لكل ست بتعانى من الكلام مع زوجها انها بتتكلم فى حاجة وهو ولا هو هنا فاصل ومفيش تواصل تعالى اقولك تكوين مخ الرجل وتكوين مخ المرأة نعم 😊 الراجل مخه عبارة عن صناديق صغيرة مقفولة كل صندوق فيه موضوع معين متخزن فيه وفيه كمان صندوق فاضى هقولك وظيفته ايه بعد شوية ست الستات بقى مخها عبارة عن شوية اسلاك كهربا مشبكة فى بعضها وملخفنة كله موصل على كله والكهربا عاليه مخها خلية نحل لاتكل ولا تمل 😂😂 لما تيجى تتكلمى مثلا معاه فى موضوع زى تربية الاولاد مثلا مخه هيطلع صندوق تربية الاولاد وتبدأ المناقشة وفجأة يلاقيكى بتقولى له علاقتك بيا واحترامك ليا لازم يبقى احسن من كده شوية اودام الاولاد 😲😲فجأة يتنح وبعدين مامتك وباباك مش هينفع يتدخلوا فى حياتنا بالشكل ده انا مش عارفه اربى ولادى 😲😲😲التتنيحة هتزيد وبعدين اختياراتك لاافلام الاجنبى لازم تتغير رعب ايه اللى بتفرجه للاولاد ده 😲😲😲😲😲😲 هنا بقى مخه هيقفل الصندوق ويحطه مكانه بهدوء عشان ميخبطش الصناديق التانية وجرى على الصندوق الفاضى وهو بيقول ياااا مجنوووووونه مخ الرجل محدد موضوع واحد دخلتيه فى اكثر من موضوع ايه اللى جاب علاقتنا في الموضوع وابويا وأمى عملوا ايه كمان ومالها افلام الرعب باللى بتفرج عليها دى باااين مجنونة ده👆👆 حوار المخ مع نفسه رد فعله بقى واحد من اتنين اما التتنيحة تزيد وميردش عليكى ويدخل الصندوق الفاضى يريح نفسه من الضغط اللى عملتيه على مخه (صندوق الفصلان) او من ضغطك عليه وهو بيرجع صندوق تربية الاولاد خبط فى كام صندوق اتفتحوا وهو مابيعرفش يركز فى ده كله تلاقيه اتعصب عليكى والدنيا باااظت طب ايه الحل ✳اولا تفهمى طبيعة مخه وتتأقلمى مع التعامل معاها ✳ولما تدخلى معاه فى مناقشة خليكى محددة موضوع واحد بس وحاولى تجاهدى نفسك شوية ومتدخليش الدنيا في بعضها ✳لو خلاص مش قادرة انك متدخليش المواضيع في بعضها يبقى ابوس ايدك مهدى له عشان يبقى عنده فرصة يطلع الصندوق اللى هتتكلمى في موضوعه ✳اختارى وقت مناسب للمناقشة وابقى هادية ومركزة ✳اعرفى انك مختلفة عنه عندك امكانيات أعلى منه بكتير قدرى نفسك بس ماتتكبريش عليه دول غلابة #شيماء_أحمد_العشرى #استشارية_صحة_نفسية_وعلاقات_أسرية_وتربوية