. . . أنا وحده متزوجه وعندي اطفال وزوجي انسان فاهم وواعي ساكنه مع اهل زوجي في شقة منفصله في الدور العلوي بداية ماكانت العلاقه بيني وبينهم قويه كان فيه بعض المشاكل الصغيره وعشت معهم في هالبيت كم سنه الى ان بدت ام زوجي وبناتها يحرضون زوجي يطلقني ام زوجي تقريباً طيبه بس بناتها يعبون راسها عشان تزن على راس ولدها يطلقني وطبعاً وهو طالع ونازل يفتحون له هالسيره ومشاكل وكلام كثير لين مره كلمت زوجي وقلت له اسمع بنمثل عليهم اننا بنتطلق ونطبق الفكره هذي وهي انك تنزلني قدامهم وانت تقول بطلقك وتنزل معي عيالي وطلعني من البيت لوحدي يعني نوهمهم اني بروح لبيت اهلي لوحدي وبيت اهلي في مدينه ثانيه والاولاد تخليهم عند امك واخواتك طبعاً خواته متزوجات وانا وانت نحجز سفره لدبي نقعد فيها كم يوم على اساس اننا في مدينة اهلي نخلص موضوع الطلاق .. زوجي اعجبته الفكره وفهم عيالي وبدينا نطبقها نزل قدامي وانا لابسه عباتي ومعي اغراض السفر على اساس اني بتطلق وهذي اغراضي معي .. سبقني ونزل ومعه الاولاد بعدها تكلم بصوت عالي وقال مالك قعدة بهالبيت ونزل ونزلت وراه وامه وخواته ف الصاله وقال خلاص انا بطلقها وطاروا من الفرحه وانبسطوا بس قبل يطلع قال الاولاد بيعيشون هنا عندنا في البيت وانتم ماراح تقصرون معهم عيالي ماابغاهم يعيشون بعيد عن ابوهم وفعلاً خلينا الاولاد وطلعنا وكنا حاجزين على دبي وسافرنا وجلسنا قرابة الاسبوع من غير مايتصل ومن غير لا انا اتصل بعدها وهم في ظنهم اننا في مدينة اهلي نخلص الموضوع .. بعد حوالي اسبوع اتصلت امه تقول تعال خذ عيالك انا مالي بتربيتهم تعبت واخواتك هربوا لبيوتهم قال : اخذهم وين اوديهم امهم عند اهلها وانا ماابغى احطهم هناك لاني ابي عيالي عندي قالت امه : رجعها وتعال خذ عيالك ليه الطلاق اصلاً وانا وحده تعبانه كبرت على تربية الصغار وملاحقهم امهم اولى فيهم وهي اللي مفروض تربيهم مو انا .. قال زوجي : طيب بروح اكلمها وبكذا رجعنا من دبي ووصلت ودخلت البيت اخذت عيالي وصعدت فوق ومن بعدها معاد جابوا سيرة الطلاق ابد 😂 👍🏻