الفرق واضح بينكِ وبينها.... ك تروحي للماتيرنيتي تولدي وتدي معاك أمك لي يشوفها يعرفها بلي أمك...علاه؟؟؟ خاطر وجها اصفر...تعرق...ترجف....قاعدة فالارض بجلابة كحلة....وتدعي يا ربي حبيبي بنتي....يا ربي كبدتي....ياربي نشوفها بخير برك هي ولي في كرشها....ااافلانة تعيشي شوفيهالي...اي تبكي....اني سمعتها تعيط ااامااا....تعيشو تهلاو فيها😢😢😢😢 ك تروح معاك عجوزتك....كامل يعرفو بلي عجوزتك...علاااه؟ قاعدة عل الكرسي وتتألم....اااح راسي....اااااي رجليا حبسو....والله حتى انا راني تاع سبيطار وجيت جابوني بالسيف نضت من الفراش...ااابني شوفلي كاش وحدة تقيسلي لاطونسيون....اااووو يما اكي تشوفي فيا نترعد انا تاني احكمي فروحك شويا نخدم الدوسي للمخلوقة ونجي.....لماه غير هي ولدت ول؟؟؟ انا جبت تسعة في رمضان وانا صايمة.....وتبدا تحكي على انجازاتها حقيقة حقيقة. منقولة حقيقة......أمك....أمك....امك.....وأخيرااا أمك