان ساعه وانا ابكي من البررد والالم ومقهووورة امي مو معايا كيف نفاس وتحطلي ثلج النفاس المفروض يدفوها وماتتعرض لهوا وفي النهايه قلتلها ما ابغاكي مافي أخصائية ثاني ااااخ يارب رحت غرفتي وانا اتحسب عليها ولحد الان مانمت كل شوية يمر الشريط عليا وبس طولت عليكم..