العضوة: 743708 , 5 years ago

الله يقومهن بالسلامة و يعافيهن . الهام آمين . *بعد ساعات من التوتر طلعت الممرضة وجهها اصفر ... الهام : شو ؟ الممرضة : العمر الكن توفت سلوى . ملاك : لااااااا امي . سحر : مستحيل امي ما بتتركنا . (ماتت سلوى ، ماتت نور عيوننا ، ماتت أكتر انسانة كانت تحن علينا بالدنيا كلها) "أمي يا روحاً طاهرة تهيم من حولي ، يا حضناً دافئاً كم شكوت إليه همي ، أشعر بروحك العطرة تظللني في ذهابي و إيابي ، تتبعني ، فأنتِ يا حبيبتي دائما معي ، لا يغيب كلامك عن سمعي ، حتى أناملك أشعر بها تمسح دمعي برفق ، تهمسين و تقولين : لا تبكي لا تبكي ، فأنا كما قال رب العالمين ، من الأحياء عنده وفي الجنة أمشي " *رؤى صار معها شلل نصفي بسبب الإصابة ... رجعنا انا و اختي سحر و اختي رؤى عشنا ببيت جدي اهل امي . بعد مرور سنة من وفاة أمي أسعد : سمعوني منيح يا جدي ، أنا عندي ياكن بالدنيا كلها بس أبوكن حكا معي و بدو ياكن تروحو تعيشو معو بالامارات ، هاد أبوكن و انا ما بقدر قلو لا ، بس بدي أعرف أنتو موافقين ؟ ملاك : اي جدي . سحر : أي موافقين . *سافرنا لعند أبي عالامارات ... ملاك : كل فكري انو رح نعيش حياة افضل ، نعوض الفقد اللي بحياتنا و الحنان اللي راح من لما راحت أمي ... راتب : اهلا و سهلا فيكن ببيتكن . نهى : نورتو حبيباتي . سحر : تسلمي خالة . ملاك : اهلين فيك بابا . نهى : رؤى الحلوة كيفها ؟ سحر : منيحة الحمدلله . راتب : بعد كم يوم رح كمل علاج رؤى لترجع متل اول و احسن . ملاك : ان شاء الله . نهى : عن اذنكن انا رايحة جهز الغدا . راتب : احكولي عن امكن ، كيف كانت بالفترة الاخيرة ؟ سحر : كانت تعبانة كتير ، جسمها ضعيف لانها كانت تحرم حالها لتطعمينا . ملاك : الهم و الحزن اكلوها مع انو بيت جدي كتير كانو يساعدوها بتربايتنا . راتب : الله يرحمها و يجعل مثواها الجنة . ملاك : امين . * مضى أول اسبوع النا بالامارات بشكل منيح ، بهالفترة كان عمري 14 سنة و عمر اختي سحر 15 سنة و عمر اختي رؤى 7 سنين ... *بعد هالاسبوع صار ابي ياخد رؤى عالدكتور لتتعالج ... و مرت أبي ظهرت على حقيقتها ، هي من بلد عربي غير سوريا صارت تعاملنا بقسوة كبيرة لاننا منشبه أمي ...

العضوة: 743708 , 5 years ago

#قصة_واقعية #الجزء_الرابع لقد أحبت جهلها بحياتها ، و عشقت نومها عن صحوتها ؛ لتبتعد عن همها و تعود إلى طفولتها ... بعد مرور 3 شهور من العذاب عند مرت أبي نهى : بناتك ما بيساعدوني بيتحججو بالدراسة مشان يضلو قاعدين . راتب : لسا انتي و بناتي كل يوم نفس الموشح ، ما بيكفي توفت أمهن كمان انتي عليهن ؟ نهى : جاييها عريس لسحر . راتب : لا . نهى : غني كتير ما لازم نضيعو من ايدنا . راتب : عم قلك لا . نهى : ليش لا يعني ؟ سماع مني و بس اهلو يجو اسأل عن الشب و بعدين لكل حادث حديث . راتب : استغفر الله ، خليهن يجو لشوف آخرتها معك . *سمعت اختي سحر حديث مرت أبي .. راحت عالغرفة و صارت تبكي ... ملاك : شبك اختي ليش عم تبكي ؟ سحر : مرت ابوكي عم توز براس ابوكي مشان يزوجني ، انا ما بدي اتزوج بيكفي يلي شافتو أمك ، انا خايفة اتزوج ويصير فيني متلها . ملاك : امسحي دموعك ولا تخافي الله ما بيضرنا . سحر : والنعم بالله . *تاني يوم اجو الخطابين شافو اختي سحر و طلبوها ، صارت نهى تقنع ابي اديش هالجماعة مناح لتخلص من سحر ، و بعد جهد قدرت تقنع ابي و بلشت المرحلة التانية يلي هي تقنع اختي سحر بالعريس ... نهى : اسمعي يا بنت كلشي رح تطلبيه رح يكون عندك بثواني . سحر : بس انا ما بدي ياه و ما بدي شي ، أبي عم يجبلي كلشي بطلبو ، بدي ضل عايشة مع خواتي . نهى : لك مجنونة انتي عم قلك غني كتير . سحر : يا ربي ليش ماعم تفهمي عليي انتي ، العريس اكبر مني بكتير و شكلو بيخوف ما بدي ياه . نهى : اخرسي وليه مو على كيفك رح تاخديه غصب عنك و إلا بشيل عيونك . *طول الليل عم تبكي اختي سحر و انا قاعدة جنبها و عم هديها ... ملاك : اهدي حبيبتي . سحر : حاسة حالي رح موت . ملاك : بعيد الشر عنك يا روحي ، سحر تطلعي بالسما و ادعي ربك معي ، وثقي فيني رب العالمين ما رح يضرنا . سحر : يا رب ساعدني . *بفضل رب العالمين قبل الخطبة توفى ابو العريس وما تمت الخطبة ... صارت سعادتنا انا و سحر ما بتنوصف ... بس نهى زاد حقدها و كرهها النا و صارت تخلينا نشتغل اكتر بكتير و ممنوع ندرس او نروح عالمدرسة اذا ما كان البيت عم يلمع ...

العضوة: 743708 , 5 years ago

صار عمري 16 سنة و اختي سحر 17 سنة و رؤى 9 سنين ... *رؤى تحسنت كتير صارت تمشي و تحكي بس اصابيعها ماعم يتحركو ... بهالفترة اجاها عريس سوري لاختي سحر ، و مستقر بالامارات ... *اجا العريس و اهلو شافو اختي سحر ، تعرفت سحر عالعريس ، حسيتها مرتاحة و مبسوطة ... ملاك : حاسستك مبسوطة و رايدتيه . سحر : بصراحة اي . *قربت منها و حضنتها ... ملاك : الله يسعدك و يهنيكي يا حبيبتي .

العضوة: 743708 , 5 years ago

*تزوجت سحر و راحت على بيت زوجها .. زوجها انسان خلوق و بيخاف الله فيها ، ما جرب يزعلها ولا مرة ، فرحت لاختي من قلبي انو ربها عوضها بانسان منيح و ارتاحت من عذاب نهى و ظلمها ... *صرت انا بوجه المدفع .. بيوم كنت عم امسح البيت اجت نهى وقفت قبالي ... نهى : ملاك انتي بتحبي ابوكي ؟ ملاك : اي طبعا . نهى : بس هو ما كان يسأل عنكن ، يعني لو انا محلك بكرهو . ملاك : شو ما عمل بيضل أبي و بضل بحبو و بحترمو . نهى : اي يلا كملي شغلك بلا فزلكة ، الله يخلصني منك . *صرت حب النوم لأني بشوف أمي بالحلم ، و بتمنى ما اصحى لضل هربانة من نهى ، صورة أمي و صوتها و كلماتها ما بيروحو من بالي ولا لحظة ... *بحب اتطلع على حالي بالمراية لاني نسخة أمي ، أنا اكتر وحدة بشبهها بين خواتي لهيك نهى بتكرهني الي اكتر شي بين خواتي ... *رجع أبي من شغلو تغدى و راح على غرفتو لينام ، لحقوه نهى و اختي رانيا يلي هي بنت نهى ليكذبو عليه و يألفو و يتمسكنو ... نهى : انا كتير زعلانة يا راتب . راتب : ليش ؟ نهى : انت حبيبي وما برضى حدا يحكي عليك . راتب : مين حكا ؟ نهى : هي ملاك طول النهار قاعدة عم تحكي عليك و تحكي اديش بتكرهك و حاقدة عليك . رانيا : اي بابا مزبوط هالحكي حتى انا تقاتلت معها . راتب : معلش تطلعو من الغرفة خلوني نام ساعة . نهى : اي رح اتركك بس لازم تعرف انو بنتك عم تضل ماسكة التلفون و عم تحكي عليه ، الله عليم مع مين عم تحكي استغفر الله ، الله يجيرنا . راتب : بتكون عم تتواصل مع بيت جدها او مع سحر . نهى : لا بصراحة هي بنتك عم تحكي مع شباب ، يا لطيف . راتب : انتي شو عم تحكي ؟ نهى : متل ما سمعت ، اسأل رانيا حتى . راتب : صح هالحكي رانيا ؟ رانيا : اي اي صح . *كنت واقفة بالمطبخ عم اجلي .. اجا أبي لعندي وجهو ما بيتفسر ... راتب : ملاك وين تلفونك ؟ ملاك : بالصالون بابا . *راح عالصالون مسك تلفوني و فتحو ، صار يدور فيه على شي يثبت حكي نهى و رانيا بس ما لقى شي .. عرف ابي اني مظلومة و انو هالحكي كلو كذب لحتى ابي يكرهني ... *خلصت شغل البيت و رحت لدرس اخواتي ريم و محمد بحبهن لانهن صغار و عاقلين و كانو يحبوني كتير ، يمكن لانهن لسا ما تعلمو الملعنة و الكره من امهن...

العضوة: 743708 , 5 years ago

*بعد شهور ولدت اختي سحر جابت بنت متل القمر ... ملاك : يا روح خالتك دخيل هالوجه ما احلاه . سحر : طمنيني عنك ملاك . ملاك : منيحة . سحر : ما خففت شوية عذاب هديك الحية ؟ ملاك : والله يا اختي حاسة انو ما رح يخلص هالعذاب الا لحتى انا موت او نهى تموت . سحر : بعيد الشر عن قلبك . ملاك : شيلك مني هلأ قوليلي كيف صحتك انتي ؟ سحر : الحمدلله تحسنت . #لصمتي_حكاية #قصة_واقعية #الجزء_الخامس_الأخير *كالعادة .. خلصت شغل البيت و دراستي و رحت فتحت الفيس بوك ، لحتى أكتب عن امي .. هالبرنامج هو المكان الوحيد يلي بعبر فيه عن مشاعري ، عن حزني و شوقي لأمي يلي ما بيخلص ... *كان في طلب صداقة على طول يتكرر من شخص و انا احذفو ، حذفت الطلب للمرة المية و نزلت منشور عن أمي بلحظتها رجع بعتلي طلب صداقة جديد ، من عصبيتي بدال ما الغي الطلب قبلتو .. خفت كتير صرت ارجف و رميت التلفون من ايدي ... باليوم التاني مسكت تلفوني شفت رسالة من هالشخص ... أمير : شكرا لأنك قبلتي الصداقة . *صرت ارجف بزيادة .. توترت كتير و رديت عليه ... ملاك : انا قبلت الطلب بالغلط و هلأ رح الغيه . أمير : ليش ؟ ملاك : انا بنت بخاف ربي ، رح الغي الصداقة و بتمنى ما ترجع تبعت لانو هالشي غلط . أمير : اسف اذا فهمتيني غلط ، انا ما بعتلك لحتى إئذيكي ، انا بعتلك لاني شفت صفحتك كلها حزن حابب ساعدك اذا بقدر ، و مرة تانية انا اسف اذا سببتلك ازعاج . *سكرت تلفوني بدون ما رد و رحت على مدرستي .. كان طول الوقت تفكيري مع هالشخص قررت لما ارجع عالبيت احظرو و ارتاح لانو مستحيل يكون في حدا صادق على النت ...

العضوة: 743708 , 5 years ago

*وصلت عالبيت لقيت الشغل مستنيني ... نهى : يلا بلشي شغل ، مبارح لقيت هي الزاوية مو نضيفة كنت مقررة احرمك روحة المدرسة اليوم بس ما صحيت الصبح . ملاك : استغفر الله ، هلأ بنضفها . *خلصت شغل البيت و رحت مسكت تلفوني ... أمير : أنا اسمي امير عمري 25 سنة طالب هندسة ، بحلفلك اني ما رح إئذيكي ... *قرأت كل الحكي يلي باعتو ، معرفني عن حالو و حاكيلي عن مكان سكنو .. عرفت انو عايش بنفس منطقتي بسوريا ... *رديت عليه .. ما بعرف شو يلي خلاني رد و احكي معو مع اني ما بوثق بحدا .. سألني عن سبب حزني جاوبتو بكل صدق ، ما بعرف كيف قدر هالانسان الغريب يخليني احكي كلشي مدايقني ، يمكن لاني بحاجة حدا اشكيلو همي او يمكن رب العالمين بعتلي هالانسان ليخفف عني حزني و وجعي ... ملاك : بكره كل الدنيا ، و بكره جنس آدم كلو لانو كلهن متلي أبي يلي بعمرو ما حن على أمي . أمير : انتي مافيكي تحكمي على الكل انهن سيئين ، انا معك في ناس سيئين بس مو الكل . *حكيت كتير وهو سمعني و عطاني اهت

العضوة: 743708 , 5 years ago

مام ، صار يحاول يحسسني انو جنبي بكل الاوقات لحتى ما حس اني وحيدة و ضعيفة ... مضيت الشهور .. بلشت اتعلق فيه .. نحكي مع بعض كل يوم وما نمل من بعض .. بلشت حس اتجاهو بمشاعر حب .. حب طاهر كلو صدق و اخلاص ... ((جمعها به القدر ، حيث كان اللقاء يعيد إليها ضحكتها و ينسيها حزنها ، معه عَلِمت معنى الحب و الحياة ...)) _______________________________ نهى : انتي صايرة ماعم تشتغلي منيح . ملاك : بيكفي تظلميني كل هالشغل و بتقوليلي ماعم تشتغلي منيح ؟ نهى : صايرة بتعرفي تردي جوابات ، هاتي تلفونك . ملاك : شو بدك فيه ؟ نهى : هاتيه بدي احرمك منو لتصيري تشتغلي منيح . ملاك : رجعيه . نهى : ما تحلمي . ملاك : اذا ما رجعتيه ماعاد رح اشتغل شي بالبيت . نهى : ماعاد رح تشتغلي بالبيت انا بورجيكي . *قربت مني نهى و صارت تضربني و تخبطلي راسي بالحيط .. بعدين جابت المقص لتقصلي شعري ... ملاك : بعدي عنيييي . نهى : اي رح بعد عنك بعد ما قصلك كل شعرك . ملاك : يا ربييي بعدييييي . راتب : شو هاد شبكون ؟ نهى : بنتك عم تعذبني . ملاك : بابا بدها تقصلي شعري . راتب : هاتي المقص ، انا ماعاد اخلص من مشاكلكن ، هي اخر مرة بسمع صواتكن طالعة هيك المرة الجاي رح اجي قص راسك و راسها . *حرمتني نهى من المدرسة .. صارت توسخ كل البيت بعد نص الليل و تصحيني نضفو .. ما اكتفت بتعذيبي صارت تعذب اختي رؤى المريضة كمان ... *بعد مرور 3 شهور من العذاب و القهر و الحرمان ... نهى : بما انك عزلتي كل البيت ، تفضلي هي تلفونك بس ما بدي شوفك ماسكتيه . ملاك : طيب . *ما كانت فارقة معي ان رجعتلي ياه او لا ، لأنو ما معقول يضل امير ناطرني تلت شهور ، بالنهاية هو ببلد و انا ببلد ...

العضوة: 743708 , 5 years ago

*بالليل فتحت تلفوني .. خانتني ظنوني لقيت امير ناطرني و باعتلي الاف الرسائل ، فرحت كتير بعتلو بلهفة ... ملاك : اشتقتلك . أمير : و انا اشتقتلك كتير يا ملاكي ، غيابك حرقلي قلبي . ملاك : أمير انا تعبانة كتير . *بلشت احكيلو شو صار معي بهالغيبة .. بكيت كتير و انا عم اكتبلو .. بس كلامو خلاني حس براحة ، أمير مصدر الامان و الفرحة لقلبي ، بنظري هو أحسن انسان بالدنيا و نعمة من ربي ... ______________________________ *احتارت نهى شو بدها تعمل فيني كمان ، اخر شي قررت تحرمني من الأكل .. صرت دوخ و اتعب كتير و انهرت تماما ... سحر : ملاك شبو صوتك ؟ مريضة شي ؟ ملاك : انا تعبانة كتير اختي ، نهى حارمتني من الاكل . سحر : يا عمري انتي ، نص ساعة و بكون عندك . *بعد نص ساعة وصلت سحر... سحر : صحة و مية هنا ، الله لا يسامحها . ملاك : أنا ماعاد فيني استمر بهالعيشة ، تعبت كتير . سحر : شو بدك تعملي . ملاك : بدي جرب احكي معها . سحر : شو بدك تحكي معها ؟ اذا قربتي منها يمكن تموتك ، اصلا ما باقي غير هالشغلة . ملاك : برتاح ساعتها . *بعد ساعة رجعت اختي سحر على بيتها ... طلعت من غرفتي وقفت قبال نهى ... ملاك : انتي ليش عم تعملي فيني هيك ؟ شو بدك فهميني ؟ نهى : لأني بكرهك و بدي اخلص منك . ملاك : اقنعي أبي ارجع على سوريا ساعتها بتخلصي مني بكل سهولة . نهى : بترجعي ؟ ملاك : اي برجع اليوم قبل بكرا . نهى : أي منشوف . *بلشت نهى تقنع أبي اني ارجع على سوريا ... نهى : لازم ملاك ترجع على سوريا . راتب : ليش ؟ نهى : ما شايفها كيف عم تموت ؟ أنا كل يوم بجبلها أكل و بدي طعميها وهي ما بترضى ، خليها تموت عند بيت جدها أحسن ما يطالعو حكي انو أنا موتتها . راتب : طالما هيك خليها ترجع لانو هالبنت ما بيلبقلها الدلال ، لا عاد تحطيلها اكل هي تاكل لحالها . نهى : امرك ، بس احجزلها اقرب طيارة . راتب : هو هيك .

العضوة: 743708 , 5 years ago

*فرحت كتير اني رح ارجع على بيت جدي .. ضبيت تيابي كلهن لانو تاني يوم الصبح طيارتي ... ملاك : رورو شو رأيك ترجعي معي على بيت جدك ؟ رؤى : لا ما بدي . ملاك : ليش حبيبتي ؟ رؤى : ما بدي رفقاتي يشوفو اصابيعي ماعم يتحركو و يصيرو يضحكو عليي . ملاك : يا روحي رفقاتك بيحبوكي كتير مستحيل يضحكو عليكي . رؤى : ما بدي انا بدي ضل مع بابا و مع ريم و محمد نلعب سوا . ملاك : حبيبتي انتي . *ضميت رؤى لقلبي دعيتلها الله يحميها و يكون معها و يعافيها ... ملاك : سحر انتبهي على حالك و على اختك و على بناتك . سحر : لا تشيلي همي حبيبتي وانتي انتبهي على حالك . ملاك : ان شاء الله ، كل يوم حكوني . سحر : من عيوني . *وصلت على سوريا ، لعند بيت جدي أسعد .. هون ببلدي غير بين أهلي و ناس بيحبوني ، تعبت كتير بس لما شفتهن نسيت كل تعبي و وجعي ... إلهام : ليش هيك ضعفانة يا روحي ؟ ملاك : نهى حرمتني من الأكل اخر فترة ، ما كنت آكل الا اذا اجت سحر و جابتلي اكل . إلهام : الله لا يسامحها . ملاك : بابا أسعد مافي مخلوق بالدنيا بيستحق كلمة بابا غيرك ، الله لا يحرمني منك . أسعد : الله يحميكي يا بنتي و يرحم أمك . *بالليل فتح

العضوة: 743708 , 5 years ago

ت تلفوني لقيت شي مية رسالة من أمير ... أمير : وينك ؟؟ شغلتي بالي الك زمان مو فاتحة ، فيكي شي ؟ صاير معك شي ؟ ملاك : أنا تمام ، ما قدرت افتح لانو مافي نت على طريق السفر . أمير : سفر ؟ لوين سافرتي ؟؟ ملاك : رجعت على سوريا و هلأ انا عند بيت جدي . أمير : بربك عم تحكي جد ؟ ملاك : هههه أي والله . أمير : حبيبة قلبي صارت جنبي . ملاك : اي صرت جنبك . *فرحتنا ما بتنوصف بهداك اليوم ... *رجعت لدراستي و رجع وجهي ل لونو الطبيعي من بعد ما كان شاحب ، باختصار رجعتلي الحياة و الضحكة ... ملاك : طمنيني عنكن اختي . سحر : الحمدلله كلنا مناح . ملاك : و رؤى ؟ سحر : جبت رؤى لعندي عم اهتم فيها لانو مرت ابوكي وقفتلها العلاج . ملاك : الله لا يوفقها . سحر : بس لا تخافي اختي رؤى منيحة كتير الحمدلله ، المهم انتي بخير ؟ ملاك : انا بخير و مبسوطة كتير هون . سحر : الحمدلله . *بالليل اتصل فيني أمير .. كانت نبرة السعادة بصوتو واضحة ... أمير : بكرا جهزي حالك. ملاك : ليش ؟ أمير : جايين أهلي يخطبوكي . ملاك : هههه عم تحكي جد أمير . أمير : اي والله جد الجد يا عروستي الحلوة . ملاك : الله لا يحرمني منك . *بلشت عيش أحلى أيام عمري .. تمت خطبتي من أمير بتاريخ 2/12/2016 ... و بعد فترة صار العرس بتاريخ 15/3/2017 ...

العضوة: 686530 , 5 years ago

خلصته ولا في كمان

العضوة: 743708 , 5 years ago

حالياً انا عمري 19 سنة و أمير عمرو 26 سنة ... أنا و أمير ناطرين ثمرة حبنا يلي ببطني و بدعي ربي يتمم علينا . أمير مو بس زوجي ، هو رفيئي و حبيبي ، أبي و أمي ، حنيتو عليي بتشبه حنية أمي الله يرحمها ... أمير هو أهلي و كل حياتي ، معاه نسيت كل الوجع و العذاب يلي عشتو ، معاه عرفت معنى الحب و السعادة و الصدق و الاخلاص ... #لصمتي_حكاية #قصة_واقعية #انتهت #بقلم_فتاة_من_ورق برجع بذكركن كتبت هالقصة بتاريخ 14/9/2017 ... و لحد هاللحظة ملاك صاحبة هالقصة موجودة معنا ، اتركولها لملاك كلمة حلوة و دعوة من القلب بهالشهر الفضيل لأنها إنسانة بتستاهل كل خير❤ الله يسعد قلبك حبيبتي و يجعل أيامك كلها فرح و يبعد عنك كل شر و كل مكروه و يرحم أمك❤ (ملاحظة .. الاسماء الموجودة بالقصة هي اسماء مستعارة ، نزولا عند رغبة صاحبة القصة )

العضوة: 743708 , 5 years ago

انتهت ياصبايا يلي تحب تدعمنا بمتابعه وشكرا للجميع . رحيق الجنه ام لين

العضوة: 751275 , 5 years ago

شكرا عالقصة حلوة كثير ولسا بدنا وحدة جديدة 😇

العضوة: 743708 , 5 years ago

@user-751275 القصة الجايه رح تكون هديه الك 😍😍