سعد : يا أبي البنت صغيرة شو عم تحكي انت ؟ أبو أسعد : أنا عطيتو كلمة لأبو راتب ، بدك تطالعني صغير قدام الجماعة ؟ أسعد : العفو منك يا أبي ما هيك قصدي بس سلوى عمرها 11 سنة لساتها صغيرة عالخطبة و الزواج . أبو أسعد : خطبت أمك لما كان عمرها 10 سنين ، و أنت لما تزوجت مرتك كان عمرها 12 سنة . أسعد : متل ما بدك أبي . *رجعت عالبيت و أنا مهموم و محتار شو بدي احكي ... أسعد : إلهام . إلهام : نعم . أسعد : جهزي سلوى اليوم جايين أهل راتب يخطبوها . إلهام : شو ؟ شو عم تحكي انت ؟ أسعد : إعملي يلي عم قلك عليه بدون نقاش . إلهام : حاضر . _______________________________ أبو راتب : اليوم بتاخدي أمي و بتروحي على بيت أسعد بتخطبي بنتو لراتب . أم راتب : شوووو أنا اخطب لابني بنت أسعد ، لا مستحيل . أبو راتب : عم حكيكي بهدوء ، بتروحي بتخطبيها أحسن ما قيم قيامتك ، أنا حكيت مع أبو أسعد وهو عطاني كلمة ، بعدين نسيانة انو هن قرايبينا ؟ أم راتب : لا مو نسيانة أنا ما بدي اخطب لابني من القرايب . أبو راتب : ماعم تفهمي بالحكي انتي شكلك . ام راتب : خلص فهمت فهمت ، بس انت ما تركتلي دور بخطبة ابني . ابو راتب : تركتلك دور تروحي تخطبيها انتي و امي . ام راتب : الله يصبرني إلهام : سلوى تعالي بنتي . سلوى : نعم ماما ، ليش عم تبكي ؟ إلهام : مافي شي حبيبتي ، قربي خليني ساويلك شعراتك . سلوى : بس شعراتي هيك حلوين جدولات متل ساندي بيل . إلهام : ما بيصير لازم افردلك ياهن لأنو جايكي خطابين . سلوى : خطابين ؟! شو يعني ؟ إلهام : تطلعي فيني حبيبتي ، يعني هلأ رح تنخطبي و تبلشي حياة جديدة رح يصير عندك زوج و بيت عم ، و يصير عندك بيت كبير و حلو خاص فيكي ترتبيه متل ما بدك . سلوى : و المدرسة ؟ إلهام : لازم تنسيها . سلوى : صح ذكرتيني ليكي الانسة حطلتي 10 من 10 و رسمتلي نجمة على ايدي . إلهام : يا ربي دخيلك كيف بدي اقنع هالبنت . *رتبتلها شعراتها لسلوى ... بعد ساعات اجو اهل راتب ليخطبوها