لمن كنت حامل بحثت كثير عن ربط عنق الرحم بس ما حصلت ولا موضوع طمني او حكالي كيف يتم الربط ؟ وكيف الفك ؟ ف قررت اول ما اولد على خير اكتب موضوع مفصل يفيدكم ان شاءالله ويكون مرجع مطمئن لاي وحده تبحث عن تجربه كامله بهالموضوع -⭕️اسباب العمليه: لمن يكون عندك ضعف او قصر بعنق الرحم راح اشرح لكم كيف تخيلو معي الرحم زي البلونه اذا نفختي فيها هواء تكبر كذلك الرحم ..الجهه الي تنفخين من خلالها (فم البلونه) هي عنق الرحم اذا انتفخت البلونه اكثر واكثر واكثر ما تقدرين تربطين البلونه لان بتكون عنقها (قصير او ضعيف)ما تقدرين تربطينها ف راح تنفتح ويطلع الهواء ويحدث اسقاط للجنين ف عشان كذا الي عندها ضعف او قصر بعنق الرحم يربطونلها عنق الرحم عشان ما ينزل الجنين -⭕️طريقة اكتشاف عنق الرحم: بالعاده الدكتور يكشف ع عنق الرحم اذا في اسقاطات سابقه بالشهور الوسطى بس تجربتي كانت دكتورتي شاطره قالت ب اشوفلك عنق الرحم وكان طول عنق الرحم ب السونار العادي تحت المعدل الطبيعي وقررت تتابعني كل اسبوعين تتاكد من الرقم وكل مالو ينقص حدا وصل ف الاسبوع ١٣-١٤ صار عنق الرحم ٢.٥ يعني ع كلام الدكتوره ما اوصل الخامس الا في نزيف ويمكن اسقط لا سمح الله -⭕️طريقة العملية: ربط الرحم تتم بطريقتين يا إما بخياطة عنق الرحم يا ربط عنق الرحم بحلقه بلاستك وبالحالات العاديه والمبكره يختارون الحلقه بالغالب زي حالتي -⭕️طريقة العملية: رحت موعد عادي ب ملابس مريحة وجزمه سهلة اللبس (تكرمون) واخذت معاي حفائض نسائيه ودخلت غرفة العمليات كنت مطمنه الحمدلله اني مو اول وحده بالدنيا اسويها وقريت ان نسبة نجاحها من ٨٥-٩٠٪؜ يعني نعمه من ربي صحيت بعد البنج كانت نفسيتي مو كويسه بسبة الوحم والعمليه وكذا رحت الحمام (تكرمون) كان على فراشي اثار دم خفيف جداً من اثار تثبيت الربطه اختلف علي بكل صراحة لمن سويت بول اول مره كان في شعور غريب بس مافي الم احساس ان المنطقه مشدوده وما كنت قادره ارفع ظهري زين بعد العمليه مباشره انا توقعت اسوي العمليه الظهر اطلع العصر اول ما افيق بس خلوني يوم كامل ٢٤ساعه تحت الملاحظه لمن جاء اليوم الثاني قدرت اشد نفسي وارفع ظهري تماماً و العصر رجعت بيتي ورحت استحميت وزرت صاحبتي وكل شي تمام ومهتمه اني ارتاح ما اتحرك كثير تحركات عاديه هاديه صرفتلي الدكتوره مثبت حمل وفيتامينات الحمل وكذا بعد اسبوعين من العملية زرتها ما طلبت اشعه سمعت نبض الجنين فقط وقالتلي اشوفك بعد شهرين وضعك تمام وبكذا انا كنت ب الاسبوع ١٥تقريباً وما قالتلي نوع الجنين وزوجي ما كان مهتم يعرف وانا كمان عادي عندي ف خليناها ع رمضان نعرف عساس وفعلاً بعد شهرين عرفنا نوع الجنين في رمضان ب الاسبوع ٢٣-٢٤ الى ان وصلت الاسبوع ٣٢ قلت ل دكتورتي تفكلي الربط اول يوم بالتاسع وقالت على مسؤليتك قلت تمام فكيتو ب الاسبوع ٣٤-٣٥ تقريباً -⭕️طريقة فك الربط: قبل موعد فك الربط طلبت من دكتورتي تشرحلي الطريقه قالتلي بسيطه ما تاخذ ٥د فجيتلها على عماي ما اعرف شي جيت فكيت عبايتي فكيت بنطلوني وكذا انسدحت ع السرير البسيط لبست الدكتوره قفازات وباين انها استخدمت حديده لتوسيع المهبل عشان تشوف ودخلت يدها تفك الحلقه حسيت فيها الم غريب تخافين يزيد بس ما يزيد انا بالنسبه لي كان الالم مفجع توترت خفت يزيد الالم لان هي تبرم كانها تفك مسمار لمن خلصت فعلاً ما طولت بس تجربه مو حلوه وممكن استحمالها تعطيك فكره عن الولاده تقريباً الالم يشبه الم الدوره بس من داخل الرحم شي غريب ومستحمل بنفس الوقت ينزل دم خفيف طبيعي اثر فك الربط استمر يومين او ثلاث دم خفيف جداً تستخدمين لها عناية يوميه -⭕️بعد فك الربط: قالتلي استمري على حبوب تثبيت الحمل بعد فك الربط انا ما اقتنعت وقفت استخدام الحبوب من ٣٤ لان عارفه اني بكريه ما ح اولد بدري وخفت اطول بالحمل (تصرف فردي لا احد ياخذني قدوه.. كل وحده تسمع كلام دكتورتها) وبعدها ولدت طلق صناعي بسبة الحبل السري كان ملتف حول البيبي وموية البيبي قلت ولدت ب الاسبوع ٣٧ والله يخليلنا ابرة الظهر الي تهون علينا كل شي بالولاده بفضل ربي -⭕️الجماع و ربط عنق الرحم: ف البدايه الربطه يكون نازل شريطة منه بالمهبل تحسين فيه وزوجك بالعلاقه يحس فيه كمان ..بس بعد كم اسبوع الشريط يصير لين مع الافرازات لانها تزيد بالغالب مع الربط بما انه جسم غريب داخل المهبل ف البدايه "ما" تحبين يكون العلاقه الحميميه كامله لان تتوترين بس مع الوقت زوجك هو الي راح يتوتر من الشريطه وما عاد يصير فيه علاقه ههههههه ان شاءالله اكون جاوبت على كل الاسأله الي تدور ف راسكم ..وطمنت كل وحده قلقانه بطريقة واقعيه بحته هذي تجربتي وكل وحده ب الاخير لها تجربتها الخاصه شكراً لكم🙏🏻💐