بكتب لكم قصتي عشان أأكد لكم ان مافي شي مستحيل بهالحياه تقدم لي شخص وكتب لي الله انه يكون دخله بسيط مع التزامات الزواج اضطر للدين وصار يسدد دين بدين الى ان كثرت ديونه الراتب مايصفى منه ولاشي مع الايجار ومتطلبات البيت صبرت وكنت ادعي بس ماكنت الح بالدعاء ضلينا فتره ع هالحال مريت ب ايام الله يعلم فيها رزقت بضناي الاول كثرت الطلبات زادت المصاريف وكان الدخل جداً بسيط بعد مرور ٦ سنوات من الهم والعناء برمضان السنه هاذي قلت لازم اجزم وألح بالدعاء وفعلا بالوتر يومياً ادعي والح وادعي ب ( ياودود ياودود ياذا العرش المجيد يافعال لما تريد اسألك بعزك الذي لايرام وملكك الذي لايضام وبنورك الذي ملاء اركان عرشك) وأقول دعائي وانا ادعي كنت ادعي ب اشياء مستحيل انها تصير بس كنت متفائله من جواتي وانتهى رمضان وشوال ونفس حالنا دخل شهر ١١ والله الذي لااله الا هو تيسرت الامور بشكل غريب وسريع فعلياً كل شي دعيت فيه والله اني شفت استجابة الله لي فيه وبشكل عجيب 😭الأن انا توظفت وأمور زوجي تعدلت وتسددت ديونه 😭❤️اللهم لك الحمد،،، أوصيكم بالدعاء لاتشيلون هم شي طالما في رب موجود يقول ادعوني استجب لكم وأوصيكم بالتفائل والالحاح لاتيئسون ان ماستجاب ربي على طول والله انه بيجي يوم وتشوفون كل ماتتمنون اكثروا من الدعاء تحرو اوقات الاجابه حوقلو كتبت قصتي عشان اعطيكم أمل ولاتفوتون يوم عرفه ادعو بكل مافيكم والله يحقق لكم ماتتمنون منقول..