اليوم قعدت اسولف وي خالتي وتكلمنا عن الاطفال والام بعد ما تولد شنو تسوي والطفل هم شلون يهتمون بيه صح انا مو بكر بس تعبت بابني كلش كمل سنه يلا ارتاحيت شوي سئلتها عن الغازات الي تصير بالطفل اول ميصير قالت تجربت امي وجداتي وجداتنا قبل كانو اذا طفل عندة غازات يجيبون 1- ماء مغلي 2- قشر برتقال 3- ورق ياس (الاس) ماعرف اسمة بغير دول بس احنا بالعراق نسمي ياس ونستخدمة بالمناسبات وريحته حلوه ناخذ كلاص ماء يكون حار ونحط قشر البرتقال و ورق الياس بالماء وبين ما يبرد نشرب الطفل ملعقه صغيرة بعد كل رضعه و الافضل ان الام تشرب كلاص كامل قبل الاكل حتى ترتاح من الغازات لان غازات لام تنتقل للطفل عن طريق الرضاعه واتمني تستفادون بنات واسفة على الاطالة 🌸 وهم حجينه عن الام بعد الولادة لازم تشد بطنها وما تتركها حتى ترجع وتلبس بجامة حتى ما يدخللها هواء وسوالف هواية حجينا عن جداتنا وكيف كانت حياتهم شنو تعرفون عن حيات جداتكم بنات وشلون الولادة كانت حابين اسولفلكم قصة جدتي من ولدت عمي😅💔